يفز القلب ثم يسجد

[عبدالله راشد الثويني]

السلام عليكم ورحمة الله وبركاته

أضعها بين أيديكم لعلها تنال القليل من إعجابكم

يعود النبض للعاشق من بعد الوله والشوق=إليا من شاف محبوبه يزين القاف وسط الفكر
يهيم المغرم المشتاق ويفرح خافق(ن) مخنوق=يفز القلب ثم يسجد لرب الكون حمد و شكر
لغيرك ماكتبت الشعر وحرفي لجلكم منطوق=حكرت الحرف والمعنى لعينك ياوليفي حكر
الا ياغايه المشتاق ألا يابلسم المحروق = الا ياطير لا تبعد وقلبي يا الغلا لك وكر
ألا سبحان من صوُرك وميز طبعكم بفروق=وفى واخلاص ماخالط وفى قلبك خباث المكر
حضورك ينعش الخافق كأنه في سماي شروق=طلبتك عاود الطلٌه وللفرحه طلبتك كـر
معك ماحس با العالم ووقتي با اللقا مسروق=وذا حال المولع دوم كأنه وسط حالة سكر
لأجلك سارت ابياتي لأجلك ياحسين الذوق = حروفي كان ماجت بك أبد ما تستحق الذكر

العذر على القصور

[عادل العتيبي]

صح لسانك

وبيض الله وجهك


مايجي منك قصور طال عمرك


تقبل تحياتي

[ســُلاف]

حضورك ينعش الخافق كأنه في ساي شروق
طلبتك عاود الطلٌـه وللفرحـه طلبتـك كـر

صح لسانك عبدالله الثويني
الكلمة اللي بالاحمر ماعرفتها

[بارق السيف]

عبدالله الثويني

صح لسانك ،، وبيض الله وجهك على القصيدة

جزله من راس جزل

تحياتي لك

[عبدالله راشد الثويني]

المشاركة الأصلية كتبت بواسطة عادل العتيبي

صح لسانك

وبيض الله وجهك


مايجي منك قصور طال عمرك


تقبل تحياتي

صح بدنك يا الغالي يسعدني مرورك أخوي عادي
تقبل مني خالص الشكر والإمتنان

[عبدالله راشد الثويني]

المشاركة الأصلية كتبت بواسطة ســُلاف

حضورك ينعش الخافق كأنه في ساي شروق
طلبتك عاود الطلٌـه وللفرحـه طلبتـك كـر

صح لسانك عبدالله الثويني
الكلمة اللي بالاحمر ماعرفتها

أهلاً بكِ أختي الغاليه سُـلاف

لم أقصد ساي ، بل كنت أقصد سماي غلط إملائي تم تعديله

شاكرك على التنبيه

تقبلي وُدي

[يوسف بن صالح]

عبدالله الثويني

صح لسانك ولا هنت

جزلة من جزل


تحياتي لك ولقلمك

[عبدالله راشد الثويني]

المشاركة الأصلية كتبت بواسطة فهد المطيري

عبدالله الثويني

صح لسانك ،، وبيض الله وجهك على القصيدة

جزله من راس جزل

تحياتي لك

تسلم أخوي فهد المطيري وصح بدنك
شاكرك على مرورد العذب
تقبل وُدي

صح لسانك ويعطيك العافية

[منيع]

حازت الجمال والابداع
وتستحق الشكر
بارك الله فيك
تحياتي