جدك عبيد : اهداء للنقيب ماجد العبيد

[عبدالرحمن الغيثي]

ابيات متواضعه اهداء إلى النقيب : ماجد بن حمود العبيد

هذا الرجل الذي لايمل من فعل الخير ومساعدة الآخرين

قطفت من شعري نواوير وزهور = وغلفتها تقدير راع الجزاله
للشعر عندي قدر واحساس وشعور = والمدح مايركب بليا دلاله
ومن يفعل المعروف يمدح وماجور = الطيب والتقدير كله زهاله
ياماجد بن حمود ماجيت بقصور = اغرقتني بالطيب قبل الجماله
حرٍ ولد حرٍ ومن ماكر صقور = صيداته الجزلات هام وقواله
لو يعتذر ماهو عن الطيب معذور = متعمقٍ مابين عمه وخاله
وجدك عبيد اللي مع الناس مذكور = ياجا مجال الطيب جابوا مجاله
من يوم في بقعاء بساتين وحيور= نماه مايذخر لسوق وبقاله
للضيف واللي مر بالدار معسور = يقلط على خف النفوس بسهاله
ودليل قولي للاجاويد مخبور = جيران جدك خاشروه بحلاله
ياقيل بقعاء قالوا عبيد به نور = يجلا ظلام الليل مابه جهاله
والطيب ماياتي على هرجت الزور = ولا يدركه من هو يشح بحلاله
والمجد قمه دونها شوك وحفور = تبي عزوم رجال تعشق نواله
والا الردي لو هام عاجز ومثبور = تفتر عضوده مايحقق وصاله
فداك ياماجد هل الغدر والجور = اللي يحبون الجهل والنذاله
وعساك تسلم من صواديف ودهور = والله يحفظك يارفيع الاصاله
طيب ومثلك يالمواقيف له دور = دون الخوي تاقف بعزم وبساله
وليانخاك اللي من الوقت مقهور = تشيل حمل اللي تردّت حواله
والختم يبو حمود مشكور مشكور = احرجتني بالطيب قبل الجماله

[عمر ال شيبي]

طيبه ولها معاني جميله لا هنت وصح لسانك

[داعي الشوق]

صح لساانك و اعتلا شانك أخي عبدالرحمن

و يستاهل المدح راعيه

قصيدة وافيه من وافي

ولاهنت

مع التقدير لك

و صح لسانك مدد

*****************

[عبدالله الدخيل]

عبدالرحمن الغيثي
شاعر/V.I.P

صح لسانك وبارك الله فيك
قصيده جزله من شاعر جزل والممدوح يستاهل

واقبل

ودي واحترامي

[الطامي]

الغيثي
صح السانك ملايين
انت تقول وهو اكيد يستاهل
شكرا لك اخي

[صعبة المنال]

قصيدة جزلة

صح لسانك يستاهل


صعووووب

[منيع]

ابيات رائعة
وراعي الطيب يستاهل
شكرا لكم
تحياتي

[نجم الإبداع]

ونعم بالمادح والممدوح

وصح لسانك ياعبدالحمن

مصافحه جزله

لاهنت

تقبل مروري

وتقديري

[احمد القاسم]

الغيثي صح لسانك واعتلى شانك على المصافحه الطيبه .. يستاهل الممدوح

تحياتي لك

[عرق الماس]

الشاعر عبد الله..
مشاركة جميلة...
والله يديم أهل الجود..
تسلم يدك..