يارب مالي غير من همّي اليك المهربي

[نجم الإبداع]

بسم الله ابدا قبل بدع العلم علام الغيوب=الخالق الباري المصور والصلاه على النبي
في عشر ذو الحجه طلبتك ياجليل الملك ثوب=ثوبٍ من التقوى يواري عورة اللي مذنبي
يارب واغفر لي وسامحني على كل الذنوب=واكتب لي التوفيق يارب الملاءواغفر لابي
يارب وارحم امة الاسلام من كبر الخطوب=بين الامم لاجل العقول الصم ضاع اليعربي
القدس وارض الرافدين ومصر والشام وجنوب=ماتبصر الا الفتنه مشتْعْله ومردود الغبي
ظهر الفساد وساد والافساد من موت القلوب =عصرن تهاوى فيه شبل الغاب وابن الارنبي
ماباقي الا الاعور الدجال يظهر والكروب=تاه الحليم اليوم بين اسهيل والا العقربي
الحاكم اوباما انفجع من بعد ماقام الحروب =غير سياساته وعود للعدو لاول حبي
مابه غرابه دام دم الناس ماهوب امحسوب=ريقت دماء المسلمين وسال منها مكتبي
ياوجد لاتبكي الغثائيين ياوجدي وتوب =ياوجد هذا عصر راع المال والا المطربي
في عصر كذبنا اللذي صادق وصدقنا الكذوب=ماباقي الا الشمس تشرق للبشر مالمغربي
مات الضمير وماتت العادات غيرنا الدروب=يارب مالي غير من همي اليك المهربي

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

[منيع]

مبدع ورائع وجزل
شكرا لك يابومحمد
ربي يرعاكم
تحياتي

[نجم الإبداع]

المشاركة الأصلية كتبت بواسطة الطائر المهاجر

صح لسانك يالقرم
جزل ومتمكن
لاهنت
تحياتي وودي

صح بدنك دكتورنا الفاضل

وشكرا لشرف مرورك

لاعدمتك

[نجم الإبداع]

المشاركة الأصلية كتبت بواسطة منيع

مبدع ورائع وجزل
شكرا لك يابومحمد
ربي يرعاكم
تحياتي

تسلم يامنيع

وشكرا لشرف مرورك

لاعدمت

ك

[عبدالله الشويمان]

الله الله

دره ثمينه يا ابومحمد

قصيده جزله يا الجزل.

دمت بخير ولا هنت

[نجم الإبداع]

تسلم يابو بدر

صح بدنك وشرفني مرورك

لاعدمتك

[داعي الشوق]

جزل يا بو محمد و قصيده جزله

ابدعت يا نجم الابداع ولاهنت

و صح لسانك و فكرك

[ساهر الليل]

صح لسانك اخوي نجم الابداع

قصيده راااائعه بكلما فيها

فكرتها ونظمها وايرادها هنا

يدوم نزفك وحرفك المميز

تقبل تحياتي

[حي الضمير]

قصيده جزله وابدعت ابومحمد
لافض فوك وصح لسانك