كلي عشق

[بشير البلوي]

اسعد الله صباحكم / مسائكم بالخير ، اهديـــكم هذي الابيات و أتمنى أن ترتقي لــ سموا ذائقتـــكم .

كلي عشق

جيت لك قاف وقصيد وعزف ناي
جيت لك كلي عشق لحن وعزف

جيت لك مغرم متيم من اقصاي
جيت لك بانثر شعوري واعترف

جيت لك عطشان ابي اروي ضماي
مندفع لك جيت كلي منجرف

من هو غيرك انت يستاهل غلاي
يوم قلبي عن هواء غيرك حلف

وحدك اللي ساكن بداخل حشاي
ولا حداً غيرك تمنيته ولف

من يضاهيك بخفوقي يا هواي
كلهم في طرف وانتي في طرف

انسى كل الناس دام انك معاي
انت تكفي عن جميع اللي سلف

صرت لي كل شي بالدنيا ومناي
وصرت لي اجمل حلم كله عطف

انت روحي وانت زادي وانت ماي
وانت اجمل ورد قلبي له قطف

حبك بشريان قلبي في دماي
ما يتغير غير لا قلبي وقف

وكان تبغى اخر كلامي يا هواي
باختصار عجزت انا القى لك وصف

جيت لك يا بلسم جروحي وشفاي
جيت لك بانثر شعوري واعترف

بشير البلوي

[داعي الشوق]

صح لسانك واعتلا شانك

وصباح القصيد

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي

[منيع]

ياسلام عليك مبدع ورائع
كل التحايا لكم

[بشير البلوي]

المشاركة الأصلية كتبت بواسطة داعي الشوق

صح لسانك واعتلا شانك

وصباح القصيد

داعي الشوق

صح الله بدنك وشـــانك

لك تقديري،،،

[بشير البلوي]

المشاركة الأصلية كتبت بواسطة الطائر المهاجر

تميز في الإبداع
وجزله من راس جزل
صح لسانك
ولاهنت
تحيتي واحترامي

الطائر المهاجر


صح الله بدنك


وما عليك زود


اوفر التحايا،،،

[بشير البلوي]

المشاركة الأصلية كتبت بواسطة منيع

ياسلام عليك مبدع ورائع
كل التحايا لكم

منيع


الابداع يكمن بتواجدك


تقديري،،،

[الطامي]

صح السانك يالبلوي
رائعة كشاعرها
لاهنت