اذا مني طفشت وقلت اهاجر(بالصوت)

[الطائر المهاجر]

اذا منّي طفشت وقلت اهاجر = واسلّي النفس عن دنيا صعيبه
قصرتي عنوتي يا بنت هاجر = عطيتيني الفرح لحظه كئيبه
اعدتي لي الامل طيرٍ مهاجر= يهاجر في عيونك يالحبيبه
يشوف الدمع في وسط المحاجر= ويدري الروح من روحه قريبه
يا اغلا من لبس اغلا البناجر= يا اجمل حلم عيني تهتني به
كتبتي اسمك بطعنات الخناجر= بقلبٍ من فراقك بان عيبه
يحبك صدق ماهو حب تاجر= ويشكي الصد نبضات نحيبه
يحس الكون من بعدك دياجر= ظلامٍ في متاهاتٍ رهيبه
تركتيني اصارع وقت فاجر = يبيني انساك ما يدري صعيبه
يقول الحب في كل المتاجر = تبيع وتشتري اجمل حبيبه
بلا هم وضميرٍ دوم زاجر= فحبٍ راح لا تركض طليبه
وانا والوقت دايم في تشاجر= ومهما قال انا ماني صحيبه
احبك وانتظر طيفٍ مهاجر= يونس وحشتي من بعد غيبه

[الأموره]

يا عيني يالمهاجــر ،،

على هالكلمات و على هالالقاء ،،

تبارك الرحمن ،،

اسلوب ممتع ،،

صح لسانك و دام نبضك ،،

الف شكر لك ،،

دمت برعاية الخالق ،،

[الطائر المهاجر]

شكرا اختي الفاضلة / الأمورة
على كريم الحضور والتفاعل الراقي
تقبلي أطيب تحياتي

[صوت الإحساس]

والله يالمهاجر قوية



سامحك ربي يعلم الله أستفزتني



وصحت اللي ما ودك يصحى من جروح


بأمانة تحفظ لتنشيط الإحساس من فترة لفترة



أرجع وأقووووول قوية

وآسف على الرد بدون تنميق


لأني سمحت لنفسي ترد دون ما أدخل



لك إعجابي




ولهيبة حضورك تقديري واحترامي

[الطامي]

الطائر
لاهنت
وصح السانك
قصيدة واقعيه اكثر من رائعه

[ماجد الزيد]

اذا منّي طفشت وقلت اهاجـر
واسلّي النفس عن دنيا صعيبه
قصرتي عنوتي يا بنت هاجـر
عطيتيني الفرح لحظه كئيبـه
اعدتي لي الامل طيرٍ مهاجـر
يهاجر في عيونـك يالحبيبـه
يشوف الدمع في وسط المحاجر
ويدري الروح من روحه قريبه
يا اغلا من لبس اغلا البناجـر
يا اجمل حلم عيني تهتني بـه
كتبتي اسمك بطعنات الخناجـر
بقلبٍ من فراقـك بـان عيبـه
يحبك صدق ماهو حب تاجـر
ويشكي الصد نبضات نحيبـه
يحس الكون من بعدك دياجـر
ظـلامٍ فـي متاهـاتٍ رهيبـه
تركتيني اصارع وقـت فاجـر
يبيني انساك ما يدري صعيبـه
يقول الحب في كـل المتاجـر
تبيع وتشتري اجمـل حبيبـه
بلا هـم وضميـرٍ دوم زاجـر
فحبٍ راح لا تركـض طليبـه
وانا والوقت دايم في تشاجـر
ومهما قال انا مانـي صحيبـه
احبك وانتظر طيـفٍ مهاجـر
يونس وحشتي من بعد غيبـه


خرجت من قلب صادق فوصلت القلب بيسر
لله درك يابو عبدالله صح الله لسانك
وجاد بنانك .. الله لايحرمنا هالصوت وراعية
قاف راااائع يجر العبره على الاجر

[هاجس نجد]

الحبيب الغالي أبو عبد الله / الطائر المهاجر
أسعد الله أوقاتك بالأفراح والمسرات
أولاً :-عاجز عن الشكر على الثقة الغالية منك بتمكيني من الإشراف
ثانياً :- وش نقول يا أبو عبد الله مشاء الله عليك كفيت ووفيت عساك على القوة
وهذي القصيدة ماهي الوحيدة ولا هي الأولة ولى الآخرة المييزة الله لايحرمنا هالصوت الحزين
كلمة مبدع قليلة في حقك / مبدع ومتجدد ومرهف الإحساس ودائماً شعرك يكشف لنا عن تجارب السنين التي مرت عليك وعشتها بكل جديّة وواقعية وتفاعلت معها بما هو جديد ومفيد.
دكتورنا الغالي/ أبو عبد الله
هنا في الفطاحلة تعلمت منك الكثير وشدني فطنتك وذكائك وسرعة بديهتك عيني عليك باردة ..
الله يوفقك ويبارك فيك ويرحم والدينا ووالديك وجميع المسلمين
تقبل إعجابي بهذه القصيدة وبكل ما تطرحه وتسعى لجمعه ووضعه في هذا المنتدى الشامخ حتى أصبح بفضل جهودكم مرجعاً لمن يطلب العلم والمعرفة وعلوم الرجال
أخــــوك
هــا جــس /-/ نجـــــد

[منيع]

ابيات رائعه
بارك الله فيك
تحياتي وتقديري

[مبارك أبوظهير]

الله الله



أبوعبدالله



وش هالزين .. ماشاء الله تبارك الرحمن



ألف صح قلبك وفكرك .. أبدعت .. حبك وسبك .. لله درك .



جدد إعجابي .. ومتابعتي .. وغلاااااااااااااااااااي




م ن

الطائر المهاجر

صح لسانك على هالابيات الرائعه والالقاء الاروع

رغم ماتحمله الابيات من نبرات الالم والحزن

الا انها عذبه وجميله

تقبل مروري المتواضع وعساك عالقوه

تحياتي