ولاعير سمعي للنقيلي ولا الوشّاي

[شجاع عمر الأكلبي]

أنا والله إني الشين لاشفت لي شنّاي=وأحسّب حساب المقدية والمواجيبي
على العز والناموس والطايلة مبداي=أشرف لها في عاليات المراقيبي
أصيب الهدف وأنقد على الطيّب الرماي=ليا شفت رميه مخطيٍ ماهو مصيبي
ومن زلة الغالين ماكبرك يابلواي=أغط الحدث خوف الشماميت تدريبي
ليا جا رفيقٍ داني وغالي وخطّاي=أبحشم جنابي عنه وأسحب مشاهيبي
وعن مجلسه بابعدك بالحيل يامركاي=وعن ما ورا حضرته بأقصر مطاليبي
أبا حد نفسي للسعة حيث فيها دواي=وأبشرب مع الأجواد عذب المشاريبي
ولا عير سمعي للنقيلي ولا الوشّاي=خباث النوايا مفرقين الأصاحيبي
وأببدي على من يعلم الخافية شكواي=سميع ٍ مجيب ٍ مايبيله مناديبي
وأبصم على صم الحصا جايرين عداي=وعلى الغش مازررك ببناق ياجيبي
وعلى ماكتب ربي بامشيك يادنياي=وشيٍ كتب في اللوح لاشك بيصيبي
عسى الله يجعل مع نبي الهدى ملفاي=عسى يستجيب لطلبتي عالم الغيبي

[الطامي]

شجاع الأكلبي
صح السان وفكرك وبنانك
والنعم اخي
قول وفعل
والردي والدويني ويش يبغى به
شكرا لك

[محمد عبدالله البدراني]

شجاع الاكلبي


صح السانك مليون



ولا عير سمعي للنقيلي ولا الوشّاي
خباث النوايا مفرقين الأصاحيبي



مبدأ طيب من مشى عليه مايتعب



لله درررررررررررررك


تحيتي وتقديري

[عبدالله الشويمان]

المشاركة الأصلية كتبت بواسطة شجاع عمر الأكلبي

أنا والله إني الشين لاشفت لي شنّاي=وأحسّب حساب المقدية والمواجيبي
على العز والناموس والطايلة مبداي=أشرف لها في عاليات المراقيبي
أصيب الهدف وأنقد على الطيّب الرماي=ليا شفت رميه مخطيٍ ماهو مصيبي
ومن زلة الغالين ماكبرك يابلواي=أغط الحدث خوف الشماميت تدريبي
ليا جا رفيقٍ داني وغالي وخطّاي=أبحشم جنابي عنه وأسحب مشاهيبي
وعن مجلسه بابعدك بالحيل يامركاي=وعن ما ورا حضرته بأقصر مطاليبي
أبا حد نفسي للسعة حيث فيها دواي=وأبشرب مع الأجواد عذب المشاريبي
ولا عير سمعي للنقيلي ولا الوشّاي=خباث النوايا مفرقين الأصاحيبي
وأببدي على من يعلم الخافية شكواي=سميع ٍ مجيب ٍ مايبيله مناديبي
وأبصم على صم الحصا جايرين عداي=وعلى الغش مازررك ببناق ياجيبي
وعلى ماكتب ربي بامشيك يادنياي=وشيٍ كتب في اللوح لاشك بيصيبي
عسى الله يجعل مع نبي الهدى ملفاي=عسى يستجيب لطلبتي عالم الغيبي

كفو كفو يا اخ شجاع

ابدعت ابداع متناهي..صح السانك يا الغالي.وبيض الله وجهك بنور الايمان.على هذا النص الفاخر.

دمت بخير وصحه وسلامه

[عبدالعزيز الرقابي]

والنعم فيك ياشجااع .. كتبت وصغت .. فأبدعت ..
صح لسانك على هالقصيده الطيبه ..

أعجبني ..

وأبصم على صم الحصا جايرين عداي
وعلى الغش مازررك ببناق ياجيبي
وعلى ماكتب ربي بامشيك يادنياي
وشيٍ كتب في اللوح لاشك بيصيبي

أنهار متدفقه من الحكمه .. لله درّك
تقبل مروري المتواضع ..

[حي الضمير]

الدنيا لاتخلوا يابوعمر
وبيض الله وجهك يامميز
نص قمه من شاعر تعودنا منه الجزل الفريد
ومدد صح لسااااااانك

[سناعيس]

وأببدي على من يعلم الخافية شكواي
سميع ٍ مجيب ٍ مايبيله مناديبي

هذا الكلام
صح لسانك ياشجاع
وبيض الله وجهك
جزله من جزل لاهنت



تحياتي

[الـزلـزال]

شجاع عمر الأكلبي


قصيده مميزه ومتقنه


حوت على مدح النفس بشكل حكم متقنه وهادفه


كما ختمت بالتضرع للمولى عز وجل


أبدعت غالينا كعادتك بكل جزاله وأتقان


صح لسانك ملايين ملايين


ولك فائق تحياتي

[مبروك بن ماضي]

الاخ الفاضل الشاعر / شجاع عمر الأكلبي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[همس الورد]

بوح طيب

صح لسانك

و بيض الله وجهك

لاهنت اخي الكريم