رفـــيـق المـــصلــحــــــــــــة

[سعود القت]

ياقلب وشبك كاثراتٍ طواريك = بالله عسى ماشر شاللي طرالك
ياكبرها لن بيح الوقت خافيك = وانته طموح الغير فية ضلالك
ماهي غريبه عجف الايام تشقيك = بس الغريبه لن تمايل عدالك
ميل الدهر حذرا يقلل مساعيك = دوس الوغى لو كان دربك زمالك
بوج البسيطه واسع للرزق ويجيك = خلك بعيد الشوح ويطيب فالك
ترى الفقر مثل الردي من عوانيك = اللي تظن انه يورد حبالك
وقت الرخا بعلومه اللي تهقويك = وان صملت ولياك واقف لحالك
فحرص على اللي عن ظما الوقت يرويك = يفرح ليا استريت وان طحت شالك
واحذر رفيق المصلحة لا يباريك = اللي يرا قدرك بحسبة ريالك
ان زان وقتك قام يتبع خطاويك = وان شان دورله رفيقٍ بدالك
يذكر لسياتك وينسى حسانيك = وان شاف لك زله ما يرفأ خمالك

[ابراهيم السنيدي]

اخوي الغالي الشاعر سعود القت

صح السانك وسلمت يمناك ولاهنت على هذه القصيده الرائعه

يعطيك الف عافيه

اخوك ابراهيم السنيدي

[مهدي الحبابي]

أخوي سعود القت

صح لسانك واعتلا شانك

رايعه بروعة حضورك

وافيه من راس وافي

لك فائق احترامي وتقديري

واحـذر رفيـق المصلحـة لا يباريـك
اللـي يـرا قـدرك بحسبـة ريـالـك
ان زان وقتـك قـام يتبـع خطاويـك
وان شـان دورلـه رفـيـقٍ بـدالـك
يذكـر لسياتـك وينـسـى حسانـيـك
وان شاف لك زلـه مـا يرفـأ خمالـك

الغالى
والله كتبت
وقلت الحق

حكم فى حكم هذه الرائعه

لله درك


وصح لسانك
ملايين

ولاهنت


تحيه واحترام

كفو ياسعود




صح لسانك ولاهنت





وصح هالفكر المميز





تحيتي

[أم ريما]

صح لساااااااانك

قصيده جميله يعطيك العافيه

تحياتي لك...

صح لسانك 00 لاهنت ياسعود

[الخنساء]

فحرص على اللي عن ظما الوقت يرويك
يفرح ليا استريـت وان طحـت شالـك
واحـذر رفيـق المصلحـة لا يباريـك
اللـي يـرا قـدرك بحسبـة ريـالـك
ان زان وقتـك قـام يتبـع خطاويـك
وان شـان دورلـه رفـيـقٍ بـدالـك
يذكـر لسياتـك وينـسـى حسانـيـك
وان شاف لك زلـه مـا يرفـأ خمالـك

صح لسانك اخي الشاعر سعود
قصيدة ترجمت الحمكة وانااشهد
انك صدقت لاهن راسك
سلمت وسلم شعرك
دمت بخير

الشاعر الكبير والقدير سعود القت صح لسانك ألف مرة بعد البليون والله لا يهينك على المعلقة

[منيع]

الشاعر/ سعود القت
صح السانك
بوح راقي ومعاني معبره
تسلم
تحياتي