ياشين هجر اللي تحبه و تهواه

[داعي الشوق]

ياشين هجر اللي تحبه و تهواه = لا صار ما للهجر في يدك حيله
تقضي حياتك والعمر في معاناه = و تعيش بايامك همومٍ ثقيله
هم ٍتداري به من الناس تخشاه = تخفيه من بين الظلوع النحيله
تخشى كلامٍ يجرح النفس مبداه = يزيد جرحٍ فوق جرحٍ تشيله
و همٍ يزورك تالي الليل مقساه = يسرق حلاة النوم لو هي قليله
على الشقا ياصبر قلبك و مقواه = و ياشين حالك يا لمفارق خليله
تبدي شعور اللي مريحٍ بدنياه = ما كن في جوفك جروحٍ عليله

[الـزلـزال]

داعي الشوق

بوح في قمة الجمال والروعه
حمل بين طياته حنين وأشواق ولوعه من الهجر
أبدعت وأمتعت شاعرنا المميز
دمت بين أحبابك ودام لنا حرفك الراقي
صح لسانك ملايين ملايين
ولك فائق تحياتي وتقديري

[احمد الجريفاني]

تدري انك رائع بكل حرف سلم قلبك سيدي

[احمد القاسم]

صح لسانك واعتلى شانك

قصيده جميله

لاهنت

[منيع]

رائع ومبدع ومحب متفاني
شكرا لك
تحياتي

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[حوريه]

تبـدي شعـور الـلـي مـريـح بدنـيـاه
مـا كـن فـي جوفـك جــروحٍ عليـلـه


نبع عذب لحرف اصيل

نص كله روعه مميز وجزل

صح قلبك ياسعووووود

ودام حرفك ونبضك

...

[صعبة المنال]

على الشقا ياصبر قلبك و مقواه

و ياشيب عينك يا لمفارق خليله

صح لسانك

صعووب

[اتعبني زماني]

يسعدني الإطلاع على هذه الفارهه
صح لسانك وقلبك
ولاهنت
تحياتي وتقديري

[سناعيس]

صح لسانك يابو سعد
قصيدة جزله من شاعر جزل
لاهنت


تحياتي