ياسائلي قرّب وقافي هِزّه

[سهيل الشمري]

البارحه نار الخفايا وزّه = والليل قضّيته غبينٍ جازي
من شِيخةٍ حلّت عليها وزّه = وبْويشقه يومه تنوّف بازي
والذيب يوم انّه ركبْه اخْززّه = واهل الوجاهه حدّهم خبّازي
هذا زمنْهم لعن ابو من عزّه = خلاني انْكِف بعْد ماني غازي
ياسائلي قرّب وقافي هِزّه = وادْرسْ معانيّه وهات اِيْجازي
انته معي في سبْقها وابْلزّه؟ = والا تعذّر والسّبب معتازي
كانك تبدّلت الثياب ف بزّه = يخْلفْ عليّه وادْنوا العكّازي
مالي سوى قرْمٍ يموت بْخزّه = عفْن الجدود وليّن المرْوازي
اقْربْ وشوف انْقوصها مرْتزّه = واحْكم لعلّ انْفوز بالانْجازي
نقصر شواربْ زِيّفتْ وانْجزّه = ونْروّض اللي للخنا منْحازي
والبايق لْحفْرة خناه انْكزّه = والمهمهيّه نجْزِيهْ للخازي
هذا زمانٍ ماوراه العِزّه = قيّد شواربْها وفكّ (----)
يلعن ابوها حالةٍ مندزّه = في حفرةٍ مامن وراه افْوازي
يالله تبدّل تِمّنه بالمزّه = وبنزينها ياطا لخشْم القازي
واطْول جفافٍ يلْعن امّه نزّه = ونْعالها يبسط بها خرّازي
والقدس يشبك بالكفوف لْغزّه = والبصره اتْغنّي مع الاهوازي
والحزّه اتْبدّل ابْغير الحزّه = واصْدق جوابٍ ينقض الالغازي
هذي هذاري من صِدرْ في أزّه = والعجْز من قافه ختمْه بآزي

[الطائر المهاجر]

الحمدلله على السلامة
وين هالصقطه .. وين انت غاطس
لاحس ولا خبر ..
المهم انك طيب إن شاء الله وعيالك ومن يعز عليك
جاينا ومعك وزه ورزه .. وش القصه؟؟
هذي فيها إن ... يبي لها رجعة وقعده
حياك ربك يالغالي
تحياتي الطيبة

[سهيل الشمري]

هههههههههههههههههههههه

هلا وغلا ابو عبد الله


ادري مقصر والله


لكن لايهمك هذياني


ترى الواقع بعيد


يابعد حيي انت مرورك وسع صدري وربي



سهيل

[منيع]

حياك الله
اخي الكريم/ سهيل
جميل ان نراك مره اخرى
فعلا افتقدناك
بارك الله فيك
تحياتي

[ابومياس]

المشاركة الأصلية كتبت بواسطة سهيل

البارحه نار الخفايا وزّه = والليل قضّيته غبينٍ جازي
من شِيخةٍ حلّت عليها وزّه = وبْويشقه يومه تنوّف بازي
والذيب يوم انّه ركبْه اخْززّه = واهل الوجاهه حدّهم خبّازي
هذا زمنْهم لعن ابو من عزّه = خلاني انْكِف بعْد ماني غازي
ياسائلي قرّب وقافي هِزّه = وادْرسْ معانيّه وهات اِيْجازي
انته معي في سبْقها وابْلزّه؟ = والا تعذّر والسّبب معتازي
كانك تبدّلت الثياب ف بزّه = يخْلفْ عليّه وادْنوا العكّازي
مالي سوى قرْمٍ يموت بْخزّه = عفْن الجدود وليّن المرْوازي
اقْربْ وشوف انْقوصها مرْتزّه = واحْكم لعلّ انْفوز بالانْجازي
نقصر شواربْ زِيّفتْ وانْجزّه = ونْروّض اللي للخنا منْحازي
والبايق لْحفْرة خناه انْكزّه = والمهمهيّه نجْزِيهْ للخازي
هذا زمانٍ ماوراه العِزّه = قيّد شواربْها وفكّ (----)
يلعن ابوها حالةٍ مندزّه = في حفرةٍ مامن وراه افْوازي
يالله تبدّل تِمّنه بالمزّه = وبنزينها ياطا لخشْم القازي
واطْول جفافٍ يلْعن امّه نزّه = ونْعالها يبسط بها خرّازي
والقدس يشبك بالكفوف لْغزّه = والبصره اتْغنّي مع الاهوازي
والحزّه اتْبدّل ابْغير الحزّه = واصْدق جوابٍ ينقض الالغازي
هذي هذاري من صِدرْ في أزّه = والعجْز من قافه ختمْه بآزي

سهيل سهيل سهيل

بيض الله وجهك يالغالي

هي غيمة وحلت هنا في الفطاحلة

لن نتركها تذهب عن سمانا

صح لسانك وسجل اعجابي الغير محدود

دمت بخير

[سناعيس]

هذي هذاري من صِدرْ في أزّه
والعجْز من قافه ختمْه بـآزي

سهيل ياعصابة راسي
وين الناس والا يعني تبي تشوف لك وحشه والا لا ..
ترانا والله مشتاقين يالغالي
هذي ماهي هذاري بس دور علم
صح لسانك وفكرك
الله يعيننا على محاولة فك الطلاسم ههههههههه
تحياتي

[الخنساء]

صح لسانك اخي الشاعر سهيل

قصيدة رااااااااائعة

لاهان راسك

الحمد لله علي السلامه

سلمت وسلم شعرك
دمت بخير

[يوسف الشقران]

تمكن رائع وحروف قويه من شاعر جزل

صح لسانك وفكرك


تقبل تحيتي وتقديري

[عبدالرحمن الصباح]

سلمت يالغالي على القطعه الفنيه الجميله والمتميزه روعه اعجابي وتقديري واتحفنا بالمزيد

[ابو زياد]

الله يحيي هالوجه
صح لسانك يالجزل
راهية غير مستغربة عليك ياذيبان
الله يحفظك لا تقطعنا تراك غالي