هاضت قريحة خاطري يوم لديت

[الحربي عبدالله]

هاضت قريحة خاطري يوم لديت=في وارد الجوال ليه عرضها
ابيات جزلات(ن) لها قمت حييت=تحية(ن) للي بيوته نهضها
وعديت في راس الطويله وناديت=وجتني هواجيسي تسابق بعضها
واخذت من جزل البيوت وتنقيت=من هاجس(ن) غير الجزيله رفضها
تستاهل الجزلات ياللي تربيت=على الوفاء والطيب رجلك ركضها
انا اشهد انك فالمراجل ترقيت=يوم الرجال اليوم ربي قرضها
ماقط والله خنت ولآ ترديت=كل العلوم الغانمه محتفضها
ياسعود واللي خالق الخلق والبيت=معزتك فالقلب ربي حفضها
ونعم الخوي في خوته لا تخاويت=تجلآ عن النفس العليله مرضها
ياليتني وياك ياليت ياليت=في ديرة(ن) ياسعود محلآ فيضها
اللي بها ياما وياما تمشيت=طول النظر ربيعها في ريضها
هذي طرآت العمر واللي تمنيت=اللي تنومسني وقلبي نبضها
مليت انا من جلسة البيت مليت=ومن النفوس اللي كثير(ن) بغضها
ومليت من غث العمل كل ماجيت=ناس(ن) ماتعرف سودها من بيضها
والله ماذكر في حياتي تهنيت=والعين سهرانه قليل(ن) غمضها
اكتم همومي داخلي ماتشكيت=لاحد(ن) درا عنها ولاحد(ن) لحضها
هم(ن) بقلبي فتت القلب تفتيت=من قوته لو هي جبال(ن) نفضها
تم الكلام اللي من الراس سويت=من هاجسه محبوكة(ن) ماقترضها

اخــوكـــم / عـبـدالـلـه الـحـــربـــــي

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[الطامي]

مليت انا من جلسة البيـت مليـت
ومن النفوس اللي كثير(ن) بغضها
ومليت من غث العمل كل ماجيـت
ناس(ن) ماتعرف سودها من بيضها
،،،،،،،،،،،،،،،،،،
الحربي
صح الاسنك ملايين
رائعة جدا
لاهنت اخي

[عبدالرحمن الغيثي]

ياسلام عليك يالحربي


ابيات رائعة وهواجس راقية


صح لسانك وسلم فكرك

[عبدالله راشد الثويني]

يامرحبااا . اخوي عبدالله حياك الله يابعدي
وصح لسانك على هذه الرائعه
أبدعت وامتعت يالغالي
طامعين بجديدك دائماً
تقبـّـل تحيتي

[عبدالعزيز العمار]

صح لسانك ياعبدالله على هالجزله

شاعر جزل ماتجيب الا الجزل معك

لاهنت ولاهان راسك

تحياتي لهطولك الشعري الفاخر

[صعبة المنال]

صح لسانك وحرفك

جزلة وافية

صعووووب

[كظيم]

عبدالله الحربي
صح لسـانك وفكرك
نص في غاية الجمال والروعه
حروف اكتملت بالجزالة والوفاء
ابدعت لله درك
تقبل مروري المتواضع لاهنت
ودي وتقديري

[منيع]

ابيات ولااروع تسلم اخي الكريم
شكرا لك ولشعرك الراقي
تحياتي

[نجم الإبداع]

ارحب ياعبدالله

وصح لسانك على المصافحه الراقيه

شاعر جزل

لاهنت

تقبل موري

وتقديري