ياقبر بلغ شايبٍ فيك مدفون

[عوض سحمان العتيبي]

ياقبر بلغ شايبٍ فيك مدفون = إن الحزن يأمر عليّه وينها
غديت عبدٍ للحزن دوم مرهون= وافراح عمري شفت قفى ضعنها
والهم بيح داخلي كل مكنون = والنفس عافت شامها مع يمنها
صارت مقر الحزن للحزن مخزون= وماضاع من حزن الاوادم زبنها
وقله تراني من قسى الوقت مغبون=اسقتني الدنيا حمايض لبنها
ماعاد اميز بين صاحي ومجنون= ولا عاد انا اعرف سيها من حسنها
لاكن اعرف انه حكم خالق الكون=والنفس قنعانه بسر وعلنها
وياقبر قله حافظٍ ماتوصون = وصيتك يابوي عقلي سكنها
لو الضحيه تاصل لحد مليون = والله لا ضحيلك لو اشحذ ثمنها
لوارهن البزران واعيش مديون= وصيتك يابوي ماصد عنها
ماهوب لجل المدح لو قيل دندون= لو قالوا ان المرجله يحتضنها
ولاهوب لجل اللي مقفى وموزون =لادق هاجسها شلعنا لحنها
الا من اجل ليا بكى كل محزون= والدمع راق وبعض الانفس شحنها
ابغى جزاها يوم الامه يموتون =والنفس تصعد والجسد في كفنها

[الطائر المهاجر]

الله يغفر له ويرحمه ويتقبله في فردوسه الأعلا
ويجمعكم به في جنات عدن
ويلهمكم الصبر والسلوان ويعظم اجركم
وافيه لمن يستحق الوفاء
لاهان راسك
تحياتي الطيبة

[ام العمده]

عوض

صح لسانك ملايين

كتبت فابدعت

لاهنت على هذه الرائعه

تحياتي وتقديري

[ابو أنس]

الفاضل عوض العتيبي.......................
كفو وتقول وتطول وقدها

ابغى جزاها يوم الامـه يموتـون
والنفس تصعد والجسد في كفنهـا

وعسى الله ان يتقبل منك ومن المسلمين جهم وأضحياتهم
جزلة من جزل ووافي
لك كل الشكر

[حوريه]

عوض العتيي
عظم الله أجرك واحسن الله عزاك
والله يرحم والدك و والدي وجميع موتى المسلمين
وتقبل الله منا ومنك صالح الأعمال
وسلااامتك من الغبن والأحزان
قصيده رغم انها مؤثره إلا انها جزله
صح قلبك ..لاهنت ولا هان مغاليك

عوض العتيبي


الله اكبر ثم الله اكبر
اشهد ان هالقصيده اوجعتني
ودمعت لها عيني
واحزنتني

الله يرحم شايبك
ويسكنه فسيح جناته
وجعله الله ممن تبيض وجوههم
ويسعدو بالنظر الى وجه ربهم
يوم تبيض وجوه وتسود وجوه


صح لساانك

ولا هنت

اموااااج

[حي الضمير]

الله يغفر له ويرحمه ياعوض
وصح لساانك على هذا الرثاء المؤثر جدا

[الأموره]

العتيبي ..~

صح لسـآنك ملآآيين يخوي ..~

هطول جميل تبآرك الرحمن ..~

سلمت و سلم فكرك ..~

و رحم الله وآلدك ..~

ألف شكر لك ..~

دمت برعآية الخآلق ,,~

[الحــ فهد ــربي]

شاعرنا العزيز والغالي

عوض العتيبي

صح لسانكت وغفر الله لشايبكـ ..

والله يكتب لك الاجر إن شاءالله ..

الله يجمعك ويجمعنا مع من نحب بالجنه ..

الشاعر عوض العتيبي

اللهم اغفر لنا وله

واجعل الجنة سكناه

جزل ومبدع حتى في

لحظة الالم

ودي

شذى