ما للوفا في شرع الانذال قيمه

[احمد الجريفاني]

قالت وفيت ! وقلت هذي ظليمه=متعجبه كيف الرجاجيل يوفون!
يا بنت ما اظن النوايا سليمه=لو تعرفيني زين ما قلتي اشلون
الشك با اللي شال حملك جريمه=كيف العنود تقابل الطيب بطعون
كنت احسبنك با لاوادم فهيمه=وشلون ما تدرين والناس يدرون
قلتي بعظم السانك انك عظيمه=جرب تلاقيني كما كنز مكنون
بنت الرجال اللي شهد له خصيمه=ناسن على سلم الاجاويد يمشون
ياما وعدتيني على الوسم ديمه=وانا وعدتك مسكنن داخل عيون
زل الوعد ما جا من الغرب غيمه=ضاع الوفا عندك وانا احسبه مصيون
اللي بنى لك قصر يسكن بخيمه=واللي مسح دمعك تركتيه محزون
وقتن ظهرتي فيه ما فيه شيمه=من سبتك صار الوفا حيل مغبون
اصحي لنفسك كانك اليوم نيمه=من ينكر المعروف للخزي مرهون
واستانسي فزتي وذقت الهزيمه=وفيت دينك بس انا اصبحت مديون
ما للوفا في شرع الانذال قيمه=ولا للكرم عند ابخل الناس ماعون!
الطيب والنخوات دقه قديمه=واللي يثق با الغير فاقد ومجنون

[الطائر المهاجر]

بوح رائع من شاعر رائع
صح لسانك مليون
لاهنت ولاهان مغليك
تحياتي العطره

[الـزلـزال]

زل الوعد ما جا من الغـرب غيمـه=ضاع الوفا عندك وانا احسبه مصيون
اللي بنى لك قصـر يسكـن بخيمـه=واللي مسح دمعك تركتيـه محـزون

اجمد الجريفاني
بوح في قمه الجمال والجزاله
من شاعر متمكن وجزل في كل مايقدمه
شاهدنا في هذا البوح عتب وشموخ
كما تخلله بعض النصح والحكم
مبدع ومتميز شاعرنا وغير مستغرب منك طيب القوافي
صح لسانك ملايين ملايين
ولك فائق تحياتي وتقديري

[عالي مستواها]

صح الله إلسانك .. وسلم منطوقك .. ولاهنت
بيض الله وجهك على هالجزاله ..
تألقت في سماء الروعه كـ / النجوم ..
لقد أسكنت بها في القلب راحه ..
وانسكبت رقياً على الورق ..
حروفك ألبست القصيد تاجً من المآس ..
ونصائح وحكم زادت من جمالها،،،
عتاب التمسنا به أقوى وأعظم حزن يختلج في الصدر من ظلم شخص له معزه في القلب ...
دع الإبداع يتراقص علي صفحاتك ..
حرفك هنا كان راقي ومتميز .. قوي المعنى ..
كون بخير

[رايد غازي المغيليث]

صح لسانك
ما أجمل هذا البوح الرائع
قصيده فيها من العذوبه الشي الكثير

[عذب القوافي]

الأستاذ الشاعر / أحمد الجريفاني

صح لسانك

على هذا الإبداع

وعوايدك الجزال يالغالي

تقديري ,,,,,,,

[مبروك بن ماضي]

جميلة أيها الشاعر و جزله
الحقيقة أنني أسعد بالقراءة لك ..
ارتويت هنا من إبداعك
شاعرنا المبدع / أحمد الجريفاني
سجل اعجابي القديم بشعرك وشخصك الكريم
أدام الله عليك هذا الألق
أجمل التحايا لك واكثر ..
أخوك / بن ماضي

[منيع]

ابيات ولااروع
دمت مبدعا
تحياتي وتقديري

[عبدالعزيز البليهد]

الله يغيث القلوب يابو فراس

لكلماتك موسيقى ورونق خاص جعلتني اتذكر فقيد الطرب طلال مداح الله يرحمه

صح لسانك على هذه العذوبه

وتسلم ياطربتي

[الطامي]

الجريفاني
مبدع دائما بطرحك المميز
صح السانك ملايين
جزلة من شاعر فذ
لاهنت اخي