نعمةٍ ما تقدّر تنتهي بالزوال

[الطائر المهاجر]

نعمةٍ ما تقدّر تنتهي بالزوال = مثل ماصار بالدنيا لشعوبٍ كثيره
وانتم اليوم في نعمه وعز ودلال= من بعد جتكم الثروات يهل الجزيره
لكن اللي اشوفه من ردي الفعال= ما يسرّ أي عاقل عنده ادنى بصيره
البذخ صار عادي في جميع الحوال= وفشخره دون داعي من عقولٍ ضريره
والمره تحسب اشباه التعري جمال = لابسه للمزلط والملابس قصيره
وكل يومٍ بمركز سمكره واحتيال= بين نفخ البراطم والصدر والدبيره
والرجل بالتمكيج صار كنه منال= لابسٍ للمحزق سادلٍ للظفيره
ولو تسمّع لصوته مرخيٍ للحبال= ما تميّز منيرٍ لا هرج من منيره
اشهد ان الرجوله انتهت والرجال= واشهد ان الحريّم دحدرن للحديره
يحسبون الحضاره تنشرى بالريال= او بتقليدٍ اعمى للشعوب الحقيره
الحضاره عقولٍ ما تعرف المحال= بين علمٍ وبحثٍ ف الأمور الكبيره
والحضاره مبادئ راسخه كالجبال= ما تغيّر بمد الغرب لحظه يسيره
والعمل باجتهاد وجد ماله مثال= كل واحد يحس بقيمته بالمسيره
كل واحد امين وكل رزقه حلال = لاجل عز الوطن يعمل بطيب السريره
وكان حنا استمرينا بنفس الميال= زالت النعمه وصرنا كالشعوب الفقيره

[نجم الإبداع]

تسجيل حضور باكر للابداع والفكر

صح لسانك يادكتور

تقديري

[هترل]

هاااالله الله يادكتور

نص يحتوي الحكمه والمعرفه والنصح
مليار صح لسانك ودام هتانك
ارويتنا شعرا لاهنت ..وابداع غير مستغرب
تقبل مروري المتواضع

تحياتي وتقديري

[عيادة الجهيلي]

ياتاج راسي الله الله عليك يادكتور لله درك ياسلام ياسلام

[منيع]

جزل ومبدع
لاكن هات من يسمع ويتعظ
شكرا لك
تحياتي

[داعي الشوق]

صح لسانك و طبت و طاب حالك

تصوير دقيق و بحرافه

صح لسانك مدد

[ساهر الليل]

والـرجـل بالتمكـيـج صــار كـنـه مـنـال ..لابــسٍ للـمـحـزق ســـادلٍ للظـفـيـره
ولـو تسمّـع لصـوتـه مـرخـيٍ للحـبـال ..مــا تمـيّـز منـيـرٍ لا هــرج مــن منـيـره

نعم نعم هنا الجزاله والغزاره الشعريه

نص فاخر عن ديوان كامل

هنا مايلج بالصدور ,,, هنا الواقع المرير

هنا التعبير الصادق من شاعر محترف

ابداع لا يجيده الا المبدعوون

لله درك يابو عبد الله

(شكلك متعشي كوارع فلفلها زايد)

تقبل تحيااااتي العطره

[سعيد عوده الحويطي]

نص راقي وهادف يحمل نقد احتماعي رائع لله درك يادكتور على هذا النص

[الخنساء]

الحـضـاره عـقـولٍ مـــا تـعــرف الـمـحـال

بـيـن عـلـمٍ وبـحـثٍ ف الأمــور الكبـيـره

والـحـضـاره مـبــادئ راسـخــه كـالـجـبـال

مــا تغـيّـر بـمـد الـغــرب لـحـظـه يـسـيـره

والـعـمـل باجـتـهـاد وجـــد مــالــه مــثــال

كـــل واحـــد يـحــس بقيـمـتـه بالمـسـيـره

كــل واحـــد امـيــن وكـــل رزقـــه حـــلال

لاجل عز الوطن يعمل بطيب السريـره

وكــان حـنـا استمريـنـا بـنـفـس الـمـيـال

زالت النعمه وصرنـا كالشعـوب الفقيـره

صح لسانك مليووووووووووون

قصيدة جزلة من شاعر متمكن

هادفه ترجمت واقع للاسف موجود

سلمت واطال الله في عمرك

[عبدالمحسن الرحمه]

دكتورنا الغالي صح السانك على هذي الجزلة