سقى الله حلوم الليل

[الطامي]

اناالبارحه ليلي قضيته مع الخلان = سقى الله حلوم الليل مزين تتابعها
زمانٍ مضى مامر زوله ولا ينبان = ليت الحلم زيد يعود للنفس يشبعها
لفاني واشوف الحزن في وجهه الفتان = وانابعد مانا بالشلي من توابعها
عاتبني وعاتبته على ماحصل وش كان = عتاب الغلا من بيننا دوم طابعها
ونوينا على مايرضي الرب والخلان = وعلمي بها مقفيه بشويش واتبعها
ياحلم ليل جاب خلي هوذا سفطان = تجدد جروح مبطيه زيد تطبعها
وانا ساليٍ منه بعد ماحصل هجران= وفكري مع الدنيا وكثرة زوابعها
الا يابو محسن بلغه ماجرى من شان = حيث انك حضرت بلمةٍ القوم رابعها
عليه السلام اعداد وبل نزل هتان = يعل الفياض وتزدهر في مرابعها
وعليه السلام اعداد نجمٍ تعلىّ وبان = ومادقت العربان زرٍ باصابعها

[نجم الإبداع]

ومادقت العربان زرٍ باصابعها

الله عليك يابو محمد

وصح قلبك

مودتي

[الطامي]

فلاح
صح بدنك
وشكرا لمرورك وتعليقك
لاهنت اخي

[عبدالرحمن بن زهير]

صح الله لسانك يابومحمد ابيات في غاية الجزاله والروعه من شاعر متمكن وجزل

[الطامي]

بن زهير
صح بدنك
وشكرا لمرورك وتعليقك
لاهنت اخي

[داعي الشوق]

ابداع قافية على اربع حروف

لا يجيده الا الشعراء الكبار

صح لساااااانك مدد يا بو محمد

و الله يعينك على حلوم الليل

ولاهنت

************

[منيع]

اكثر من رائعة
تسلم ياالطامي
رعاك الله
تحياتي

[الخنساء]

صح لسانك مليووووون

قصيدة جزلة منشاعر متمكن

سلمت ودام حرفك

[عمر ال شيبي]

عقب صفاء الذهن جابت نقاها


الين انها طيبه صح لسانك منصور لا هنت ابد

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود