في حفل ترشيح المزايين

[الطائر المهاجر]

في حفل ترشيح النياق المزايين = اصطفن الزينات من كل ديره
في مسرح ضيوفه الوف البعارين = وفي مسرحيه واضحه للبصيره
ومحكّمين من ثلاثه وثنتين = وملقنٍ يرسل نصوصٍ قصيره
وخلف الستاره من لعب بالقوانين= ومن فوقهم رادار يدري المسيره
وبدا الحفل في سجع هرش المذيعين= والطبل والمزمار تعلن نفيره
وتقدمت بكره تمشى على هوين = وتستعرض الافخاذ واللي تديره
فيها الحلا والزين مدبول ضعفين= بين الشفايف والرموش الخطيره
وفيها الرشاقه والحور ميز العين = والشعر الاشقر والردوف الكبيره
ومن بعدها وحده هزيله من سنين = جربا وعرجا والشعر تقل عيره
ومن بعدها اخرى طويلة كراعين = من شافها ماشاف شيٍ يثيره
ومن بعدهن الف والف والفين= حتى اكتمل عقد النياق الأسيره
وعند النتيجه بان قلب الموازين = وفازت به الجربا ولو هي كسيره
ونشرت صورها في جميع الميادين= وكل يهني فوزها ف المسيره
قلنا نقابلها ونسأل سؤالين = وشلون صارت بالترشح جديره
قالت تبون الحق من غير تلوين = الله يخلي ولد خال المديره
يوم انتخت امي بها قبل عامين = قالت ولا يهمك ولو هي غريره
وفي حفل دولي من جميع البلادين = راحت تمثل للنياق وسفيره
وتطرد من الحفله وكان العذر شين= نخاف تعدي للنياق الكثيره

[حوريه]

اما الأفخاض والشفايف والرموش الخطيره
وردوف ودنيا
والله الخطيره قصيدتك يالطائر وش بقيت لمزايين البنات
صح لسانك ودام حرفك المرح
على هالأبداع
مودتي

[بدر العيد]

[ومن بعدها وحده هزيله من سنيـن
جربا وعرجا والشعر تقـل عيـره
ومن بعدها اخرى طويلة كراعيـن
من شافها ماشـاف شـيٍ يثيـره

صح لسانك يابو عبدالله ؛ نعم الواسطه فوق كل شي وتسلب الحق من اصحابه وتمنحه لمن لا يستحقه ؛؛؛ هذا مافهمته .

بيض الله وجهك .

[داعي الشوق]

صح لساااااااااانك مليوووون يالطائر

طرقت موضوع له أكثر من علامة استفهام حول أخباره و احداثه العجيبه ،

و صح لسااااااااانك ولاهنت يا مبدع

********

[صعبة المنال]

خيال عجيب
يجارى الاحداث وما خلف الكواليس
صح نبضك وفكرك

صعوووب

[نفحات حساسة]

ههههههههههههههه الواسطه فوق كل جربا

صح السسسانك مليون..ولاهنت

وسلمت وسلم منطوقك..ويعطيك العافيه

مبدع دائماااا,,,

تحيتي لك.

[سناعيس]

قلنـا نقابلهـا ونسـأل سؤاليـن
وشلون صارت بالترشـح جديـره
قالت تبون الحق من غيـر تلويـن
الله يخلـي ولـد خـال المـديـره

هههههههه
صح لسانك يابو عبدالله
دائما جزل واهدافك ساميه
لاهنت يالغالي

تحياتي

[الطامي]

الطائر
صح السانك
شكرالك

[عمر ال شيبي]

الله هالله يا شيخ
الين تظرب وتصيب مرماك
لا هنت ابد
وصح لسانك

[حي الضمير]

هادفه وابدعت وعواااايدك ياعميد
يسلم راسك وصح لسانك