تلذذت الغرور

[احمد رده الحارثي]

.

.

.

صباحكم ورد , وطهر , ومحبه

متواضعه .. بعد غياب طويل

آمل أن تشفع لي

صباحـَـك ورد يا كل المحبه يا سميّ الحور=صباحـَـك ورد يا كل الغلا يا احلا صباحاتي
صباحـَـك دهن عود , وعطر باريسي , وريح زْهور=صباحـَـك طهر يا اجمل عالمي , واغلىْ اهتماماتي
تذكـَّرْتك معَ انسام الصباح , ومعْ طلوع النور=وعشت بجو فرحه تايهه بين انكساراتي
ذكرتك يوم اذوبك لين باحت للصدور صْـدور= واسامرك بْمشاعر طايشه , رغم انف لاءاتي
لي الله يوم قررت الغياب , ولا سمعت الشور=واناْ اتوسلـْـكْ , لكن ما تلفتّْ لـْنداءاتي
تغيب , وبَعدك القلب المريف اصبح فيافي بور=تنكَّرتْ لْغلاي , ومنك ضاقت بي فضاءاتي
وبعد اربع سنين تجيني المتكبر المغرور=وزدت الجرح جرح , وفيك ضاعت كل هقواتي
((واناْ اللي جيت لك ما نيب لا منهي ولا مامور))= وعشتك حب صادق , واعتبرتك شي من ذاتي
صباحـَـك .. وش صباحك .. غير منفى جيت له مجبور=يقدِّيني شتاتٍ موحش يْسابق متاهاتي
صباحـَـك ليل مظلم , ما يفارق وجهه الديجور =صباحـَـك ما فقدته من سروري , وابتساماتي
صباحـَـك هم عشته , لين بحت الخافي المستور =صباحـَـك ما سكـَنـِّي من شجن , واستنطق ابياتي
صباحـَـك نزف من باقي ملامح قلبي المقهور=صباحـَـك حزن من باقي شقاي ومن معاناتي
صباحـَـك غدرْ , ظلمْ , احساسْ كاذبْ , جرحْ , زيف شْعور=صباحـَـك ما احتواني من الم , واستوطن اوقاتي
ولامنّي قسيت اسأل غرورك , والا اناْ معذور=تعبت اجْمَعْكْ عشقْ , وضعت ما بين اتجاهاتي
تلذذت الغرور , وعشت في دوامته ماسور=وانا ادمنت الألم , لين استحال اجمل ملذاتي
رجعت , او ما رجعت , الوضع عادي والصدور قْبور= تغـيـَّـر .. ما تغـيـَّـر .. ما تغـيـَّـر بك قناعاتي
يبلـِّغـْكْ السلام اكبر جروحي , حلمي المكسور= يبلـِّغـْـكْ السلام اقسى دموعي واصدق آهاتي
انا ملـَّـيت من قصة عذاب الجرح والدكتور=شفي جرحي القديم , وكـثـَّـر الله خير عبراتي
تولَّم للفراق , وغنّْ عالمسحوب والمجرور=لك الله صار حبك ميّتٍ من ضمن الامواتي

احمد رده الحارثي

[عرق الماس]

احسنت
وشكراً لك
تحياتي