عين اشقر(ن)بالهدد يدلي بمخلابه

[فواز الغسلان]

ياحمود راع الغلا واقف على بابه=افزع ترى النار بالخفاق مشبوبه
ياحمود ياما سهرت الليل باسبابه=وشلون يرقد خفوق(ن) غاب محبوبه
ياحمود دربي طويل وشمسنا غابه=وقدامنا الجال قبل الريف وخبوبه
فرقى عشيري يلوح الموت بانيابه=وان قلت ننسى يطيح القلب بدروبه
ياحمود موتي سواد الكحل باهدابه=اسمه وحرفه بدم القلب مكتوبه
عين اشقر(ن)بالهدد يدلي بمخلابه=برياض خير(ن) بوبل الوسم معشوبه
لاشاف صيده كفخ من كف قضابه=وادلى على صيدته ماهو على دوبه
يمناه رمح(ن)لوسط الروح سلابه=منه الـحـباري بوسط الروض مرعوبه
كن اخو رثعه سحب صرخه من اجرابه=والا القذايف على العدوان مصبوبه
ريش الحباري تطاير عقب مضرابه=تلقى الثنادي بوسط الريش مذبوبه
طير(ن)عليه الله اكبر عاش من جابه=تلطيخ كفه بدم الصيد عذروبه
ماداج بالسوق فوق كفوف جلابه=بكفوف شيخ(ن)عرف قدره وماجوبه
يشبه لشيخ(ن)عزيز(ن) جاك بكتابه=والا زعيم(ن) دخل والربع حيوا به
كفه تشادي كفوف الزين بخضابه=من شفت عينه رماني يالله التوبه
ياما حلا النقش والوردات بـثـيـابـه=لاصار يمشي ونور الشمس بغروبه
لو شافها العابد اللي وسط محرابه=ينسى اليا شافها الزلات وذنوبه
ماحافها راعي الديره وحطابه=ولابان هرج الـجفى منها ولا نوبه
واليوم روح الشقاوي بالهوى ذابه=ودنياي تـمـشي بها الساعات مقلوبه
ودي بشوفه وربعه تفتل اشنابه=وهذي مواري جحيم القوم وحروبه
من شاف زولي مدح نفسي وهلا به=وان غاب زولي جزاه بمسك عرقوبه
والله يلو يجمعون الروم واحزابه=وساقوا جنود(ن) تحتهم كل منجوبه
ماخفت رجل(ن)بوجهي شال مصلابه=ياحمود وارواحنا له يوم مسلوبه
الخوف ما فاد ناس(ن)راحت ارقابه=ايضا ولا طال عمر الناس بهروبه
وان طحت دونه وشال الروح قصابه=موتي عزيز(ن)مقامه راس مشذوبه
فرقى الحواسد ونوم القبر وترابه=ولا عيشة الروح وسط الناس مغلوبه
احفر لـقـبـري بحايل حول صبابه=بجبال حايل او السراح بالجوبه
واعلن على الناس هرج(ن)فاحت اطيابه=من راس رجل(ن)ترك زاده ومشروبه
من نقرة الشام مع برزان مع طـابه=زين الوصايا عن الغسلان منسوبه
اللي يبي عاشق(ن)في حق وطـلابه=كل المطالب عن العشاق مشطوبه

[عيد بن سعدون]

ياحمود موتي سـواد الكحـل باهدابـه
اسمه وحرفـه بـدم القلـب مكتوبـه

صح لسانك ولا هنت

كم انت رائع في اسلوبك

يطربني شعرك كثير

تقبل اعجابي ومودتي

اخوك
عيد بن سعدون

[ابومياس]

الله عليك يالراوي


صح لسانك وبيض الله وجهك

نص لايكتبه الا الكبار


ابدعت وامتعت

دمت بخير

[الصريح العتيبي]

فواز
صح لسانك واعتلى شانك
لاهنت على هذه الرائعه

دمت بخير حال

[نجم الإبداع]

صح لسانك يالراوي

ابدعت ياشاعر

ولاهنت

تقبل مروري

وودي

[الخنساء]

صح لسانك اخى الشاعر فواز

لاهان راسك قصيدة رائعة

سلمت ودمت بخير

[ام العمده]

فواز
صح لسانك واعتلى شانك
مبدع
دمت بخير

[الطامي]

فواز الغسلان
صح السانك وبنانك
روعة وطيبة للغايه
شكرا لك ولاهنت

[عبدالله الشويمان]

صح السانك اخوي فواز

دائما جزل ونصوصك راقيه

دمت بخير وصحه وسلامه ولا هنت يا الغالي

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي