يامن يودي علمي الداخليه

[نجم الإبداع]

يالله يالي فوق الاكوان قاهر=يامن يدل النحل وسط الخليه
اكف البلد من شر يبذره ساهر=ظالم ويضرب ضربتن منجليه
يامن يودي العلم والقصد طاهر=للشيخ نايف قايد الداخليه
قولو له ان الدين للناس داهر=ماعند صالح كامل الا البليه
ياسيدي ماهكذا نجم زاهر= يعطي رقاب الناس للمكتليه
زادت ديون الناس واهل الجواهر=مايحسبون الا مكاسب جليه
ماهم صالح بالوطن ضيم ظاهر=طرش البحر ماله بنا قابليه
لكن من وكل على الناس ماهر=يسرق حقوق الناس في كل ليه
زادت قروشه لين بالظلم جاهر=وابن البلد صارت حياته صليه
ياميرنا هذا طلب حق شاهر=وانت الموكل ترجع الحق ليه
هذا طلب دون الرجال السواهر=والامر بيدك والله الي وليه

[الطائر المهاجر]

المثل يقول : لاتسرق ولا تخاف
امش عدال يحار ساهر فيك
كتبت قافك تحسبه حيل باهر= ودورت عذر مخالفين السريه
ماضر ساهر من مشى الدرب طاهر= ماشي على القانون صبح وعشيه
قلل وفاة الناس من كل فاهر= ماشي بسرعه ما حسب للبريه

صح لسانك
ولا هنت
تحياتي

[عمر ال شيبي]

طلب مشروع
صح لسانك لا هنت ابد
وكفاياك تشحيط حول المدارس ؟

[منيع]

لابد من توعية الناس اولا عن ساهر وماهي دوافعة ولماذا العمل به الان
واعطاء الناس توعية مكثفة عن هذا النظام حيث ان الاغلبية ربما يجهل ذالك
حيث انه اصبح بلشة للبعض والاخر يرحب بة خصوصا في قطع الاشارات المرورية والسرعة الزائدة في الطرقات السريعة
وكل الشكر لكم اخي الكريم فلاح بن منشار
على هذه الابيات التي تبين مايحصل للبعض من متاعب مادية لم تكن لهم بالحسبان
تحياتي

[داعي الشوق]

صح لسااااااااانك يا بو محمد

قصيدة اجتماعية جميلة

لموضوع فيه من يؤيد و يعارض له ،

ولاهنت يا نجم الابداع

و الله يعين

مع تحيتي لك

**************

[الحربي عبدالله]

يالله يالي فوق الاكـوان قاهـر
يامن يدل النحل وسـط الخليـه

اكف البلد من شر يبذره ساهـر
ظالم ويضرب ضربتن منجليـه

الشاعر / فلاح بن منشار
صح لسانك وعلآ شانك
قصيده اجتماعيه جميله
تحياتي لك ..

[الخنساء]

صح لسانك مليووووون ولايكفووون

قصيدة جزلة من شاعر متمكن

وانا ارى والكثير يرى ان ساهر

حل الكثير من المشاكل
والسرعه الجنونيه وصدقنى اخى الشاعر
اذ تقيد الانسان بالانظمه كما في امريكا والدول الغربيه
لن يحصل الا علي التقدير بعض من الشعب لايجد فن القيادة
ولايهتم حتى بالاخرين بصراحه ساهر انقاذ لارواح الكثير
وحد الكثير من الحوادث المروريه والتى فقدنا به شباب غالين
سلمت ودام حرفك

[ماجد الراشد الهيري]

صح لسانك اخوي فلاح ماشاء الله عليك موضوع مهم وانت مابين شد وجذب
لاهنت ولاهان حرفك

[العليوي]

ابداع متجدد
صح لسانك
ولاهنت
احترامي

[الراقي]

ابيات شامخة وقصيدة فذه

صح السانك

مودتي لك و حماك الله