تقول الناس وش رايك تشارك شاعر المليون

[فواز الغسلان]

تـقـول النـاس وش رايـك تــشـارك شـاعـر الـمـلـيـون=مدامك تـنــثــر اشـعــارك تـشـادي قـطعة الـديباج
وقـلـت الـشـعـر مايـمـشـي عـلـى مـنـهــج ولا قـانـون=لانــه فـوح نـيــران(ن)بــجــوفــي مـاشـفــاه عــلاج
انا شـعـري مع هـمـومـي غـدى صـوره على الكربون=يوضح لك خـفـايـا اللي من هـجـوسه يـجـيه سهاج
يـهـيض الشعر من صدر الـمـعـنـا واضـح(ن)موزون=ولا يـحـتـاج من يـضـبــط مـلاوي حـرفـه الـمنـعاج
ومن قـالـه بلا دافـع تــجــي من دون طـعــم ولــون=ولا احلى من حروف اللي هـمومه بالـضـمـير امواج
واذا كان الـحشى الولـهـان بـهـمـوم الـهـوى مشـحـون=يصيد القاف من جـنحان طـيـر(ن)بالـعــوالـي راج
وانا لو جـيـت لـلـمـيـدان شـفـت اشـعـارنـا طـاعون=واذا دارت دوالـيـب الـحشى تـمـسـي مـثـل هداج
لانه هاض من قلب(ن)غدى وسط الـمـلا مسجون=واذا داج بـمـيـاديـن الـعــرب لازم يـشـيـل الــتــاج
وانـا مااقـول باهل الـقـاف مـن كـل الــقـبـايـل هـون=ولـكــن الـبــشــر كـلــه مــراتــب بـالــعـــمــل وادراج
اذا بان الحرج واضـح بـوجـه الـشـاعـر الـمـشـطـون=يـهـيـض الـجاش في جـوهـر قوافـيـنـا بـدون احـراج
واذا شفت الـهـوى يـقـدح بـجـوفـي جـمـرة الـغـليون=نـثـر فكري من اصناف الـمـثـايل والـقـصـيـد ازواج
نظمت القاف من غيظ(ن)بـقـلـبي يـشعل الـقـولـون=يـثـور ان طـاف بي طـايف عنود(ن)بالـحـلا مغناج
عـنــود(ن)رمـشـهـا فـاتـن وصرت برمـشـهـا مـفـتـون=سـواد عـيـونــهـا الساحـر بـخـفــرات العرب ما داج
حـلاهـا ظـاهـر(ن)من دون لا كـشـخـه ولا صابون=خـدوده مثل بـدر الـنـصـف لـو تـظـهــر بـلا مكياج
سـهـرت اللـيـل وربـوعـي بـسـهــر الـعـيـن مـايــدرون=ادوج الليل من هـجـس(ن)بـمعلوق الضـمـاير هاج
وطـانـي من غبون الوقت مثل اللـي وطـى سـعـدون=طيوف الزين تـسـري لي بـلـيـلي لا غـفـى الـهـلـبـاج
وتـرى غــســان مـابــات الـلـيــالــي مـثـلـنــا مـطــعــون=ولا تـنـقـاس مع رجـل(ن)رقـــد لـيـلـه بـدون ازعـاج
ولا يـفــهــم مـعــانـيـهــا سـوى اللــي خـافـقــه مـرهـون=ومن عاش الـفـرح صعب(ن)يـحـلل زفــرة الـمهـتاج
وانا كـيـف اتـبـع اللـي قـال حـط الـكـاف قـبـل النون=مدام النون قبل الكاف في وسط الـحشى الوهاج
نـظــمــهــا قـبـلـنــا الـــقـاضـي وتـركـــي ثـم ابـن لــعــبـون=وغـانـــم ثــم ابــن هـــدلان والـهـــربــيـــد والـمــجـمـاج
قـبـل تــطــلـع شـهــادات الـمــعـاهـد ثـم نــجــدي فـون=يـصـوغــون الـقــوافــي تـشـبـه الجـوهـر وحـبره زاج
ولاشـالــوا شـهــادات الادب مـن بــون والـسـربــون=وقبل الـلـيـت كـان اللـيـل يـقـضــونــه بـنــور سـراج
لان الـــقــــاف مـاهــو صــنـــع لا بـســـتــــم ولا بــنــــيــون=ولا تـصـمـيـم صاروخ(ن)يـجـي من قــاذف الـمـيـراج
ولا هو سـلـعـة(ن)تـاتـي لـنــا مـن سـاحـل الـجـابـون=ولـكـنــه يــدوج الــروح من فــرقــــى مـهــا قــرطــــاج
وانا افـهـم من هل الـتـحـكـيــم بـالـمـعـنـى وبالـمـضـمون=لانـه فـلــم عـن جـرحـي وانـا الـتـصـويـر والانـتـاج
اصـوغ اللي بوسط الـصـدر عـن عـيـن الـعـرب مكنـون=لما صار الـحشى كـنـه من هـمـومـه عـلـى لـه ساج
يـجـيـش الـقـاف من جوف(ن)غدى لـحـروفـها سيـفون=يـنـقــيـهــا عـن الــزلــه وتـمـســي عــدلــة الـمـنـهـاج
ولا نــزبــن بـغــلـــق الـــقــــاف سـقـــراطــس ونــابـلـــيــون=ولا نــي فــي حــروف الغير لو شـح المثل مـحتاج
ولا نـــرجــي بــتــحـــضـــيـره طـلــب رسـمــي ولا مــاذون=واذا هـاجـت تــقـول انـه لـقـيـفـان الـعـرب كـرباج
وهايب واحـد(ن)خـيـره غـطـى واشـبـع جـمـيـع الـكـون=عـطـانـا مـن كـرم فـضـلـه تـوالـي سـورة الـمـعـراج
ولـيـش اركــض وراء الـلـجـنــه لـمــا يـطـلــع شـهـر كانون=ولا تـنـجــح لـمـا تـمشي وراك من الـجـيـوش افواج
وانـا حــطــيــت عـن كـل الـــبـرامــج يـاعـــرب كــيـــلــون=وعن راي الـعـرب باشـعــار وجـدانـي مـعـي مزلاج

[ماجد الزيد]

ومن قاله بلا دافع تجي مـن دون طعـم ولـون
ولا احلى من حروف اللي همومه بالضمير امواج
واذا كان الحشى الولهان بهموم الهوى مشحون
يصيد القاف من جنحـان طير(ن)بالعوالـي راج
وانا لو جيت للميدان شفـت اشعارنـا طاعـون
واذا دارت دواليب الحشى تمسـي مثـل هـداج
لانه هاض من قلب(ن)غدى وسط الملا مسجون
واذا داج بمياديـن العـرب لازم يشيـل التـاج


لله درك يافواز الغسلان صح لسانك مليون يالقرم

[مبروك بن ماضي]

الاخ الكريم الشاعر/ فواز الغسلان
ما أجمل الوقوف على عتبات كلماتك

وانا كيف اتبع اللي قال حط الكاف قبـل النـون
000000000000000مدام النون قبل الكاف في وسط الحشى الوهـاج
نظمها قبلنا القاضي وتركـي ثـم ابـن لعبـون
000000000000000وغانم ثم ابـن هـدلان والهربيـد والمجمـاج
قبل تطلع شهادات المعاهـد ثـم نجـدي فـون
000000000000000يصوغون القوافي تشبه الجوهـر وحبـره زاج



صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

[ام العمده]

الشاعر/فواز

صح لسانك
واعتلى شانك
لاهنت على هذه الرائعه

دمت بهذا التألق والابداع

تحياتي وتقديري

[الـزلـزال]

وانا حطيت عن كل البرامـج ياعـرب كيلـون=وعن راي العرب باشعار وجداني معـي مـزلاج

فواز الغسلان

شاعر يبحث عنه الشعر ويفتخر عندما يتغنى بمفرداته

كما يبحث عن قصائده كل من يتلذذ بالشعر الأصيل

أنت علم والعلم لايبحث عما يشهره

صح لسانك ملايين ملايين


تقبل فائق تحياتي

[ماجد المهدي]

فواز ابن غسلان

صح لسانك ومبدع دوم يالراوي

وقصيدة في غاية الابداع بحراً وقافيه لله درك

تحياتي

ماجد المهدي

[سعود القحطاني]

نظمها قبلنا القاضي وتركـي ثـم ابـن لعبـون
وغانم ثم ابـن هـدلان والهربيـد والمجمـاج
قبل تطلع شهادات المعاهـد ثـم نجـدي فـون
يصوغون القوافي تشبه الجوهـر وحبـره زاج


تصفيق حاااااااااار والله

هنا حضور تشرفت في معانقته


صغت معاني على قاف جعلتني أصفق

محبتي وتقديري,,,

[محمد المغيلث]

اين غسلان صحححححححح الله لسانك اخي القدير

لاهنت

دمت بود ولك تحياتي

[داعي الشوق]

الله الله يالشاعر فواز

وصح لسانك وتستاهل التاج يالشاعر المميز

إسلوب مبتكر وغير مسبوق

صح لسانك مع التحية لك

،،،،،،،،،

[الطائر المهاجر]

جزل ومبدع
صح لسانك
ولاهان راسك
تحيتي واحترامي