الحب يستعمر الروح

[حمود جارالله المزيني]

لاتشرهون ( الحب يستعمر الروح ) = احيان بالتعذيب واحيان راحه
ياحاسبين البوح خطٍ على لوح = البوح للشاعرصدايا جراحه
ومن كان فينا رغم الاعذار مشفوح = نسي انه الاسباب : ( كبر اجتراحه !! )
من سبب العلات ماهو بمسموح = يضحك علينا يوم قال : استراحه
ان كان هو مرتاح فالقلب مطروح = في نار هجرانه مساه وصباحه
وراع الهوى لو يكتم الشوق مفضوح = صارت على غيره فضايح وراحه
راحت مع الايام / من كان مجروح = يربط جروحه من ثيابه وشاحه
ماله عن الواقع ملاذٍ ومندوح = وازين من التزوير قول الصراحه
وماكل قلبٍ للمطلـّين مفتوح = صعبٍ عليه الغلق بعد انفتاحه
ويله على اللـّي ولعـه قال : ابا اروح = قال المولـّع : فاس بالراس طاحه
طاحت بها لبّ المعاليق مذبوح = وارتدّ للذّباح ذبة سلاحه
ماهي شهر ماهي سنه صار له دوح = عليه تسمع للحمايم نياحه
بالله تمحاها وتنوي بها موح ؟ = واكبرها واعبرها وافداحه !!
ان كان تقدر تنزعه نزعة الروح = عجـّـل وبدل للعذابين راحه

[منيع]

ياسلام عليك
قمة الروعه والابداع
بارك الله فيكم
تحياتي لكم

[الطامي]

المزيني
صح الاسنك ملايين
جزلة وطيبه
لاهنت

[عذب القوافي]

المشاركة الأصلية كتبت بواسطة حمود جارالله المزيني

لاتشرهون ( الحب يستعمر الروح ) = احيان بالتعذيب واحيان راحه
ياحاسبين البوح خطٍ على لوح = البوح للشاعرصدايا جراحه
ومن كان فينا رغم الاعذار مشفوح = نسي انه الاسباب : ( كبر اجتراحه !! )
من سبب العلات ماهو بمسموح = يضحك علينا يوم قال : استراحه
ان كان هو مرتاح فالقلب مطروح = في نار هجرانه مساه وصباحه
وراع الهوى لو يكتم الشوق مفضوح = صارت على غيره فضايح وراحه
راحت مع الايام / من كان مجروح = يربط جروحه من ثيابه وشاحه
ماله عن الواقع ملاذٍ ومندوح = وازين من التزوير قول الصراحه
وماكل قلبٍ للمطلـّين مفتوح = صعبٍ عليه الغلق بعد انفتاحه
ويله على اللـّي ولعـه قال : ابا اروح = قال المولـّع : فاس بالراس طاحه
طاحت بها لبّ المعاليق مذبوح = وارتدّ للذّباح ذبة سلاحه
ماهي شهر ماهي سنه صار له دوح = عليه تسمع للحمايم نياحه
بالله تمحاها وتنوي بها موح ؟ = واكبرها واعبرها وافداحه !!
ان كان تقدر تنزعه نزعة الروح = عجـّـل وبدل للعذابين راحه

الجزل / حمود المزيني

صح لسانك مليون

نص وافي من وافي

يعافيك ربي يالغالي

تقديري ,,,,,

[عدنان كريزم]

صح لسانك ولا هنت

[داعي الشوق]

صح لسانك يالشاعر حمود

شاعر كبير و رائعة دائما

صح لسانك مع التقدير لك

،،،،،،،،،،،،،،،،

[صعبة المنال]

جزلة ووافية

صح لسانك وحرفك

صعووووب

[مبروك بن ماضي]

الاخ الفاضل :
الشاعر القدير / حمود جارالله المزيني
حضورك له بصمته الخاصة
وشعرك يستحق الوقوف والتأمل
سعيد بحضوري هنا
متميز بما لديك دايماً
تقبل تحياتي وفيض ودي
أخوك / بن ماضي

[الآكيد]

صح لسانك على هذه الابيات الرايعه



جزله من شاعر جزل

[ترانيم المطر]

الجزل / حمود المزيني

صح لسانك مليون

نص وافي من وافي

لله درك ولا هنت

تقبل تقديري