حلقت شنبي !!

[الشريف الشرّقي]

أسألك باللي بعث فينا نبي =ليش دمعاتك على الخد تحبي ؟!!
هو جرحك اللي جرح محسن وقيس=الهنوف اللي يسمونه ظبي
ياخي الموضوع ابسط من كذا =امسح الدمعة واشر من تبي ؟
والله ان تدخل عليها بالحلال =والله ان ما تم ،حلقت شنبي
وكان دمع العين ينزل من مرض=قوه أنا وياك يم "المغربي"
وكان تشكي يا ولد عمي ديون =بعت لك ثوبي وبيتي وذهبي
التفت صوبي وقال : أنت مهبول؟=أنت وين، وين عنك مطلبي
كنت احسبك يالشريف اكبر حكيم =لكن اسمح لي طلعت أكبر غبي
همي اكبر من سفاسف هالحياة =همي الاسلام ، ديني ، مذهبي
همي "السنة" على ارض العراق =همي الشوفات بيد الأجنبي
همي المصحف يدوسونه علوج = همي الدمعة على خد الصبي
والله ان العين ماتفرح بنوم =لين بوش الكلب يخسى ويهبي

وقد اجازها أبو أنس -لله دره - بقوله :

قل لآبن عمك يوجه دمعته=للعزيز اللي خلق قرد وظبي
وان بغى شي يتم بقول كن=وكل شي له أوان ويحسبي
ياشريف اشهد شرفك بلا حدود=وابن عمك قلبه اشهدذهبي
وان توجهنا لربي بالدعا= واتبع الإخلاص حسن المطلبي
فالله اللي قال ادعوا واستجيب=واتبعو هدي اللذي في يثربي
وما نزل في قوم هم بلا ذنوب=وما يزال الابتوبه وسببي
ونرجي ان الله يغفر زلّنا=وما يواخذنا بفعل المذنبي
ويرفع الظلم الذي في دارنا=ويجعل الدمعه بدار الاجنبي
قادر والله عليم بالخفا=واحد من وحده لحق النبي

مع العلم ان ابيات اخوي ابو انس كيبوردية سريعة فقد اجاد-كعادته- ولمس الجرح

أبو أنس ..أبيك بكلمة راس (تكفون لا احد يقرا ) : أعتذر منك على اجترار الماضي فأنا كما تعلم "فعل ماضي "

[ثار التميميه]

ياخي الموضوع ابسـط مـن كـذا
................ امسح الدمعة واشـر مـن تبـي ؟
والله ان تدخـل عليهـا بالحـلال
...................والله ان مـا تـم ،حلقـت شنبـي
وكان دمع العين ينزل من مـرض
..................قـوه أنـا ويـاك يـم "المغربـي"
وكان تشكي يا ولد عمـي ديـون
.................بعت لك ثوبـي وبيتـي وذهبـي

مااروع هذه الابيات

مااروع هذه الشهامه

ابدعت

صح لسانك حتى ترضى

[ابو أنس]

الشريف الشرقي...................
لقد مننت علي مرتين
بحظورك الشجي المثري.وباستجلابك هذه الجميله واستدراك ما قد غاب عن بالي منها
فلك الشكر مجددا ومكررا ومعطرا
ولك التحيه

[نسناس الهوى]

شافت عيوني زيون المفردات = فلا اله غير ربي ما ابـــي
والرسول اللي امرنا بالصلاة = احمد اللي اشهد انّه هو نبي

فلا اله الا الله ، ولا رسول غير محمد عليه افضل الصلاة واتم التسليم
وعيني عليكم باردة .. ابدعتوا فأتقنتوا .. واتقنتوا ، فأطربتوا مسامعنا

صحّت السنتكم .. الشريف & ابو انس

[يزيد النمي]

صح لسانك يالشريف الشرقي واعتلى شانك
قصيدة اكثر من رائعة
وصح لسان ابو انس
تحيتي لكما جميعا

[منيع]

شعر فكاهي له مغزى
تسلم ايها الشريف
وشرف الله مقامك دنيا واخره
انت وصاحبك ابوانس

[الطائر المهاجر]

هنا للشعر رسالته السامية
في قالب جميل وسلس
لي عودة تليق بهذا الصوت والصدى الرائعين
بارك الله فيك
تحياتي الطيبة

[أم ريما]

صح لسانك

كلمات جميله يعطيك العافيه


تحياتي لك

[الريم]

الشريف الشرقي
صح لساانك قصيده رااااائعه

[سناعيس]

صح لسانك أخوي الشريف الشرقي
ولاهان أبو أنس والقارئين
أنت أبدعت وقلت قولا لايظهر الا من يملك القلب الغيور على الدين والمله
وأبو أنس شهادتي فيه مجروحه فكنت أسميه بالجامع في غير مكان
الله لايهينكم ويكثر أمثالكم