الموآآآآجع !!

مسائكم ورد ورياحين،،،

يا الله يا معبود يا والي الكون=يا رافعٍ سبعٍ بليا عمدها
يا عالم بخلقه وماذا يسرون=سبحانك العالم ومحصي عددها
أفرج لي همٍ بين الأضلاع مكنون=حالي من أسبابه ترداء جهدها
سنين تمضي والمواجع يزيدون=تقبل وتقفي ما رحمني نكدها
العمر قفَا وزهر الأيام يمضون=والمر ذقته ماعرفت لشهدها
ولا أظلم سواد الليل نامت به عيون=ألفت علي افكار وألفا جلدها
قمت أتفكر والمدامع يهلون=بهذي الحياة اللي نساني سعدها
دنيا تغير ما عرفنا لها لون=يا بخت منهو جاهلٍ في عهدها
كم من حزينٍ من عناها ومغبون=وياكم بالٍ راحته قد فقدها
وكم من شجاعٍ راح واليوم مدفون=بين النصايب وأستقر بلحدها
وكم حرةٍ من وقتها عانت طعون=ذاقت مآسي وقتها من ولدها
كانت تظنه في زمنها لها عون=وعلى المصاعب عزها هو سندها
ضيع أملها و فيه خابت به ظنون=وبأسباب طيشه كبدها كم لهدها
وكم من فقيرٍ شاف ويله ومحزون=عزيز نفس وحاجته قد جحدها
وياكم من قرمٍ بطيبه يمارون=حلال صعبات الأمور وعقدها
وذاق الغبينه من عيالٍ يعقون=باأسبابهم عاش الحياة بزهدها
وعلى النواقص صارو اليوم يمشون=يقطعك يابذره ترداء حصدها
وبعض الشباب تشوفهم مايصلون=وش قدمو للاخره في وعدها ؟
لهذي الحياة وشغفها كم يشرون=وأفضال ربي نادرٍ من حمدها
وكم جايعٍ غيره من الخلق يهنون=شاف العذاب ولقمته ماوجدها
عجايبٍ فيها عيوني يحيرون=با أسبابها عيني شكت من سهدها
يالله ياللي له عباده يعبدون=ترحم لجفنٍ ليلته مارقدها
فيك الرجاء يارب ياوالي الكون=عندي أمل في يوم يقبل سعدها

[أصالة تميم]

وبعض الشباب تشوفهم مايصلـون
وش قدمو للاخره فـي وعدهـا ؟
لهذي الحياة وشغفها كـم يشـرون
وأفضال ربي نـادرٍ مـن حمدهـا
وكم جايعٍ غيره من الخلق يهنـون
شاف العـذاب ولقمتـه ماوجدهـا






رائعه اختي النادره وكلماتك نادره جميله ذات معاني قيمه



ولك تحياتي

[الريم]

مسائك فُل حبيبتي

صح لسانك وسلت يمينك على هالقصيده الاكثر من راائعه

[نجم الإبداع]

صح لسانك اختنا

النادره

وجزاك الله خير على النصائح والنص المؤثر



تحياتي واحترامي

صح لسانك ............
وسلم بنانك .............
ونسأل الله العظيم ان يفرج كل كربه وكل هم عن كل مهموم ..........
تسلمين شاعرتنا النادره على على القصيده النادره بمعانيها واحساسها وتوصلها ...
ودمتي بود .....

قصيده نادره على اسم النادره أشكر لك هذه الرائعة أختنا الشاعره

[سناعيس]

فيك الرجاء يارب ياوالـي الكـون
.............................. ...عندي أمل في يوم يقبـل سعدهـا

الشاعره / النادره

صح لسانك
كلمة جزله لاتكفي لأن كل بوحك جزل
ولكنها شاهقه سلم الله قلبك ونبضك

تحياتي

وكم حرةٍ من وقتها عانت طعـون
ذاقت مآسـي وقتهـا مـن ولدهـا
كانت تظنه في زمنها لهـا عـون
وعلى المصاعب عزها هو سندهـا
ضيع أملها و فيه خابت به ظنـون
وبأسباب طيشه كبدها كـم لهدهـا




أبيات رائعة سلمت غاليتي

تحياتي

[الخنساء]

أفرج لي همٍ بين الأضلاع مكنـون
حالي من أسبابـه تـرداء جهدهـا
سنين تمضي والمواجـع يزيـدون
تقبل وتقفي مـا رحمنـي نكدهـا
العمر قفَا وزهـر الأيـام يمضـون
والمـر ذقتـه ماعرفـت لشهدهـا
صح لسانك شاعرتناالنادرة كما
عودتينا دائما الابداع وجمال
الاسلوب واتمني من الله جلت قدرته
ان يحقق لك ولنا جميع هذه الاماني
ولجميع المسلمين
اجمل تحياتي

[الطائر المهاجر]

أفرج الْ همٍ بين الأضلاع مكنـون
حالي من أسبابـه تـردى جهدهـا

لكل عسر يسر ، ومع كل ضيق فرج
لي عودة لهذه الشامخة
تحياتي الطيبة