قصيدة تجارب الايام

[سعيد عوده الحويطي]

[اخواني اعضاء منتدى الفطاحلة اقدم لكم هذه الابيات التي اختصرتها من قصيدة طويلة اسمها تجارب الايام امل ان تحوز على رضاكم.

من يفعل المعروف يجزا بالامثال=ومن يحترم نفسه يزيد احترامه
ومن دور المعروف في بحر الانذال=لا يدوره قدام يوم القيامه
ترى رفقة الانذال فيها غثى بال=ومن رافق الانذال جاب الملامه
والنذل لايعجبك لو قيل رجال=تراه مثل الطعس سريع انهدامه
والى جهلت الرجل قيسه بما قال=وينبيك عن خافي كنينه كلامه
ومن يحفظ السانه عن القيل والقال=يسلم من طعون الكلام وسهامه
وان مالقيت لكلمة الحق مدخال=الصمت في بعض المواقف سلامه
وبعض العرب ثرثار مجلس ونقال=متخصص بهرج القفا والنمامه
يوزع اخبار الناس طيب وبطال=واكثر علومه روجتها مدامه
هريج مجلس ما وجد مثله امثال=وعند اللوازم ما تشيله عظامه
وبعض العرب عبيد مال وعمال=مافرقوا بين الحلال وحرامه
يركض ورى الدنيا ولا ارتاح له بال=ويروح عنها ما تحقق مرامه
لا هو كسب دنياه ولا الاخرة نال=واصبح وجود المال مثل انعدامه
وبعض العرب للناس غيث الى سال=ريف الضعيف ان جار دهره وضامه
ماكنه الا الضلع راسي على الجال= عنده على الشدات عزم وصرامه
ولا ينفع الرجال عم ولا خال= ان كان فعله ما رفع من مقامه
والمرجلة ماهي على كبر الازوال=ولا فاد كبر الجسم عقل النعامه
وصبرك على الشدة ولا بعض الاذلال=لن الزمن زود عليك احتكامه
والحاجة الى الناس لو كان بريال=امر من الحنظل خبيث طعامه
والدين هم ومن ثقيلات الاحمال=كم احرم المديون لذة منامه
وفقرا بال دين غناة بلا مال=لارتحت من هم الزمان وسقامه
والله خلق في الناس عاقل وجهال=والعاقل اللي ما تزله اقدامه
وصلاة ربي عد ما هل همال =على شفيع الخلق يوم القيامه

[/poem]

[عبدالعزيز العمار]

صح لسانك ياسعيد وجاد بيانك

قصيدة جزله من شاعر حكيم

لاهنت ولاهان منطوقك

تحياتي لك

[فايز بن جبيل]

وان مـالـقــيــت لـكـلــمــة الـــحـــق مـــدخـــال

الصـمـت فــي بـعــض الـمـواقـف سـلامــه


نص بطعم الحكمة مليء بالمعرفة والجزالة محكم بالتجارب

شكرا ياسعيد بل مليوووون صح اللسانك وفكرك

كل الود والتقدير

[الطامي]

وفقرا بـال ديـن غنـاة بـلا مـال
لارتحت من هـم الزمـان وسقامـه
والله خلق في الناس عاقـل وجهـال
والعاقـل اللـي مـا تزلـه اقدامـه

،،،،،،،،،،،،،،،،،،،،،،

الحويطي
صح السانك ملايين
قصيدة طيبة مليئة بالحكم والأبداع الشعري
لاهنت اخي

[الطائر المهاجر]

ملحمة من الحكمة وخلاصة التجارب
تجسد مقدرة شعرية عاليه
صح لسانك وقلبك
ولا هان راسك
تحياتي

[هترل]

ومن يحفظ السانه عن القيل والقـال
يسلم من طعـون الكـلام وسهامـه
وان مالقيت لكلمـة الحـق مدخـال
الصمت في بعض المواقـف سلامـه



ياسلااااام



صح لسانك يالحويطي حتى الرضى
ابيات حيكت وطرزت بماء الذهب
جزله يابو توفيق لا هنت ولا هان غاليك
شكرا لامتاعنا بهذا النص الراقي

تحياتي وتقديري

[داعي الشوق]

صح لسانك مليوووون

ابداع رائع وجزل و وافي

صح لسانك مدد

ولاهنت

[كظيم]

اللهم صلي وسلم على سيدنا ونبينا وعلى اله وصحبه اجمعين


سعيد الحويطي
لله درك يابعـــدي
قصيده جزله مليئه بالحكمــه والمعاني الطيبه
ابدعت في سبك وحبك هالمترفــه
صح لسانك وفكرك وقلبك
تقبلني وتقبل مروري المتواضع لاهنت
ودي وتقديري

[منيع]

مبدع وجزل
تسلم اخي الكريم
ربي يرعاكم
تحياتي

[داعي الشوق]

جزله بالحيل يا بو توفيق

قصيدة لا تمل من قراءتها

لله دررررك يا مبدع

و صح لسانك حتى ترضى