سناعيس قرب

[الطائر المهاجر]

شايفك تركض تطالع في القصيده = وش حصل في السطح قل لي وش صاير
كاني المسبوه من مهره بعيده = فانت يالسنعوس حظك دوم باير

[سناعيس]

السطيح اللي انت خابر يالوليده=يوم عقلك يالمهاجر صار طاير
يوم وقّف ماكم الله لايعيده=جيت تركض ترقب اللي منك ذاير

[الطائر المهاجر]

من رأى ما شفت ما ظني يفيده = شوفة من بعد من سمر الظفاير
او غصن بان وتفاحه يزيد = منظر خلاب يغري كل ساير

[سناعيس]

اشهد ان للحب سهم مانريده=ان أصاب القلب اصبح دوم جاير
ودام قلبك يارفيقي به وقيده=ليش تقرب قاز يقدح بالشراير

[الطائر المهاجر]

لاتظاهر بالعقل هات البديده = وطلع اللي خافي وسط الضماير
قلبك اخضر عارفه ربي يزيده= بس خوفك مجحرك وسط الحفاير

[سناعيس]

ما أخذته من علومك أستفيده=واتحاشى ماني مثلك دوم خاير
وقلبي اللي عاش أحلام سعيده=لامن أصبح مايبيّح للسراير

[الطائر المهاجر]

من سمع هرجك عن ايام مجيده = صدقك بالظن ماهو فيك حاير
لكن اللي يعرفك يدري السديده = خاوي وفاضك ولا عندك ذخاير

[ماجد المهدي]

ههههههههههههههههههههههههه

صح لسانكم

عاد هالسطح ليت كان معاي فشار وجيت تفرجت وتابعت واحدة لابسة رياضيه

وواحد طالع ويتعذر بالخزان صراحة فلم رائع ومع الفشار يا مزينه

ههههههههه

صح لسانكم ومتابع من بعد هههههههه خايف يتورط

[سناعيس]

هلا والله بأخوي ماجد
خلك حولي عاوني عليه

راح وقت تشرب الماء مع عصيده=وجاك وقت الفخفينا والفطاير
اترك الماضي وفكر في جديده=مايعّود ماأظنه لو تهل من العباير

[الطائر المهاجر]

ماتبي ذكر اللي مضى ترفض تعيده = حتى في الذكرى تخاف اذن بعاير
ما عليك القلب لو تفتح بريده = تريحه من اسرٍ من بالحكم جاير