انتم الحكم

[الطامي]

من القلب ؟؟؟؟؟؟؟؟؟؟؟؟؟؟؟؟ انها فعلا من القلب

صدفه وانا في غفلتي يامناعير = اتعس رساله فيى حياتي السعيده
جتني وانا غافل ادور التفاكير = تقول فيها لي اعلوم اكيده
اعرف ترانا مسافرين على خير = يم الديار اللي عليكم بعيده
ماهو بناقصنا غلاكم ولا ايصير = بتموت موت وعل منت الشريده
مسكت بالسكان وايضا ًعصا القير = وطوحت بالونه واعض النجيده
وجات الطواري كلها لي طوابير = ماعاد افرق شرها والحميده
راي يقول اصبر وهذي تدابير= والله يدبر كل شيٍ يريده
والراي الاخرقال جعلت تسافير= وراي يقول امقيط ماهي جديده
اصبر مثل صبرالرجالٍ المشاهير= اتموت بعز ولاحياةٍ زهيده
ورفعت كفي للولي جعلها خير = وماقدر الله قابلينه عبيده
مافي يدي حيله ولابه معاذير = ماغيراسلي خاطري بالقصيده

[منيع]

مسكت بالسكان وايضا ًعصا القير
وطـوحـت بالـونـه واعــض النجـيـده

مايحتاج
صغة الروعه والاحساس والجمال كله
ابيات من القلب ومحلها القلب
تسلم يامنصور المري
تحياتي

[النهر الخالد]

يا سلام عليك الشاعر القدير منصور الوذين المري


دائما تاتينا بشي من بوح القاوفي النبيله

للتستفيض بها ضمائرنا


تحياتي لك ايه المبدع دائما

[عبدالله البهلولي]

هذه قصيده كلها بالتشافير=خلت قليبي ينتسي ما يريده
ظنيت شيئ قد حصل للمغاوير=وان السلامه قد اتت في قصيده
تسلم ملايين عد كل الاساطير=تسلم ملايين تحتسب في رصيده
والحمد لله دامها جت على خير=الحمد لله تختتم بالجريده

وتسلم ملايين

على ابياتك الجميله

عزيزي الشاعر

ودمت بالف الف خير

[ماجد المهدي]

صح لسانك يا المري

قصيدة جميله وجزله من جزل

معاني ساميه وقافية رائعة

تحياتي لك ولقلبك

ماجد المهدي

[مبارك أبوظهير]

منصور المري



صح قلبك وفكرك ..




أبدعت لاهنت



مبارك

[ابومالك رسام]

ورفعت كفي للولي جعلهـا خيـر
وماقـدر الله قابلينـه عبـيـده

الشاعر/ منصور المري

صح لسانك وجزالة اقولك الرائعه

تقبل مروري إلى متصفحك القيم

سلامي لك

[الطائر المهاجر]

لاحول ولا قوة إلا بالله العلي العظيم
المؤمن مبتلى يابو محمد
ولا له غير ماسويت
صح لسانك وقلبك
ولاهان راسك
وافرحك الله بما يسرك
تحياتي الطيبة

[انكسارات النخيل]

منصور المري

صح لسااااااااانك فهنا نص

فيه من الجمال والابداع الكثير

كل الود

[عبدالله راشد الثويني]

صح لسانك
بوح مؤلم
استطعت أن تصور الحاله من خلال ابياتك
والله يعوضك بخير يا الغالي
تحيتي لشخصك الكريم