الجرح ينزف

[ابراهيم غضيان الشراري]

قلبن يحبك حب يازين خاوه = ترا ابتسامة شوق منك تكفيه
وأرحم حبيبك من دروب الشقاوه = يكفيه مات من الغلا لاتشقيه
الجرح ينزف ياهوى البال داوه = دامك سبايب علته لاتخليه
خاف الله بقلبي وخل القساوه = لاتعذب القلب الجريح وتعنيه
أحلم بيوم القى بطبعك هداوه = ولا أبتسامة شوق قلبي تهنيه
لكن أسلوبك صار كله عداوه = وقلبن يحبك حب بالنار تكويه
طبعي وطبعك من طبوع البداوه = ولا أنت غيرك التطبع بما فيه
أما أنت في درب العشاشيق ساوه = ولا أبا أنعى موت حبك ولا ابكيه
=الشاعر/ إبراهيم بن غضيان الشراري

[احمد الكثيري]

اخوي ابراهيم صح لسانك على هذا الابداع
الجميل والنص الرائع ابدعت
لك تقديري

[الطامي]

الشراري
صح السانك ملايين
رائعة وطيبه
شكرا لك

[حي الضمير]

ابدعت وامتعت شاعرنا
ومدد بلا عدد صح لسانك

[عصام عبد الحميد]

شكرا لك اخى ابراهيم

كلماتك الرائعه

ودمت بكل الخير

[بنت النور]

صح لسانك مليون مايكفون
يعطيك العافيه على المقطوعه الرائعه
الله يسلمك من الجرح
لاهنت
تحياتي

[ابراهيم غضيان الشراري]

صادق التحية والتقدير والاحترام الى كل من:

أحمد الكثيري.

الطامي.

حي الضمير.

عصام عبدالحميد.

بنت النور.

شكراً على مروركم الرائع وعباراتكم الاروع.
أسعدني تواجدكم المحفز للإبداع. لاخلا ولا عدم.

أخوكم/ إبراهيم بن غضيان الشراري

[نجم الإبداع]

الله الله

صح لسانك يا ابراهيم

مصافحه زاهيه شاعرنا

لاهنت