ضيقه ورب البيت ضيقه ومرّا

[سهيل الشمري]

ضيقه ورب البيت ضيقه ومرّا =بالقلب باتت والمرار بلساني
على علومٍ جاتني ماتسرّا =هدّت لحيلي واحرقت لي جِناني
مرحوم ياوقتٍ على الحال مَرّا =ياما بسعْده ضمّني واحتواني
قضيت في كنْفه قبل مايغرّا =ارْوع وقوتٍ به رويت الحناني
عشته مع السّجّات كرٍ وفرّا =رويت به خلّي وخلّي رواني
واليوم غِرّات الزّمن لي تشرّا =واللي نزلته من زمانٍ نفاني
وااااااحالي اللي كاسيه الف ضرّا =وياحظّي اللي لادعيته عصاني
عِيفه حياةٍ ماتجود وتبِرّا =مالي بها دامه تريد امتحاني
ااااخر سواياها لفتني تجِرّا =لاسْوأ خبر حطّم حياة المِعاني

[الطائر المهاجر]

سلامات ...
ما تضيق وإلا تنفرج
إن مع العسر يسرا
افا يالجبل ... اجل وشلون حنا يالطعوس ..
صح لسانك
لي عودة تليق بها
تحياتي

[منيع]

دنياك توريك السعاده وشرا=ولااحدسلم منها وكل يعاني
ياسهيل دوك النايفات وتحرا=في مهمه ماقربه مودماني
ولاعليك بغير هذي المجرا=ام زحل ولاسهيل اليماني
ياصاحبي دنياك هذي ممرا=ولايحمل الكايد جزوع اهداني
اصبروتلقى بالنهايه مسرا=وربك يفرجها بلحظة ثواني

الاخ الكريم/ سهيل
اولا ماتشوف شر واحببت ان اداعبك بأابياتي اعلاه
داعي من الله العلي القدير ان يفرج كربتك وان لايريك مكروها انت وجميع اخواني المسلمين والمسلمات
واسمك موغريب على كنت معنا ولاكن اختفيت فجاءه
حياك الله

[نجم الإبداع]

اخوي سهيل

ماتشوف شر

وصح لسانك على النص المحكم


تحياتي واحترامي

[الخنساء]

واليوم غِرّات الزّمن لي تشرّا
واللي نزلته من زمانٍ نفاني
وااااااحالي اللي كاسيه الف ضرّا
وياحظّي اللي لادعيته عصاني
عِيفه حياةٍ ماتجود وتبِرّا
مالي بها دامه تريد امتحاني
صح لسانك اخوي الشاعر سهيل
قصيدة رائعه لاتحزن فالدنيا فانيه
وسع صدرك وماتضيق الا وتفرج
ماتشوف شر
تحياتي

[أم ريما]

ضيقه ورب البيت ضيقه ومرّا
بالقلب باتت والمرار بلساني
على علومٍ جاتني ماتسرّا
هدّت لحيلي واحرقت لي جِناني



صـــــــــح لسانك وسلامتك من الضيقه
وما ضاقت الا فررجت ان شاء الله

يعطيك العافيه على القصيده الجميله

تحياتي لك

[الريم]

قصيدة مؤثره كثييراً لكنها قمه في الروعه

شاعرنا سهيل كتبت فا ابدعت

صح لســــــــانك وسلم فكرك

الـ .. فـاضـل ..


سـهـيــل ..


مـسـاحـاتٌ .. مـن .. الـ إبــداع ..


أنــت !!


فـ هـنـيـئـاً .. لـنـا .. بـكـ ..


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


يا .. رائـــع !!

..

سهيل

صح لسانك وسلم بنانك يالغالي

تقبل احترامي لك

الضامي

[ماجد الخيران]

دنياك توريك السعاده وشـراولااحدسلم منها وكل يعانـي
ياسهيل دوك النايفات وتحـرافي مهمه ماقربـه مودمانـي
ولاعليك بغير هذي المجـراام زحل ولاسهيـل اليمانـي
ياصاحبي دنياك هذي ممـراولايحمل الكايد جزوع اهداني
اصبروتلقى بالنهايـه مسـراوربك يفرجها بلحظة ثوانـي

ماشاء الله تبارك الله

عز الله انه جزله ياسهيل وانا اخوك

صح لسانك مليون