غزالٍ أمس مرتني شاب يتزوج من عجوز

[الطائر المهاجر]

بصوت المنشد خازباز

غزالٍ أمس مرتني ومعها شايبٍ مطيور = احسبه زوجها واثره ولدها ناوش الستين
رجلها مات من مدّه وهي ما جا عليها الدور = تركها الموت لي فتنه وانا داخل على العشرين
قمر يوضي بليل العشق يسحرني ونا المسحور= جمال الله في ارضه بقايا الورد في الخدين
تفاهمنـا وحبّينـا بحبٍ واضحٍ كالنور = إذا من قلت ياروحي تجاوب يانظير العين
وإذا من قلت يابنيّه تقول الهرج ذا لبزور = انا الخبره بهالدنيا وحكيك ماصخٍ يالشين
نبي نعرس ولا وافق ولدها جعلها الدافور = يقول انتَ على مطمع تبي امّي يابو وجهين
واراد الله تجوزنا بحكم الشرع بعد شهور = وقضينا صيفنا كله مابين جنيف او برلين
ولكن للأسف ماتت وولدها اقشرٍ ممرور = ابي حقّي ولا اعطاني سوى مليون او اثنين
بنيت قصير في جدّه واخذت بنيّة من الحور = ندعّي للعجيّز ما لحقنا اقساط والاّ دين
شباب اليوم يا العاطل تفهم فكرتي والشور= ترى الثروات موجوده ولا تحتاج للتخمين
عجايز يفرحن بك لا بغيت العرس دون مهور= يبن باقي العمر يمضي مع اللي يفهم التلحين
وخلك ذيب يالفاهم ترى الله ما ومر بالجور = كفايه في السنه ثنتين ولكن عدن السبعين
تبي لك في الشتا سمرا وهجها كنّه التنور= وتبي لك وحدةٍ بيضا لعز الصيف وانت ذهين
تودع في نهاية فصل ولا انتَ بالدفن مجبور= وتستقبل بداية فصل وتقبض كاش من بابين
ولا بنتٍ على كبـدك غثيثه ناشبه بالزور = تموت انتَ وهي حيّه وبعدك تاخذ الرجلين

[الأموره]

ربــــــــي يسعــــدك دوم يالمهاجر ،،

رسمت البسمه في وجوهنا بهالقصيد ،،

صح لسانك ملايين ،،

سلمت و سلم بوحك يالشاعر ،،

الف شكر لك ،،

دمت برعاية الخالق ،،

[عنود الصيد]

صراااااحة قصيدة عجيبة
مشكور على هالقصايد
تدري عندي قصايد تضحك...بس هي مو لي عادي اعرضها بالمنتدى؟؟؟؟؟

[الطائر المهاجر]

في قسم الشعر الفكاهي مع توضيح من الشاعر

[عنود الصيد]

أنا بالضبط ماأعرف اللي كاتب القصيدة اللي عندي....عااادي انشرها؟؟؟

[الطائر المهاجر]

حاولي من قوقل
ونأكدي انها ليست في الشعر الفكاهي

[بنت العز]

هههههههههههههههههههههههههههه قصيده تجلي الهم
لاهنت وصح لسانك ويعطيك ربي طوله العمر

[الطامي]

ههههههههههههههههههههه
الطائر
صح السانك وفكرك ولافض فوك
شكرا لك

ههههههههههههههههههههههههههههه
صح السانك رووعه والله اعجبتي وبقولها للمره بس انت المسؤول عن النتائج
تحياتي

[صعبة المنال]

جزلة
سلمت وصح لسااانك

لنا عودة

صعووب