محاورة بين علي بن عواش الحبابي وصنداح

[صنداح الزلامى]

صنداح الزلامي

مرحبابك يابو متعب عسى عمرك طويل = ياعقيد القوم ياللي تقود القافله

انت شاعر معترف لك من الوزن الثقيل = بس من يقدر يصحى القلوب الغافله

العملاق

البقا والله يسلمك والمعنى جميل=والهدف مكفول يخلف هقاوي كافله
ماعليكم زود في كل يوم وكل ليل=والمسافر ياصل امناه وسط الحافله

صنداح الزلامي

الدليله يصبح الوجه يمشي مايعيل = مايناظر ويش قدمه وويش اخلافله
والعرب تال الزمن بين حط ويبن شيل= والذهب موجود لكن لاصراف له

لاتعقدنا ومثلك على المسرى دليل=ماخبرنا خط ممدود دون اكتافله
لاكثير يسعدك ياولد ولا القليل=عش حياتك والله الي خلقكم خافله

صنداح

الادب خضوه بعض البشر خض الصميل = وان شكينا ماقلينا جهة لانصافله
وانت يوم انته تغوص البحر يومٍ وليل = ماتلاحظ ردو اعلا البحر لاسافله

العملاق

التطور فرق عن وقت رمح وعن خيل=ياعيون الذيب لامن قنب كشافله
كل برق لاح باامر الولي يقفاه سيل=يسقي الريضان والغثو قدمه دافله

صنداح الزلامي

ومايسوي خير راع المقمع والفتيل =لو حصله مشجع وجاء هتافله
انت لك عامين تازن وعامينه تكيل=عدد اللي يوفي الكيل والعرافله

العملاق

في النهايه دايم عز الملك يااهل الجميل=خادم البيتين لازار بيته طافله

[حوريه]

رائع جدا
صحت قـلوبكم
دمتم بخير

[داعي الشوق]

يا سلام عليكم

محاورة جزله من شعار كبار

صحة السنتكم

[روح الشعر]

ابيات جزله شعار كبار

لاهنتوا

[بنت النور]

يعطيكم العافيه على المحاوره الجزله


من الشعراء الذي لهم مكانتهم في

منتدى الفطاحله "

[الطامي]

صنداح
صح السنتكم
محاورة طيبه
لاهنتو

[العمـلاق]

لاهنت على نقل الطاروق يابو زايد وصح لسانك

[كظيم]

صحت الألسن لاهنتم ولاهان منطوقكم الجزل
محاورتن طيبتن بالحيـل
ابدعتم يالغـلا
ودي وتقديري

[عمر ال شيبي]

صحت السنتهم
جميع
ولا هنتوا على النقل