طيب لرواد الفطاحل هداوي

[ناصر عبيد الهواوي]

يالله تكفينا الفتن والبلاوي=ومن ضل من شيبان هالوقـــت تهـــديه
البارحه كني بوادٍ سناوي =مدهر ثلاث سنين شدوا شواويه
ما شفت به زيله ولا اوحيت عاوي=موحش ما تسمع ونيسٍ تحاكيه
في حالك الظلما لجنه تصاوي=وقشعه عواصيف الهبايب تدربيه
وفزيت كني من على السطح هاوي= وهجيت من وادي المجانين ما أبيه
وشغلت لي جمسٍ جديدٍ سماوي=من الجميح بغال الاثمان شاريه
واركبت أبو ناصر بعيد الهقاوي=وأرجي عسى الواهب لعوده يخليه
وسلمت له مكتوب ماهوشفاوي=وظرفٍ من أطيب ما طرا لك معبيه
ر يحان مع عنبر ومسكٍ وجاوي=للي كتب قاف القصيده وممليه
طيب لرواد الفطاحل هداوي=وللي سمع والا قرا قافي أهديه
قافك لزينات التماثيا حاوي=لكن سياته تغطي حسانيه
ما به تراحيبٍ ولابه هلاوي=ورحبت أنا بالظرف واللي عطانيه
أبي السلامه عقب ماني رجاوي=من يوم هالشايب يحمي مكاويه
يليق بك يالصيرمي النداوي=تبرك على قلت رفيقك تداويه
مافيه أبو دمغه بحبله يلاوي=ولافيه وشره بالمكاوي تعرقيه
حقه تسهل له عسير الدعاوي=وأدنى الحقوق بما جراله تواسيه
يا من عرف ورعٍ صغيرٍ رحاوي=يتيم لا والد ولا امٍ تربيه
يحفظ على صدره كتاب الطحاوي=ولو قلت كلم بوش سرعه يناديه
عند العرب و الترك قدره غلاوي=شاريه أبو مسعود وإبلير شاريه
وتلقاه في لندن وهجرة مساوي=والورع يفرح والنسا تنهبل فيه

[الطائر المهاجر]

صح لسانك واعتلى شأنك
جزلة من راس جزل وشاعر متمكن
لاهان راسك
تقبل أطيب التحيه

[عبدالله الشويمان]

صح السانك اخوي ناصر

نص جميل من شاعر مبدع

دمت بخير ولا هنت

[ابومياس]

صح لسانك ويالهواوي

وبيض الله وجهك

نص كبير من شاعر كبير

اعجابي وتحياتي

دمت بخير

[الصريح العتيبي]

ناصر الهواوي

وفزيت كني من على السطح هاوي
وهجيت من وادي المجانين ما أبيـه

صح لسانك واعتلى شانك
وش يحدك على المجانين واديهم
السلامه غنيمه يابو عبيد
دمت بخير حال

[محمد عبدالله البدراني]

العزيز الموقر ناصر عبيد الهواوي سلمه الله


الله الله عليك

مليووووون صح السانك


صح صح السانك



تحياتي
مع اسمى ايات الشكر فائق الاحترام واطيب المنى رعاك الاله

[الطامي]

الهواوي
نص رائع جدا حرف وقافية ومعنى
صح السانك وبنانك
شكرا لك ولاهنت عيني

[ماجد الزيد]

صح الله لسانك يالهواوي وجاد بنانك ابدعت ابدعت

[الخنساء]

صح لسانك اخي الشاعر ناصر

لاهان راسك قصيدة راائعة

سلمت وسلم شعرك

دمت بخير

[داعي الشوق]

الشاعر ناصر الهواوي

يتسابق مع الابداع والروعه والجمال

صح لسانك يا ناصر

إعجابي بما تكتب لا يوصف

ما شالله عليك مع التحية لك ،،،