القصائد التي فازت بالمسابقة

[الطائر المهاجر]

من اصعب الصعاب ان يحاول الإنسان ان يقارن بين مجموعة من الدرر القيمه
تكاد تتساوى في كل شئ ، ولكن في اية منافسة ، لابد من تحديد من يحتل المراكز
الأولى ، لذلك اجتهدنا في الأخذ بكل المعايير الموضوعية الدقيقة ، فكانت الجولة
الأولى بعرض جميع القصائد على لجنة مكونة من نائب المشرف العام سناعيس ومراقبي عام الشعر
عقاب وابو عيسى ، ولم يتمكن عقاب من الإدلاء برأيه ،فكان رأي الأخوين سناعيس وابو عيسى ، ثم كان
لابد من الإستعانة بالشعراء أنفسهم ، فجاءت الإجابات ، وان لم تكن بالعدد المطلوب ، ثم كانت الجولة الأخيرة
وعرضت على الشعراء القصائد التي وصلت لهذه الجولة ، ورغم ذلك كان عدد الإجابات غير مقنع ، وبالتالي
فأية تقصير في الوصول إلى نتائج افضل ، يرجع للشعراء الذين لم يشاركوا سواءا في الجولة الأولى او الأخيره
وبناء على ماذكر أعلاه من توضيح للحقيقة ، حصلت القصائد الموضحة أدناه على افضل الترشيحات :

المركز الأول
وقد حصلت عليه قصيدة الشاعر(17) محمد العسكر

يا متعب القلب قلي ويش غلطاتي=ان كنت انا اقدر اعدلها .. بعدلها
لصرت تجهل عناء الدنيا .. وضيقاتي= من دون ماشرح لك اوضاعي تأملها
الوقت ضدي .. حرمني من ملذاتي = والصد بعدك ذبح روحي .. وكملها
لا .. لايغرك كثير الصمت .. وسكاتي = خل المشاعر تقول ( الآه ) وإسألها
يسكني الحب .. واضح من عباراتي = وش عاد لجلك حروفي لو أذللها !!
عذبني الشوق واسرفت بخيالاتي = روح ٍ تحبك دخيلك ليه .. تهملها !!
ياليتك إشوي تشعر في معاناتي = دنياك يمكن عليك تضيق باكملها
الحزن كنه سفيري في علاقاتي = والهم خيّم على حالي .. وطولها
اغديت دربي وتاهت فيك خطواتي = كل المواعيد مدري ليش تجلها !!
سنين احاول وضاعت كل حيلاتي = متدري اني ( حياة الذّل ) مقبلها
لجيتك أسال وادوّر فيك ضحكاتي = كنك تعمد بيديك اليوم .. تقتلها
لا تترك الظن يلعب باحتمالاتي = الكلمه اللي تحزّ بخاطرك .. قلها
تعال شفني وحس بحال لوعاتي= كن الدقايق بدونك عام مطولها
متى التباشر بقدوم ( الغلا ) تاتي = فرحة زماني بشوفك ما تخيلها
خلاص صبري تعدى كل هقواتي = اتعبت نفسي ( اعزيها .. وعللها )
ابيك تنسى وتدمح كل ( زلاتي) = بعض البشر صعب مانقدر نزعلها
والحين جيتك ابمسح كل غلطاتي = دنيا ي دونك وربي ماتحملها

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــ

وفي المركز الثاني
جاءت قصيدة الشاعر(9) شقير المهلكي

جتني تبادلنـي غـرام و مشاعـر=جتني تبادلني احاسيـس وشعـور
جتني قصيده شاقها نضـم شاعـر=جتني سفينه شاقها شاطي ابحـور
جتنني صحاري شاقها رش ماطر=جتني سجينه شاقها شوفت النـور
من شوقها ضلت بعينـي اتناظـر=من شوقها ما كنها غير مسحـور
ضميتها في حضني و قلت خابـر=كل الكلام الـي تقوليـن مخبـور
يا غاليـه يـا ساكنـه فالمحاجـر=يلي غلاك في داخل القلب محجور
مشتاقلـك شـوق القلـم لدفاتـر=من كثر شوقي ما يشيلنه اسطـور
ودي ابين بس مـا اضـن قـادر=انتي غلاك ابداخل القلب محفـور
وانا على فرقـاك مانـي بصابـر=ماصبر علي فرقاك وعيونك الحور
في شوفت اعيونك تسر الخواطـر=ويضل بالي دايم الـدوم مسـرور

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــ

وفي المركز الثالث
قصيدة الشاعر(6) ابومالك رسام بالإشتراك مع قصيدة الشاعر رقم (10) نورة الخاطر

اقبلي مثل صبحاً فـي ضيـاه الفـرح=مثل وردً تفتـح مـن عبيـره يفـوح
واسكني قلب عاشق من هواك انجرح=وارحلي في خيالي فوق كل الجـروح
صاحب الحسن حسنك من رأه انشرح=ومن وقع في شباكك كيف يقدر يروح
انتظرتك وعمري في غيابـك سـرح=واعتلا الشيب راسي دون وصلك يلوح
ياعيونـاً لقينـا فـي لقاهـا المـرح=ويا دموعاً كتبنا حبنـا فـي وضـوح
اسمحي لي أحبك كـان قلبـك سمـح=ادري انك تحبـي وان قلبـك سمـوح
اين بالقى حنانك فاض صبـري طفـح=اعذريني احبك حـب روحـاً لـروح
ذاع صيتي بحبك من ضميري نضـح=يعرفيني العوالـي يعرفينـي السفـوح

.

دفنت حلمي في عذاب الكتابه =وأخفيت عن كل البشر وجه الأحزان
ياوجد حالي ياعناه وعذابه=في هيكل الحرمان مذبوح قربان
ماتقدر ايدينة تخلص شبابه =عليه سلسال الذهـب صار سجان
ظامي شفايا ماهتنا في شرابه=يورد قراح البير ويرد عطشان
ان لاح له برقٍ تمنى سحابه=وإن وصلتة تمطر لواهيب نيران
لاشاف عز ولا تعزوى قرابه=ردالصدى صوته يقول:أنت غلطان
من يوم شفت العمر يطرد سرابه=نثرت حلمي في بحر حبر الأجفان
دمعى مدادي والأنامل جوابه=ترسم على صبح الورق غدر الإنسان
الليل طول في عيوني ضبابه=والشمس ماتشرق من ضلوع بركان
دليل خوفه حيرته واضطرابه=وأزهار صدره حدها سور بستان
ذبلت نواويره وزاد التهابه=مات الهنا في موج الأيام غرقان
دور على مرفى لقا شوك غابه=خالى من الشيمه كما رأس شيطان
لوبه رفيق يلتجى في جنابه=ماهلت مزونه هماليل وجدان
مير البلاء كلٍ رحل عن هضابه=صوت يبي الفزعه ولا به(كحيلان)
الخيل ماتت عقب عصر الصحابه=باقي دبش ترعى هزيلات وسمان
وحتاه ينسى عاش وهم الكتابه=يخفي عن وجيه الملا بدر الأحزان

[سناعيس]

ألف مبروك المركز الأول للأخ الشاعر محمد العسكر والحقيقه شاعر يستحق الصداره لجزالة مايقول
وألف مبروك لصاحب المركز الثاني الأخ الشاعر شقير المهلكي ويستاهل
وألف مبروك لصاحبي المركز الثالث مناصفة الأخ الشاعر أبو مالك رسام والأخت الشاعره نوره الخاطر ويستاهلو جميعا
ومن غير قصور بجميع الشعراء الذين شاركوا وللحقيقه كل القصائد رائعه وجزله وممتازه ولكن لابد من التفاوت في درجات الأمتياز
شاكرين للجميع هذا التنافس الشريف وكل الكصائد جزله وتستاهلون المليوووووون وفالكم طيب ههههههههههه

تحياتي

[يوسف الشقران]

اخواني

محمد العسكر

شقير المهلكي

ابومالك رسام و نورة الخاطر

الف الف الف مبروك يامبدعين

وتستاهلون

قصائدكم تستحق الفوز والتميز

( والله اني وانا اقرا القصايد ودى اعرف منهم هالمبدعين )

زحظا اوفر لباقي الشعراء اللي مايقلون ابداعا عن اخوانهم



[blink]مبروك مبروك مبروك[/blink]

السلام عليكم ورحمة الله


ألف مبرووك للأخوة الشعراء الذين كان الفوز حليفهم ,والفوز للجميع بالطبع ,وليس لواحد دون الآخر ولكنه لفطاحلة الشعر الشعبي جميعهم..


شكرا لمن رشح قصيدتي (سلسال الذهب)وألف شكر لكل من قرأني من خلالها..


تمنياتي للجميع بالخير..

[حمد العيد]

الف الف الف الف

[blink]مبروك[/blink]

للمتميزين

تمنياتي للجميع بالتوفيق والنجاح الدائم

اخوكم

روض الغلااا

[كريمة محمد]

محمد العسكر شقير المهلكي ابومالك رسام و نورة الخاطر

يستحقون كل خير والله

[blink]

الف الف الف مبروك للفائزين

[/blink]

محمد العسكر

شقير المهلكي

ابومالك رسام و نورة الخاطر

ألف ألف ألف مبروووووووووووك

تستاهلون والله

جميعكم مبدعين

دمتو / رمز الابدااااع


تحيتي

محمد العسكر

شقير المهلكي

ابومالك رسام و نورة الخاطر

الف الف مبروك للمبدعين فوزهم


وحظ افر لبقية المشاركين


تحيااااتي لكم

[ابو زياد]

محمد العسكر

شقير المهلكي

ابومالك رسام و نورة الخاطر

1000000مبروك

والفال للباقين بالفوز والنجاح

[شقير المهلكي]

مبروك لصاحب المركز الاول (محمد العسكر)
والثالث (ابومالك رسام و نورة الخاطر)
وبنسبه لي فأنا اشكر كل من ساهم في انجاح هذه المسابقه .