بعد فشل البراشيم في الغش!!

الطائر المهاجر · 27-02-2006, 09:55 PM

هنا سأحاول بين الحين والآخر أن اقطف لكم بعضا مما اراه مناسبا من ساحات الإقلاع

وهذي للأخت هلالية وافتخر

بعد فشل البراشيم اليك طريقة الغش السليم ايها الغشيم((لك انت واياه و اياها))
السلام عليكم
حيا الله هالفيوس الطيبه (الفيوس مفردها فيس وفيس يعني وجه )وكل السالفه اني بعلمكم اني افهم انقليزي شوي (((((((ركزوا قلت شوي)))))) يعني لا اشوف احد يكتبلي انقليزي ترى مابرد عليه الا بعد الاختبارات
عشان اختي تصير فاظيه وتفهمني الهرج المكتوب
بلا ثقافتي موزنبيقيه وما تعرفون لها

المهم .........
انا بيني وبين مادة الانقليزي الي بين الهلال و الأتحاد >>>>لاحظو أنا قلت الإتحاد ماقلت النصر عشان ماينطلي عضو متلطم ويقول ((سوال يطرح نفسه ماذا لو حطيتي أي فريق بدل النصر ؟؟ )) هذا انا حطيت الإتحاد عشان أريحك
موكننا طلعنا عن الماظوع ؟؟
بااااااااااااااااك ..
ابحكي لكم اليوم عن معاناتي داخل قاعة الأختبار ........ وكيف بالكووووووووووود ألاقي فرصه (((أغش)))) ومع كل هذا مافلحت
لأني طبعا اكون مموته نفسي في أسبوع المراجعه وأقعد أذاكر و أذاكر وأذاكر
لين الكتاب يقول : خلاااااااااااااااااااااص أرجوك يا هلاليه ارحميني وأرحمي نفسك
8
8
8
وطبعا الواقع عكس هالكلام تماما ....... اقعد اطنش والعب واستهبل واطق هذا واهوش هذاك واذا شفت وزارة الداخليه او الخارجيه (مامتي وبابتي)اصير خوش بونيه ادفر مني مافيه وطبعا كل ما شافوني اذاكر قالو وش الطاري يدرون اني لست بجانب الدراسه وفي روايه موب لم الدراسه ويقومون يعدلون الكتاب المقلوب الي قاعده
انهل من علمه...........هذا شي
الشي الثاني
اذا سمعت انه اليوم ذير از امباره للهلال هذا يوم اجازه من عندي
كله قبل المباراه اكلم على كل الهلاليات صديقاتي واوصيهم واحرصهم بقولي: اليوم المباراه
لاتنسون مو اذا اتصلت عشان ابارك لكم الفوز تقولون ليش هو اصلا فيه مباراه
واجهز العده لزوم التشجيع من أعلام و شالات و ببسي و شبس و.....ألخ
وفي اثناء المباراة ... مافيه ولا احد يتكلم ولا أحد يتجراء على انه يغير القناه حتى بين الشوطين
وبعد المباراه .. اتصل أبارك لكل من اعرف من الهلاليين و الهلاليات ا لاحياء منهم والاموات
8
8
صدقت من الموضوع الي فات انها شاعره

وتمر الساعات والايام ولا ادري بنفسي إلا وجها لوجه مع ورقه فيها شخاميط ما فهمت منها إلا كلمة
name:………………………….
ومعناها اسم ... ولو تعرفون وشلون عرفت معناها .....
لما كنت في اولى متسوط ((على قولة جدي الله يرحمه)) جيت ابتفلسف قلت للأبله
أستاذه : ماحطوا مكان للاسم وين نكتبه فيه ؟؟
بغت تموت من الظحك واشرتلي على الكلمه اعلاه
وقالت لي :هذي الكلمه معناها اسم وفي هالفراغ تكتبين اسمك
وانا الي يغدي فيسي كنه كرتون طوميطوس بس ازرق عشان اني هلاليه خخخخخخخخخخخخخخخخ
المهم نرجع للموضوع الاساسي الي كله شطحات ..
طبعا لما اكون أنا و ورقة الأختبار فيس تو فيس يبدى شوشو( الشيطان )يوسوس لي
هو يقول غشي
وانا اقول لالا حرام من غشنا فليس منا
يقوم يقولي من قبل أمس وانتي منتي منهم اجل طول عمرك تغشين وجت على ذا الاختبار
عاد والله لما يقولي هالكلام اقول خلاص بغش بس ترى هذي اخر مره ..>>>>>إيه هين
عاد انا عندي طريقه ما أغيرها لأنها ناجحه
(( زي باكيتا الله يذكره بالخير لما كان يلعب أربعه خمسه واحد ولا يغيرها))
8
8
وكان احس مافيها هالواحد >>لالا البنت ذي ميب صاحيه ابد
والطريقه هي طريقة الاتفاق قبل الاختبار
وهذي جدا فعاله زي ما قلت
شف انت وياه وياها اول شي تسويه انك تجي للمدرسه بدري وتتفق مع اخوياك الدواااااااااااااااااااافييييي يييييييييير ركزو قلت ((((الدواااااااااافييييير))) والاتفاق كالتالي
تقولهم الله يخليكم ساعدوني ترى ماذاكرت لاني امس كنت تعبان مره مره كان فيني حراره
ومن هالنصب الين يحنون عليك ويوافقون هذي طريقت الاقناع(( لبني دفر))<<يعني الدوافير
نجي لطريقت الغش اولا تقولهم اذا حركت الكرسي يعني الي بالمدد يعني واحد يلتفتلي منكم
واذ كحيت مره يعني السؤال رقم (1) واذا مرتين يعني السؤال رقم(2)وزي كذا الين احل كل الاسئله
و سنة من الايام
شرقت من جد والدافوره الي اتفـقت معها ادلخ منها مافي
فيها دلاخه تكفي العالم كلهم
الا في الدراسه
لانه يوم كحيت من جد وصلت عدد كحاتي( 25) قامت التفتت علي
وقالت الاسئله (20 سؤال)>>> (ترى والله ماهيب مقصوده) وانتي كحيتي (25) وش فيك قمت تخرفين وانا أأشرلها تسكت لانه المراقبه
تناظر فيني وفيها وهي ولا على بالها مسترسله في الهرج ولما همت المراقبه بالمجيء< متعوب عليها ذي
على طول مديت لها بالطامس (المزيل ) عشان الابله تحسبها تطلبه مني وفعلا مشت على الابله خخخخخخخخخخخخ
ولما قرب الوقت بنتهي قالت المراقبه : يلا يابنات الي تبي تراجع تراجع الحين بعد شوي تجي أوراق التوقيع
قربت من صديقتي الي قدامي وهمست لها قائله :افتحي الورقه وحطيها يمين الطاوله وأنتي أزحفي على اليسار
قالت : اوكي
بعدين قعدت اراجع وكان كل شي زي الي بورقتها بس فيه فراغ كان الي بورقتي يختلف عن الي بورقتها قمت عدلته
وخرجت من الإختبار وأنا فرحااااااااااااااانه زي فرحتي إذا فاز الهلال وكان الهدف من ياسر
8
8
لا ذي زودتها
وجاء يوم الشهادات ورحت وانا كلي وثوق بأني ناجحه ورح أخذ شهادة تفاوق (على قولة ولد عمي الصغير )
و أروح عند مربية الفصل ابي الشهادة
قالت لي :ماشاء الله كل الدرجات كامله ماعدا الانقليزي تراك راسبه فيه
قلت : لييييييييييييييييييييييه
قالت : اصلا مالقينا ورقتك
قلت : كيف مالقيتوها تسهبلون انتم ؟؟
قالت : لا والله من جد .. الغريبه أن في بنت لها ورقتين وانتي مالك ورقه
وأنا الي تطير عيوني
وأتذكران الفراغ الي غيرته وقت المراجعة كان الفراغ الي فيه الاسم
وبدل ما أكتب أسمي نقلت حتى أسم سديقتي
وأقعد أصيح و أصيح و أصيح
مو لأني رسبت
لا
لأن أهلي متفقين يسافرون فرنسا
وانا ماراح أسافر وأبقعد مع المدرسه الخصوصيه المصريه تذاكرلي طول الصيف
و لي يقهر أكثر أني أنا الي مقترحه عليهم انا نسافر فرنسا بالإجازه

الأفكار الرئيسيه :
1-إلياك و الدراسه فإنها تلهيك عن الوناسه وفي مقوله اخرى طق الخيمه وشب النار بلا دراسه بلا إختبار
8
8
يازين بعض الناس وهو ساكت
2- لا تصدق المقوله الي تقول من عاشر القوم 40يوم صارمنهم ) لأن أختي ماشاء الله ترطن أنقليزي وأنا معها بنفس الغرفه ولا أدبر به شي

3- مو كل من قال بسافر فرنسا تصدقونه
***********************

وسلامتكم انت واياه وياها ..

تراي ادري اني طولت ....... بس من كثر ماني مقهوره من ذا الأنقليزي حسبي الله عليه
والله الله بالردووووووووووود

شوفو ادري فيه شطحات واااااااااااااااااااااااااجد بس لاحظو اني اكتبه في( الاختباراااااااااااات)
وما فيه تسلسل منطقاني اختي تقول كذا
تحياتي الحاره ....

هلاليه **وأفتخر! والي موعاجبه ينتحر>>>قويـيـيـيـه اجل بع بع بع(ابد ميب مسروقه من بنز)

الطائر المهاجر · 02-03-2006, 01:10 AM

ارى خيال خصب من الكاتبة بلإسلوب الإقلاعي المعتاد
فماذا ترون؟؟

عهود · 03-03-2006, 11:00 PM

والله أعجبتني وأحس اني دخلت معها جو
ورهيبه طرق الغش اللي عندها بس كلها مكشوفه خخخخخخخخخخخ
7
7
7
وأتذكران الفراغ الي غيرته وقت المراجعة كان الفراغ الي فيه الاسم
وبدل ما أكتب أسمي نقلت حتى أسم سديقتي
(رهيبه ذييييييييييييييييي)

ياخي والله تذكرني بحالتي مع ذا النقليزي
أخواني 4 ماشاء الله عليهم معهم لغه انقليزي وانا عجزت اتعلمه مثلهم