أرجي حراويك

[الـزلـزال]

بسم الله الرحمن الرحيم

أسعد الله جميع أوقاتكم بالخير والمسرات

بوح كيبوردي أتمنى أن ينال القليل من ذائقتكم الراقيه

( أرجي حراويك )

سلام يلي نبض قلبي يناجيك = وليا طريت القلب يرجف محله
يالصاحب الي مالنا غير طاريك = هذا علاج القلب والقلب كله
تعال يمي شوف قلبي يناديك = شوفه يقول البعد لا لا تدله
لا تروح دام القلب يمك ويرجيك= قرب وطاري البعد يازين خله
نسيت كل الحب ماطريت ماضيك = ولا طرى لي قلب ماضي تشله
وأنته تردد جعل ربي يجازيك = بسباب منهو كان قلبي يحله
وش لك بماضي كان يمي تهاليك =وش لك بقول الحب ماهو مذله!
قلبي وأعرفه دام يصرخ ويغليك= أكيد ماغيرك بدربه يدله
شاريك قلبي ثم كرر بشاريك = شاريك لو أنك بجورك تذله
شاريك قلي وش على البعد حاديك= وش لك على قلبي وسيفك تسله
شفتك تقول اليوم والله لبكيك = ماتدري أن الدمع يمك وهله
هذا جزاة الي لقربك يحاكيك = هذا جزاة الي لحبك يشله
عندي وصيه قبل لختم بوصيك = وصيتي للقلب لا تجيب عله
مادام قلبي يم قلبك و يدعيك = أبشر بقلبك مايشوف المذله
وبشر بمنهو يم قلبك يداريك = وأبشر بكل الحب يمك وجلـه
وختامها لازلت أنا أرجي حراويك = تعال وأنته يم قلبي تدله

[داعي الشوق]

صح لسانك يا لشاعر الزلزال

ابداع جميل

كـ حضورك الجميل دائما

صح لسانك مدد

مع تقديري لك


***********

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[فارس بن عويف]

الشاعر / الزلزال

لاعلاقة للكيبورد بهذا البوح سِوى النقل ..!
وما هذا إلا من جميل إحساسك وبوح مشاعرك المتدفقه
إنسكاب عذب .. وإرتواء للذائقة

صح السانك ولاهنت أخي الزلزال .

[منيع]

ياسلام عليك
كل الروعه والابداع
شكرا لكم
تحياتي

[عبدالعزيز البليهد]

الله عليك ياسامي

اذا هذي كيبورديه وش لون لاصرت مرتكي ماشاء الله عليك

مبدع يالزلزال صح لسانك ولاهنت

[حوريه]

ما شاء الله رائعه جدا وبروعة شاعرها
صح قلبك 00ودام حرفك
......

[عبدالرحمن بن زهير]

سامي لازلت كما عهدناك منبع للجزاله والذوق الراقي...تحياتي وصح لسانك

[نافع بن محمد البويت]

مادام قلبي يم قلبك و يدعيك = أبشر بقلبك مايشوف المذله

بوح راقي برقي فكرك وقلمك

لاهنت وصح لسانك
ملايين

تحياتي وتقدبري

[الخنساء]

مادام قلبي يـم قلبـك و يدعيـك

أبشر بقلبـك مايشـوف المذلـه

وبشر بمنهو يـم قلبـك يداريـك

وأبشر بكل الحـب يمـك وجلـه

وختامها لازلت أنا أرجي حراويك

تعـال وأنتـه يـم قلبـي تدلـه

صح لسانك مليون ولايكفون

قصيدة جزلة من شاعر متمكن جزل

ابداع اخى الشاعر الزلزال

سلمت ودام حرفك