غمرة الوقت

[ساهر الليل]

يالله يامنشي سحابٌ وهمال=والليل واسراره وسحر الغروبي
ومسير الافلاك ومغير الحال=اغفر لي الزله وجملة ذنوبي
ماعادني قاوي على حَمل الاثقال=الجسم ناحل والمنايا تنوبي
اشقيت روحي بين هقوات وامال=اضحك مع الايام واخفي شحوبي
واليوم جاني من هوى البال مرسال =نقض جروحي واحتوتني الهبوبي
اقبل وانا بين المدارات ! مختال=مصوّب النظرات بالحيل صوبي
وارسل سهومٌ غايره فوق الاحمال=اللي زماني ساقها لي غلوبي
من قبل يسقيني الصبابه بفنجال=ذاب الحلى والمر في وسط كوبي
وتعانقك نبضات وانفاس وانفال =مابين خفاقه وصدرٌ رحوبي
لكن ما اسرع ! قبل تصنيف الامثال=قفل مواويل الامل في دروبي
وارتاع من لمحة عيوني بمدهال=وانا معه في غمرة الوقت دوبي
شرع لي الغمره مع طولة البال=واشعل بها بين الحنايا لغوبي
قلت العفو !! ماني للاسباب ميال =اعرف شراب الكيف والقى شروبي
واقطف زهور الوجد بايمان وشمال=والى حداني الوقت غيرت ثوبي

[منيع]

ياسلام عليك
مبدع ورائع
تحياتي لكم

[الطائر المهاجر]

صح لسانك
جزل ومتمكن
لاهنت
تحياتي وودي

[الراقي]

امتعتنا بهذه الرائعه
صح السانك الوف

دمت بمودة

[الكلثم]

ابداع وجمال وجزاله
صح لسانك
ولاهان راسك
مع أطيب تحياتي

[داعي الشوق]

صح لسانك مليوون يا بو نواف

ابداع لا حدود له يا مبدع

يسلم حرفك و معناك و صح لسانك مدد

ولاهنت

[عبدالله السويلم]

صح لسانك يابونواف

جزله من راس جزل

تحياتي لك

[الطامي]

صح السانك ملايين
جزلة من جزل
الله يعينك
لاهنت

[ساهر الليل]

منيع

تشرفت بمرورك وجمال حضورك

كل الشكر والتقدير

تحياتي لك

[ساهر الليل]

الطائر المهاجر

حضور مميز

ومرور رااائع

شكري وتقديري