عمرها عشر وأربع / آخر فرصة

[محمد بن عمار]

السلام عليكم /
آخر فرصة للبوح بالغزل
وذلك لحلول الشهر المبارك

وش تفيد المعنىّ ، حسرته .! لا ، كبر = دام ، مانال مقصودة ، وتوّه ، غلام

عندما تبتليك نوائب الدهر
ويرميك قدرك في طريق
الهوى.! لن تكون بأحسن
حال ٍ من بن عمار،

عمرها عشر وأربع

آآآه وآشيب عيني من صروف الدهر = سبّة اللي رمتني في دروب الهيام
وقلبي اللي ، عليها في حشاي انفطر= عمرها عشرٍ وأربع وافي ٍٍ بالتمام
والله ، إن الهوى ، ماله بقلبي أثر= قبل ما اشوفها ، مالي ، ومال الغرام
لو تقابل كفيف ، إرتد فيه البصر= وارجعت به ، سنين العمر عشرين عام
خطر ٍ الماء أشوفه من خلال النحر= ومن طراة الجسم أشوف مخ العظام
صادفتني ، تداعب خصلتين الشعر= ماشيه ، في تباهي ، مثل طير الحمام
طارمنها النقاب وشفت موت ٍ حمر= وأسرعت تربطه ، مع بسمة ٍ باحتشام
قلت حق ٍ علينا ، خدمتك ، ياقمر = قالت المعذرة ، والعفو، يابن الكرام
مدّت الكف يرجف تأخذه في حذر= وعينها جت بعيني وارمشت بالسهام
حارت الرجل يوم ان الجديل انتثر= ما أقدرأرجع ولا أمشي خطوة ٍ للأمام
لاح نور ٍ بهرني ، مثل نور البدر = لأبيض اللولو، المنظوم ، خلف اللثام
والحشا وسط روضه ناهض ٍ استقر = مستدير ٍ وزامي ، مثل بيض اليمام
ذاب شريان قلبي ، في الحشا ، وانصهر= واللسان انعقد ، ولا، قويت الكلام
طحت يوم إستدارت وأنثنت بالخصر = غايب الوعي وفكري طار خلف الجهام
قلت معقوله .! أنتي ، من عداد البشر = وإلا ّ ، هيئة ملاك ٍ زاير ٍ بالظلام
فهّميني ، بردّ الموجز ، المختصر = بيّـني لي ، دواعي مقصدك ، والمرام
كيف بأقطف جنا ماطاب بك من ثمر = وأنتي غصنك يلامس شامخات الغمام
وش تفيد المعنىّ ، حسرته .! لا ، كبر = دام ، مانال مقصودة ، وتوّه ، غلام
دارس ٍ الهوى والغي ّ ، غيب ونظر = ما جهلت ، بمغبّة ، مخلفين ، النظام
من حياها ، تصدّ ، بطيفها ، لاحضر = تبخل بشوفها ، لوهو ، بحلم المنام
ودام حلمي ، ردود أفعال طول السهر = بين الأضغاث تاه العقل وسط الزحام
فكل من هو ابتلى ، وإلا ّرماه ، القدر = في طريق الهوى ، قولوا عليه السلام

مودتي لتواصلكم

محمد بن عمار

[عبدالله الشويمان]

الله الله

صح السانك يا اخ محمد..

قصيده قمه في الجزاله معنى ومبنى.

دمت بخير ولا هنت

[عبدالمحسن الرحمه]

الله عليك شاعرنا القدير محمد تسلم ويسلم
منطوقك الجزل ودي لشخصك الكريم

[كظيم]

محمد بن عمار
الله عليييييييييك
صح لسـانك وفكرك وقلبك
قصيده غزليـه في قمة الجمـال
وقمة الروعه والتصوير
ابدعت في هـ/الشـامخـه لله درك
رااقت لي كثيرا ً لله درك
تقبلني وتقبل مروري المتواضع لاهنت
ودي وتقديري

[نجم الإبداع]

الله الله

صح لسانك يابن عمار

مصافحه راقيه

لاهنت

تقبل مروري

وتقديري


انت قلبك يابن عمار ماله مفر=كل ماشفت لك غيدا يجيك ارتطام
تب من الحب وشلك من سهام وسهر=عقب شيبك ترى ماللهوى بك مرام

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[خيالة الشعر]

الشاعر محمد

شاعر مفرط في احلام الغزل بدهاء وتمكّن
صح لسانك مدد بلا عدد
لاعدمناك

[سناعيس]

هههههههه
ايه يابعدي الحق عليهم قبل يصفدون
صح لسانك يابن عمار
ولله درك دائما تتحفنا بجزل القصيد
لاهنت

تحياتي

[داعي الشوق]

صح لسانك مليوووون*
ولاهنت بالشاعر
ابدعت و أمتعت*

و ما فيك حيله*

[سمّار]

صح قلبك ولسانك
رائعه من رائع
دمت ودام تدفق ابداعك
لاخلا ولاعدم