القيض حان

[عبدالله الدخيل]

بسم الله الرحمن الرحيم
السلام عليكم ورحمة الله وبركاته

حين قرأت خبر يبشر بأن أخي الطامي رزق بمولود ،
بادرت إلى ذهني هذه المساجله بيني وبين الأخ الشاعر ريّان الجميعه
أطرحها بينكم علّها أن ترتقي لذائقتكم

القيض حان وبعد خلّي يِعلّي=يالله عسى بإنّ أرْبعينه يتمّون
البيت ماهو بيت وان كان تَلّي=البيت خاوي حتى لو كان مسكون
كنّي اشوف الحين ظلّه وظلّي=جلسة سَمر تضفي على الحب ديدون
شفت الطيوف تطلّ دقّ ٍ وجلّي=بارق سناها يشعل الجيد باللون
كان الولي بالعمر يسّر عمل لي=والله مافارق عين خلّي وش يكون
في وحدتي قامت يديني تصلّي=تدعي عسى زوله يسيّر بالعيون
القلب ينْفث في خفوقي يغلّي=والدمع سابق رمشةٍ بين الجفون
ريّان رَدّ الصوت منك يسلّي=والقاف بين ايديك خاضع وممنون
خوّتْك يا جزل القصايد تهلّي=تبعد لدود الهم تسعد لمحزون
جريت قافي بالربابه لعلّي=اشفي عميق الشوق في قلب مفتون

رد : ريّان الجميعه

أسمع صدى صوت الرباب بْمحلي=جرّات عاشق بيّح بكل مكنون
يالهفة المفتون حزنك وصلي=امن الوله والشوق صارت بك غبون
كني به المحزون يبكي على اللي=فارق عيونه واصبح بحال مشطون
خالي مكان ويسأل الناس من لي ؟=عقب الحبيب اللي يساويه بالكون
البيت ضايق به ولاحدٍ يطلي=وكلّ الزوايا فيه للخل يبكون
لاحس يسمع له ولامن يمَلي=حيّز مكانه لا تبدت به شْجون
يابن دخيل اطلب وانا فداك كلي=لو تطلب الغالي ترى جاك مضمون
قافك حزين ومدري وش هو حصلي=مير العزا بـ ان اربعينه يقلون
يومً وراهـ اليوم وقتٍ مولي=واللي صبر لابد بلاوه بتهون

وسلامتكم
أخوكم \ إبن دخيل

[داعي الشوق]

الله الله يا بن دخيل

صح لساانك و لسان ريان

مساجلة ممتعه و وافية من شعراء كبار

يعطيكم الف عافية

و مافيكم حيلة

*************

[حرف وشعر]

الدخيل صح الله السانك والسان ريّان الجميعه


شعراء من الوزن الثقيل

دامت اقلامكم يامبدعين

[عبدالله الدخيل]

المشاركة الأصلية كتبت بواسطة داعي الشوق

الله الله يا بن دخيل

صح لساانك و لسان ريان

مساجلة ممتعه و وافية من شعراء كبار

يعطيكم الف عافية

و مافيكم حيلة

*************

داعي الشوق

صح بدنك وما عليك زود ، الله يعافيك
شاكر ومقدر لك اشراقتك الأولى
لا خلا ولا عدم
واقبل
ودي واحترامي

[عبدالله الدخيل]

المشاركة الأصلية كتبت بواسطة حرف وشعر

الدخيل صح الله السانك والسان ريّان الجميعه


شعراء من الوزن الثقيل

دامت اقلامكم يامبدعين

حرف و شعر

صح بدنك وما عليك زود
شاكر ومقدر حضورك الجميل والمميز
لا خلا ولا عدم
واقبل
ودي واحترامي

[الطائر المهاجر]

كتبتا فأبدعتا واجزلتا
صوت وصدى طيبه
صح لسانك ولسانه ولا هنتو
تحياتي الطيبة

[عمر ال شيبي]

جزله من راس جزل
صح لسانك ولسان خويك الريان
ولاهنت

[جهاد الشعلان]

الله الله


ما اقول اللا كما قال ابوعبدالله
،
،
،
،
(كتبتا فأبدعتا وأجزلتا)


صحت السنتكم جميع

تقبل مروري

[عبدالعزيز العمار]

صوت وصدى رائعين

صحت الالسن ولاهنتو

تحياتي وتقديري

[كظيم]

إبن دخيل .. ريـان
ياعيني عليكم
ابيـات في قمة الروعه
صحت الألسن لاهنتم
مساجلـه رائعــه ومنظومـه جزلـه
ابدعتم في الحبك والسبك
تقبلوا مروري المتواضع لاهنتم
ودي وتقديري