إذا حبيت شخصً مادرا بك ؟!!

[عبدالله راشد الثويني]

السلام عليكم ورحمة الله وبركاته

أحبـك / وآستحيّ منـّـك / .. وآهابــك = دخيـلك ناظر عيـوني .. وتدري
أنا اللي كـل ماطوّل .. غيابك = أحاتـي غيبتك .. ويضيـق صدري
وانا اللي ماتعب يطـرد سرابك = ولا طــَفـيَـت من الاشواق جمـري
أردد في قدومك ياهلا .. بك = هلا باللي اسـر عقلي وفكـري
وإذا رحتي ؟ هموُمـي بي تشابك=واقـول بخافقي .. يازين [ بدري ]
عشقتك قبل ما اسمع جوابك = خيالك كل ماسجيـت يطري
أحبك [ آآه ] .. لو يعلم جنابك= بقدرك .. كان ماطوّلت صبري
إذا صادفت من يعشق ترابك = أنا اتحدااا .. إذا يهواك كثري
على الله يالغلا يمطر سحابك=ويسقي بالولـه والوُد .. بـَذري
وتطرب خافق(ن) ياما سـها بك = عجز يشرح غرام(ن) فيه يجري
تخيـّـل لا سمعت اللي حكابـك = بديت اشكي عنا بـُـعدك .. وآهذري
واناصح من بدا يرقب كتابك = نثر لجلك من اللوعـات حبري
ألا ياقلب لا تفقد .. صوابك = مصير الوقت لو عـانيت يسري
إذا حبيت شخص(ن) مادرابك ؟ = تحمـل مايجي لك .. لين يدري
بعد صبرك عسى يفهم عذابك = وبالتحنان .. يجبر كل كسـري

[حي الضمير]

ياسلام يابوراشد
ابدعت وامتعت وعواااايدك يامميز
ومدد بلا عدد صح لساااانك

[النهج المختلف]

الله الله
الله


الشاعر عبدالله الثويني صح السانك ، ،

قصيدة جزلة من شاعر جزل ومتمكن ، ،

شعور رائع يترجم احساس عذب وراقي ، ،

ووصف عالي الجوده والعذب ، ،

لاهنت والله يعطيك العافية يالسمح ، ،

تحياتي وتقديري ، ،

[الطائر المهاجر]

جزله من راس جزل
صح لسانك
ولاهنت
تحيتي واحترامي

[عبدالعزيز البليهد]

إذا حبيت شخص(ن) مادرابـك ؟
تحمل مايجي لك .. ليـن يـدري


الله عليك يابو ثويني عذوبة الكلمات والمعاني والقوافي ليست غريبه على شاعريتك

صح لسانك اخوي السمح ولاهنت بعد حي

[عبدالله مذكر العقيلي]

مبدع كعادتك الابداع

صح لسانك

ولله درك


تحيتي

[سعيد الصاعدي]

الاخ الفاضل / عبدالله راشد الثويني
صح لسانك لاهنت
نص شعري راقي
من شاعر جزل
تسلم ويسلم فكرك يالغالي
تحياتي
أخــوك
س / ص

[عبدالعزيز العمار]

الشاعر عبدالله الثويني

صح لسانك وابداعك ..

قصيدة عانقت السحاب بجمالها..

لاهنت وتقبل خالص تحياتي

[منيع]

ابداع وتميز
شكرا جزيلا
تحياتي

[عمر ال شيبي]

عذبه من عذب لا هنت

صح لسانك لا هنت