مساجله

اولا السلام عليكم
بحثت بجميع مواقع النت ولم اجد افضل من هذا الموقع لانني حسيت انه يعطي كل شخص حقه ولدي مساجله واحببت ان يكون هذا الموقع بدايه خروجها واتمنى ان تليق بالموقع وزواره


قصيده موجهه للشاعر والامير / شافي بن محمد الصييفي

هات القلم واكتب على بيض الاوراق =واكتب تعابيرن لشافي وقله
باح العزاء والصبر ماعاد ينطاق=وسط البلد يالقرم نفسي ممله
شافي زبون اللي نشيفين الارياق =ذباح حيلا والكرم عادتلن له
تفداه عذرا خبيت من ورا ارواق =ويفداه خبلن من الكرا فيه عله
بخبرك يالقرم انا اليوم مشتاق=مشتاق اعبر ماجرا اليوم كله
جريت ونه واثرت بي تشناق =وهاجوس قلبي بالضماير محله
ساعه دخلت البيت واهم لحاق=واركا على قلبي بهما وسله
الصاحب اللي حط بالجوف علاق=وعلق على قلبي بسهمن وسله
انا اشهد اني لاتلع الجيد مشتاق =لكن مدري وين خدن رحل له
رمت بي الدنيا بغبات الاعماق =وانلاف حالي والمرض مرتعن له
ترا الليالي وان صفت لازم تعاق=وتشوف همك والحشاء مرجعن له
يلعنك يالدنيا تحبين الافراق =كم واحدن فارق من الناس خله
يضحك وهمه داخل خفاق =ودموع عينه فوق خده تهله
على عنود الريم مدموجت الساق=واليا نظرت خديدها ماتمله
وصلاة ربي عد مالاح براق=على نبين سن للناس مله

==============

رد الشاعر والامير شافي محمد الصييفي

يامرحبا شفقن ومشتاق =ترحبيب والد بالولد مخلصن له
وترحيب من عقب المحل شاف براق =القيض جاه ومقدم الصيف زله
نظم الجواهر نظهما شبك بحلاق= في معصمن تزها الجواهر مجله
بشكوا العزيز اللي لكاس الهواء ذاق=لهو صفا مايصفي الكاس كله
اما شربته شربت لذه وترياق =والا يذوق الجفاء والمذله
راس العناء عشرة طويلات الاعناق =سود العيون اللي هدبها مضله
ياماشكا من جورها كل عشاق=وياما غدن بقلبوب ناسن مغله
ياصقر هذا موتري وانت سواق=وطول السفر ياصاحبي مانمله
وانا معك لو هو على قطع الاشناق=مثلك له الغالي رخيصن فدله
امانجي بي زها زين الارناق =والا لنا التاريخ عبر المجله
واختامهما مني تحيات واشواق=وريح الخزاما فاح والسيل عله

[الطائر المهاجر]

هلا بك اخي صقر
في محلك وبين اخوانك وربعك
صوت وصدى طيبه من شاعرين مبدعين
يمكنك تنسيق الموضوع باستخدام منسق الشعر
ووضع علامة يساوي بين الشطرين مثل
هات القلم واكتب على بيض الاوراق = واكتب تعابيرن لشافي وقله

صح لسانك ولسانه
مع أطيب تحياتي
ملاحظه ارجو وضع روابط لبعض قصائدك السابقة
والمنشورة في مواقع اخرى ، وهذا فيه حفظ لحقوقك
وحقوق الآخرين.... لاهنت

[مبارك أبوظهير]

صقر النبيطي



أولا .. مرحبا بك في منتداك .. منتدى الجميع .. الفطاحله



وشهادتك محل إعتزازنا وتقديرنا




القصايد أكيد جميله .. لكن أثرت عليها الأغلااط المطبعيه .. ياليت تنتبه لهالشي ..




وحياك الله مره ثانيه ..



وننتظر القادم




مبارك

صقر

ياهلا ومسهلا فيك

بين اخوانك

مساجله رائعه من شاعرين متمكنين

لاهنت اتحفتنا بها

تحياتي

اشكرك استاذي الطاير المهاجر وللعلموميه هذهي اول مشاركه لي بالنت بشكل عام واول موقع اسجل فيه لان سمعته فووووق كل شي ولك تحياتي والقادم احلى بس ياليت تقتح الرسايل الخاصه

[الطائر المهاجر]

ابو نايف
ياليت لو حددت للأخ صقر وين الخطأ الإملائي او المطبعي
فانا مالاحظت إلا
يضحـك وهمـه داخـل خـفـاق
كأن فيه كلمه ناقصه
لاهنت
تحياتي

ياهلا فيك أخوي صقر
صح لسانكم جميع

مساجله جميله
كل الشكر لك
دمت بخير

[العيناء العامريه]

صح لسانكم ياخوي

مساجله جميله

ولا هنتوا

[ابراهيم عبدالحميد]

صقر
أهلا بك و مرحبا

مساجله قمه فى الرقه و العذوبه
تحوى من الكلمات أروعها و من المعانى أرقاها

سلمت يداك و دمت و غنمت

[ابومياس]

حياك الله ياصقر

والبيت بيتك وانا اخوك

ويسرنا بانك وجدت ضالتك في المواقع

مساجلة صوت وصدى لها جمال خاص

صح لسانك الجميع

وياهلا فيك

دمت بخير