في زمان المصالح وانفتاحٍ جديد

[الطائر المهاجر]

في زمان المصالح وانفتاحٍ جديد=الخلايق تغير في طموحٍ يزيد
القيم والمبادي والضماير تروح=والتسلق لباس اللي لكسبه يريد
والعذارى بعضهن لاهثه للفلوس=تبغي الرجل مقرش ولاهو اللي عنيد
لا لقت من تظنه فيه بعض الغنى= دون تدري بوضعه بعد علمٍ اكيد
توقعه في شراك الحب دامه غشيم=لين يصبح بيدها مثل طفلٍ وليد
تحسب ان التزوج فرصةٍ للثراء= ما درت به شراكة عمر حتى اللحيد
ولا تزوج يحسبه صايد له ملاك = ما درى انه هو المصيود دامه بليد
ما يعرف العذارى وكيدهن العظيم=يستغلن رهيف القلب لوهو رشيد
تنفضه مثل ما هي تنفض ايّة رداء=آلةٍ تصرف اللي هي تشاء او تريد
ولا تنبّه لوضعه وادرك انه خروف=شد محزمه ينظر نظرةٍ للبعيد
تدرك انه تغيّر تنتظر للجنود =يكبرون العيال جنودها والسنيد
ثم تبدا بحرقه من جميع الجهات =في مشاكل عديده علها تستفيد
نفس قشرا بجلدٍ معطن من الطمع = ما تفكّر بعقل وطبعها بالجحيد
ما درت كيف يصبح ورعها لا كبر = ينشغل مع عياله والمره من جديد
مثل هذي فتترك لارحم حيها= تنقذ النفس لا من صرت ضمن العويد
ذا نتاج اللذي للحب قلبه رهيف= ما يحكم لعقله او لرأيٍ سديد
المحبه بعد عشره تدوم العمر = باحترام متبادل كلهم به سعيد
وما بني فوق باطل ينهدم ما يدوم= فحكمّ العقل لايغريك حبٍ مكيد

[داعي الشوق]

ليتنا مقرشين عشان نشوف ونرى 😂
وصح لسانك واعتلا شانك

ولاهنت

[منيع]

صح لسانك وطاب فالك يادكتور
اجدت واصبت شكرا لك
تحياتي

[الطامي]

صح السانك يادكتور
رائعة وهادفه
لاهنت

[الطائر المهاجر]

شكرا داعي
على كريم المتابعه
والله من مفرش يتمنى الصحه اللي انت فيها
اقنع برزفك نعيش سعيد
لاهنت
نحياتي

[نجم الإبداع]

صح لسانك ابا عبدالله

[محمد بن عمار]

الله عليك يابو عبدالله حطيت يدك على مكمن الألم
صح لسانك وجاد هتّانك يالأمير

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا نجم الابداع
على كريم المتابعه
لاهنت
تحياتي