الكمبيوتر

السلام عليكم ورحمة الله وبركاته

يا أخوان هذه قصيدة من بضاعتي المزجاه أرجو أن تنال على إعجابكم وهي قصيدة في جهازي الكمبيوتر يوم خربت فيه الشاشة وبغى يروح فيها ولكن ربك لطيف بعباده وادخل المستشفى لمدة يومين وتم شفائه ولله الحمد والمنه وقد قتبت هذي القصيدة وقت مرضه .

ما اطيل عليكم واترككم مع القصيدة.

ياوالله اللي راح مني جهازي=بعد سنتين صار مث الحجارة
من بعد مدحه جاب كل المخازي=فجأة خرب بمرٍ يجيب المرارة
كنت اتصفح به شرقْ وحجازي=ومرةقلب خطوط مثل الستارة
الشاشة اللي صار فيها اهتزازي=مرة بياضٍ وسودٍ به دماره
وقمت اتشكا عند ناس اعزاز=وشرح ظروفي مع عظيم الخسارة
عند اللذي للطيب والعز حازِ=حاز الفضايل كلها بجدارة
عبد الله الزنان قرم وبازِ=راعي الفعول الطيبة والبشارة
وانا الذي في علتي صرت عازي=والنار في قلبي تعاظم شراره
يالله يالمعبود راعي المفازي=اجعل حياتي كلها ابنظارة
زين جهازي من خراب القزازي=واجبر بخاطرْ من لفته الحرارة
واليوم رايح مع بقية جهازي=يم المهندس راعي علم وشطارة
وعسى العواقب لافيه بالحيازٍ=على السعد تاتي طيور البشارة

وسلامتكم

ياوالله اللي راح مني جهازي
بعد سنتين صار مث الحجارة
من بعد مدحه جاب كل المخازي
فجأة خرب بمرٍ يجيب المرارة
كنت اتصفح به شرقْ وحجازي
ومرةقلب خطوط مثل الستارة
الشاشة اللي صار فيها اهتزازي
مرة بياضٍ وسودٍ به دماره
وقمت اتشكا عند ناس اعزاز
وشرح ظروفي مع عظيم الخسارة
عند اللذي للطيب والعز حازِ
حاز الفضايل كلها بجدارة
عبد الله الزنان قرم وبازِ
راعي الفعول الطيبة والبشارة
وانا الذي في علتي صرت عازي
والنار في قلبي تعاظم شراره
يالله يالمعبود راعي المفازي
اجعل حياتي كلها ابنظارة
زين جهازي من خراب القزازي
واجبر بخاطرْ من لفته الحرارة
واليوم رايح مع بقية جهازي
يم المهندس راعي علم وشطارة
وعسى العواقب لافيه بالحيازٍ
على السعد تاتي طيور البشارة

صالح ال سحمان ..

اول شي الحمد لله على سلامة جهازك وظاهرن من الشر <== الله يخلف

ثاني شي صح السااااااااانك ولاهنت ...

تحيتي لك / مشاعر حالمه ..

[الشريف الشرّقي]

وسع صدرك يابن سمحان .. كلها ثلاثين ريال تفرمت أبوه
صح لسانك .

[عبدالله الشويمان]

ياوالله اللي راح مني جهازي=بعد سنتين صار مثل الحجارة

صح السانك يا اخ صالح..

تعبير جميل.

ولكن انت ما تلاحظ ان الاجهزه هالحين برخص التراب..
كانه منشبك كل شوي يتعطل قطه بالدرام وشف لك غيره ..ههههههههههههههههههههههه

الله يمتعك فيه..ويطول عمرك

[أم ريما]

صح لساااانك

والله يعين على هالأجهزه يا كثر خرابها ههههههه

قصيده جميله والحمدلله على سلامته

تحياتي لك

صالح


صح لسانك

وعلى شانك

والجهاز لو درى عن القصيده ماخرب ابد

تقديري

رائعة هذه الفكاهية
صح لسانك مدد بلا عدد
يا صالح
تقبل تحيتي

الأخت مشاعر حالمة صج بدنك والله لايهينك ومشكورة ما قصرتي والشر ما يجيك ولا جهازك .

الأخ الفاضل الشريف الشرقي صح بدنك والله يجزاك خير على اطلاعك المشكلة مهوب في 30 ريالا ولا غيره ولوالحد علي الفورمات انا افرمت ابوه بس هذا خراب في المذر بورد ويمكن ينطل الجهاز سبته ولكن ربك لطف وصار كرت الشاشة بس وصلّح.

الخ العزيز عبد الله الشويمان صح بدنك واشكرك كل الشكر على الإطلاع اسفرت وانورت أنا ملاحظ بس عاد هذا الجهاز حاز على ثلاثة مراتب في خاطري
1- إنه محمول وماخذن راحتي به اتصل به بالنت في أي موقع من البيت .
2- أنه ألماني الأصل نمرة واستمارة وشاريه رخيص .
3- إني حبيته والحب مثل حب الصقار لطيره .

الأخت أم فيصل صح بدنك والله يعافيك على الاطلاع ازدانت القصيدة بحظورك والله يسلمك من كل شر وهذي الحياة الدنيا كلها غثى.

استاذي الفاضل عبد الله المرشدي صح بدنك اسعتني باطلاعك على القصيدة وهل تظن إن الجهاز بيعرف إني كاتب القصيده فيه ههههههههههههههههه.

محمد السفري النجم الساطع لقد اثلج صدري حظورك معنا هنا وصح بدنك والله لا يهينك ولك كل تقديري واحترامي

واشكر كل من اطلع على الوضوع وتقبلوا تحياتي

[منيع]

الاخ الشاعر/ صالح ال سحمان
شكرا لاتحافنا بهذه الكمبيوتريه
دمت ودام جهازك سالما

[فارس القوافي]

صالح


صباح الوورد


سلامتك وسلامة الجهاز ههههههههه


صح لسانك ولاهنت اخوي



يعطيك العافية


دمت بخير