النّهار يذكّره شمّاه والمغرب يسمّه

[ماجد الزيد]

http://up.fatahilah.com/up//uploads/1019e32cb8..rm

ايه دمدم يا صدر مشتاق فرقا الشّوق دِمّه=يحْطم القلب الفراق وعاصف ٍ بالجوف همّا
الضّلوع العوج قضبان ٍ وقلبي وسط صمّه=لا ونيس ٍ له وزاد الغمّ غماً فوق غمّا
واوجودي من فراق ٍ في يدي رودنْت كمّه=يوم زاغ العقل منّي والجنون الحق تمّا
وجد قيس ٍ يوم جنّ وينظره خاله وعمّه=يوم شاف ان الظّعن بالعامريّه قد اهمّا
طاح دمعه بالثرى ويديه صكّن فوق فمّه= الظّعن مقفي وكبده كنْ بها صيخ ٍ محمّا
وحْضن ضلوعه بيدينه من وجع شيِّن يخمّه=الغلا والله واكبر ما العنه لا قيل ممّا
طبّ مغشيَّن كجلمود ٍ وقع من راس قمّه=قد سكن من بعد ماهو ينتفض نفض المسمّا
ليلتين ٍ ما درى هو حي ولا القبر ضمّه=ون تحاكوا عند راسه والله انّه كالاصمّا
ماصحى الا يوم قالوا والله ان ليلى بدمّه=قال ليلى . قال عمّه فدوتك ياعم عمّا
قال راحت . قال راحت .وسْحب الشّال ويشمّه=شالها لاشم ريحه كل ظلع ٍ فيه لمّا
من يلومه؟ يلعن الله من يلومه او يذمّه=الهوى ماهو بكيفه والعشق ماهو مذمّا
قبله الكندي تغنّى بفاطمه والحب تمّه =امرؤ ابن الحجر ذاك الشّاعر القرم الاشمّا
وش على قيس ٍ وراسه شامخ ٍ والتّاج عِمّه=مرخي منْها الذّوايب سيّد ٍ ماهو مْخمّا
يصعد براس الطّويل ولا نزل في ْواد رمّه=والبحر بحْره وبيره ما نضب والجم جمّا
وجد حالي وجد قيس ٍ غير بانّي زدت هِمّه=لا فرح بي من عدو ولا كشفت اخبار شمّا
حافظ ٍ شّما كحفظي موق عيني عن مدمِّه=عام ٍ بْعام ٍ وشمّا ما نطق بالعلم فمّا
ون تهامس من تكون اقول قولوا وش يهمّه=روح ماجد دم قلبه شوف عينه من تسمّا
النّهار يذكّره شمّاه والمغرب يسمّه=والظّلام يذكره شمّا الى منْه ادْلهمّا
ايه دمدم يا صدر مشتاق فرقا الشّوق دِمّه=يحْطم القلب الفراق وعاصف ٍ بالجوف همّا

[عبدالله راشد الثويني]

المُبدع والمتألق دائماً الشاعر / ماجد الزيد
كم انا سعيد كوني أول من يصافح هذه الشامخه
صح لسانك وعلا شانك أبيات تتراقص في سماء الإبداع
صوت أضاف للقصيده الشي الكثير
كل الشكر على إتحافنا طامعين بكل جديد
تقبل وُدي وأعطر وُردي

[منيع]

لغة شاعرية في غاية الروعه والجمال
شكرا لك
تحياتي

[ياسر عبدالرحمن الخالدي]

الله الله الله

عز الله ان شهادتي مجروحة فيك ولا اقدر امدح و لا تستحق القدح

واصل ايها الفارس

[عبدالله البهلولي]

كتبت فأبدعت

سلمت وسلم راسك

جزلة من شاعر جزل ومتجدد الإبداع

صح لسانك ولا هنت

تحياتي الطيبة

[رفيعة الشان]

.
.
.

الـهـوى مـاهـو بكيـفـه والعـشـق مـاهــو مـذمّــا

ما هو مذمما
والله لو تكفي صح لسانك

كان قلناها

بس ما نقول الا ماشالله عليك ابدعت

تحياتي لقصيدتك
وأكدت قولك
ففي وقت الرخى سلس القوافي
وإن دار الرحى فابليـس فينـا"

[سعيد الصاعدي]

الاخ الفاضل / ماجد حمد الزيد
صح لسانك لاهنت
نص شعري غاية فالجمال والابداع به الكثير والكثير من الشاعريه والتمكن
من شاعر رائع رائع رائع
تسلم ويسلم فكرك يالغالي
تحياتي
أخـــــــوك
س / ص

[نجم الإبداع]

الله الله


صح لسانك ياماجد

شاعر مميز

لاهنت


تقبل مروري

وودي

[يوسف بن صالح]

ماجد الزيد


صح الله لسانك ولاهنت

نص في قمة الشاعرية

كتبت فأبدعت



لاعدمنا تميزك الدائم

[داعي الشوق]

صح لسانك يالشاعر ماجد

رائعة من شاعر رائع

معاني عاشقة من شاعر عاشق

صح لسانك يا بو حمد مع التحية لك

،،،،،،،،،،،،،،