الدوج مامنه غناااه .. جديد المري

[الطامي]

يافهد والدوج يابوك مامنه غناااه =زين مشيه مع تخاتخ ورمل مع سهل
سايقه مرتاح وان جاب طابلونه عطاه =سرعته تزداد ودريوله ماهو بزمل
واهل الجيات بالمشي تاتي في ذراه =وان ضرب له رملة جاتك خلافه نطل
سايقه ماهو بيزمل الى قالو السرااه =انتبهو لام السواحب وعرق ام العبل
ثم سرو من عقب روحه مع كل اتجاه =والكنود يجيب الارسال خلف للسّمل
كن ليته بالمداير وسُحّبها وراااه =ضوح براقٍ سرى الليل كله مافِصل
من لقى جرته يضيع فيها بالاتجاه =جُرة قطيعٍ هجيجٍ تقفااهااا وبل
عقب مسرى الليل قد الفجر يرفع سناه =صفّرو خوف التوالي يجي فيهم عطل
فتشو سامنهم ثم لقو وضعه كماااه =ماتحرك من مكانه ولا جا به خمل
صبحو التالين والكل يشكي من عناه =عقب ثاني دلةٍ فصلها ماهو بعجل
يافهد وتلومني لاقلت مابغي لي سواه=بيكب وصالون واربع ميه وايضاً دبل

[الطائر المهاجر]

صح لسانك واعتلى شأنك
ولاهنت
تحيتي واحترامي

[الطامي]

صح بدنك دكتور
وشكرا لمرورك الاجمل
لاهنت

[منيع]

وصف رائع ودعاية للدوج يابومحمد وذكرتنا بمفردات قديمة مثل( سامانهم) اللي هو العفش شكرا لك ولبوحك المميز تحياتي لكم

[الطامي]

صح بدنك منيع
وشكرا لمرورك وتعليقك الأجمل
لاهنت

[داعي الشوق]

صح لسانك واعتلا شانك
صدقت يابومحمد
الدوج له صولات وجولات من قديم

صح لسانك مدد ولاهنت

[الطامي]

صح بدنك بو سعد
قديما وحديثا له صولات وجولات
والتاليه اخير من الأوله
لاهنت

[الراقي]

صح السانك على هـالجميلــــة
لاَفُض فُوكَ ..

دمت بِكُلِ مَوَدَةٍ