تلاقينا وتعارفنا رحله لوادي الجن(بالصوت)

[الطائر المهاجر]

تلاقينــا وتعارفنــا وحبّينــا من الأوّل = وكان الحلم والآمال متى نلقى أمانينا
انا وانتي مع القمـرى نناجي الليـل نتعـلّل= على شط البحر والموج يرقص من اغانينا
وننسى الوقت واوضاعه بركض وضحك يتسجّل = نطير من الفرح ساعة ولا نذكر مآسينا
مثل طـيرين في الجنة تنـاظر بعض تتغزّل = تغـرّد أعذب الالحان تقول الحب يكفينا
وفجـأة تختفي عني ولا تظهـر مثـل أول = على الموعد بشط الحب مثل أجمل ليالينا
وقلت اصبر عسى يمكن ولكن الصبر طوّل = زمـان الصمت فرقنّـا كأنا ما تلاقينا
عجب وش صار يا حبي ما ني قادر ولا أتخيّل = لقيتي حب أو بعتي ضميرك مثل باقينا
انا ما عـادني قـادر اطيـق الصبر واتحمّل = أبي أفهم أبي أدري سبب هجرك لاراضينا
ونا المحتار في أمري مع المغرب وانا اتجوّل = على شط البحر امشى على ماطى خطاوينا
رسـالة تحت خطـوتها كتبها واحد استعجّـل= فهمت اللي حصل راحت لوادٍ في ضواحينا
اعـرفه واديٍ للجن ومن جاء لـزم يتخبّل = اخذت مطوعٍ يقرا وبعد ساعات طبّينا
مع العتمة لقينا أنـوار ودق طبول تتنزّل = ووادم مثلنا والبعض راسه عكس رجلينا
تخبّل صاحبي وانحاش ، طلبت القلب يتجمّل = واثاري الحفل للعرسان من كل المحبينا
ولاقيهــا تنـاديني ومعها عــود يتململ = اخذني بالحضن لحظة وقال انته بناخينا
واثــاري الحب جنيّـه بكل الـزين تتشكل = الا يا حيسفا حبٍ حسبته من حراوينا
خذوني لشيخهم بالغصب وقالوا لزم تتحول= فربعك مابهم فادة على الإحباط راضينا
ابي اشرح ابي أعرف فقـالوا صه واتعدّل= قروا لي الفاتحة والمهر مشروط على الدينا
اخـدم الـدين في حرفي لعـل الناس تتبدل = تعـود لربها عاجـل لكي نهزم أعادينا
قبلت الشرط للخدمة ، طلبت العرس يتأجل = لعـل الله يفرجها مادامي كاالمساجينا
شكيت الحـال والأوضاع فـدين الله يتنكل = يعيش الناس في ذلة وطت حتى فتاوينا
فقالوا لا تخف ياوليد ترى في يوم تتسهل = متى ما وجه الرحمن بدينـا في مساعينا
اخذنا سلاح من يطغى وما يشعر بما نفعل = وصفينا حساباتٍ قـديمة في مغـازينا
فنصر الـدين مقصدنا بهـذا الغـزو نتكفل = مادام الإنس ما تقدر رضوا ذل الشياطينا
ضحكت شوي استهبل فهذا القـول ما يعقل = وعلى ضحكي صحيت الفجر والمذن ينادينا

[الأموره]

الله عليك يالمهاجر ،،

الله على هالفكر ،،

و هالقصايد اللي تبهر

تبارك الرحمن

صح لسانك و سلم بوحك ،،

شكرا لك ،،

دمت برعاية الخالق ،،

[العيناء العامريه]

هههههههههههههههههههههههههههههه ه

صح لسانك

ماشاء الله خيال كومدي عجيب

سبحان من اطلق الشعر على لسانك

[نفحات حساسة]

ااااااااااااااااالله الله

بصراحه شئ..بس لو كان حقيقه..

شراح يصير عليك جد..

صح السانك مدد..ولاهنت

[عبدالله مذكر العقيلي]

صح لسانك

والله لايهينك


تحيتي

[عبدالعزيز العمار]

حتى مع الجن يالطاير هههههههه

صح لسانك وصح نومك واحلامك

مبدع يابوعبدالله

تحياتي وتقديري

[الطائر المهاجر]

شكرا الأموره
على كريم المتابعه
لاهنتي
تحياتي

[حوريه]

هههههه
كل هذا وتستهبل بعد ما خرعتنا
بوح راااائع واستهبال مميز
صح بوحك واستهبالك
ودمت ودام نبضك

[صنداح الزلامى]

صح لسانك

والله لايهينك

[عبير الورد]

صح لسااااانك ملايين
سلمت وسلم منطوقك الجزل
ربي يعطيك العافية