لامن بغيت تعيش..فتنة العرب

[الطائر المهاجر]

لامن بغيت تعيش بامن وسلامه=لا تصير راس ولا تكن موقع الذيل
راسٍ بلا اكتاف سهلٍ صرامه = واكتاف ببلا ظهر ما تحتمل شيل
والذيل ملفى ما خبث من قمامه= حتى ولو هو ذيل للذيب والخيل
خلك وسط لو قيل فيك الغشامه = ولو قيل متبلد وبارد وتنبيل
وابعد عن اخبارٍ تثير الندامه = تزعلك ماتدري بها كل تظليل
لانّ السياسه لغز تجهل مرامه = حتى ولو معها شروحٍٍ وتحليل
ما كل ما يعلن بيكشف عتامه = ولا كل ما يفعل بناخذه تدليل
ريح ضميرك لاتزيده ملامه = واعرف تراك بغابةٍ كنها الليل
فيها التجاره جاوزت للعلامه = وتجار حربٍ كسبهم دوم تدبيل
شعارهم يخدع قليل الفهامه=ويركض وراهم لو تعرض لتقتيل
احدٍ يقول الدين يعلي مقامه = وآخر يقول القوم صاروا بتذليل
صار العرب اهل الكرم والشهامه= احجار شطرنجٍ بايدي الاراذيل
وكلٍ شهر للحرب اغلى حسامه= وعلى اخوه اليوم قتلٍ وتنكيل
واللي يشعللها بعراق وشامه= عدو واحد والعرب كالمساطيل
ولو قيل فارس واليهود بخصامه= بالسر اخوانٍ يؤدون تمثيل
المصلحه تجمع نجاد واوبامه= وكلٍ يخادع بالوزن والمكاييل
صار العرب في فتنةٍ مستدامه= ماعاد يطفيها فراتٍ ولا نيل

[عبدالله السويلم]

صح لسااااانك ابوعبدالله

لي الشرف اكون اول واحد يتذوق هذه الرائعه


صراحة
قصيده جزله وتحكي الواقع المرير


من اولها الى اخرها درر
ابدعت وامتعت لافض فوك


تحياتي لك يالغالي

[ساهر الليل]

صح لسان ابو عبد الله

ومهما قلنا وزدنا هذا الواقع المر

قصيده رائعه مقتبسه من هبوب

رياح حاضرنا الذي بات صعبا علينا

يسلم راسك ومنطوقك ويدوم نبضك

تقبل تحياتي وودي

[عبدالمحسن الرحمه]

صح الله السانك شاعرنا القدير واقع مرير
الله يبدل الحال

[هترل]

صح لسانك مليووون ولا يكفون
جزل كعادتك لاهنت
تقبل مروري المتواضع

تحياتي وتقديري

[منيع]

ماعاد فيها يالتميمي كلامه=وضحت وحنامع بعضنامهابيل
ضحكو علينا الغرب ولامن زمامه=تقود امتنا بحنكة وتفعيل
ربيع يامال الدمار وحطامه=رحنا وطي ولامن ليالي مقابيل
ناظر بعينك كلنا بودلامه=يالعن ابوقت يجر البهاديل

[داعي الشوق]

صـار*العـرب*فـي*فتنـةٍ*مستـدام ـهمـاعــاد*يطفـيـهـا*فـــراتٍ* ولا*نــيــل


صح لسانك وصح فكرك و حرفك

ولله دررك

ولاهنت

[محمدالحارثي]

من القديم والفتن بين العرب ولكن في تطور وتبلور
صح لسانك يالشامخ بالحرف والمعنى
ولاهنت

[نجم الإبداع]

صح لسانك يابو عبدالله

هذا هو الحال

لاهنت

[بنت النور]

خلـك وسـط لـو قيـل فيـك الغشامـه
ولـــو قـيــل متـبـلـد وبــــارد وتـنـبـيـل
وابـعـد عــن اخـبــارٍ تـثـيـر الـنـدامـه
تزعـلـك مـاتــدري بـهــا كـــل تظـلـيـل






صح بدنك على روووعه الكلمات ياشاعر
يًعّ ــطيًكْ آلِعّ ــآفيًة
وَلِآ عّ ــدِمنآ تِميًز آنآملِكْ آلِذهبيًة
دِمتِ وَدِآم بح ــرٍ عّطآئكْ بمآ يًطرٍح متِميًزآ
بنتِظآرٍ آلِقآدِم بشوَوَق