يا مبعده عن حبيبك (بالصوت)

[الطائر المهاجر]

يامبعده عن حبيبك كيف تسلينه = من عقب مانتي على لقياه شفقانه
وش غيّرك يوم بالهجران تجزينه= حبّه تلاشى أو انتي منه زعلانه
بعدك اعيش ابحزن ما ظن ترضينه= والعود يذوي وعين الهم سهرانه
ان كاني اخطيت عذري لا تردينه= ما كنت قاصد بحق الله وايمانه
وان كان باسباب واشي لو تحدّينه= عينه بعيني تشوفي كيف نكرانه
وان كان بالبال من بالقلب تغلينه= غيري فلا يخدعك بالحب بلسانه
محدٍ يحبك كثر قلبٍ تحرْقينه = ولاحدٍ غيابك سبب بلواه وجنانه
لك منزلٍ في الحشا لو كنتِ تدرينه= ما صار ماصار من هجره وحرمانه
الكون دونك ظلامٍ كيف تطفينه= في عين من حَبّ قلبك واشهر اعلانه
للحب شرعه وخالفتي قوانينه = يمكن بجهلك يلفّ الحب باكفانه
اخسر انا وانتِ ماض الحب وسنينه= وايّام حلوه قضيناها على اشجانه
قصر المحبّه ببدّك لاتهدّينه = فاحلامنا ساس بنيانه واركانه
عودي لحبّك بربّك لاتخلّينه = يلعب به الياس تايه يجهل اوطانه

[ابو أنس]

ابو عبد الله
كم هو جميل هذا العزف المتناسق
قلت أنها موافقة لشيلة يانجمة الصبح
فشلتها بيني وبين نفسي فكانت مطربة ممتعه
وتحمل معانٍ رائعه
لك تحيتي وودي

[ابو زياد]

صح لسانك ابو عبدالله
ابياتك كعادتها جميله ومطربه
ياويل منهو تناسى يوم مغلينه**يبشر بوقت يعاني فيه نسيانه

[سهيل الشمري]

الكون دونك ظـلامٍ كيـف تطفينـه
في عين من حَبّ قلبك واشهر اعلانه
.
.

للحـب شرعـه وخالفتـي قوانينـه
يمكن بجهلك يلـفّ الحـب باكفانـه
.
.


يابعد هلي انت وقافك

ابو عبد الله لاقريت لك ارجع لعصر عمالقة الشعر الاصيل

فديت راسك يابعدهم





سهيل

[الــذاهبه]

الكون دونك ظـلامٍ كيـف تطفينـه في عين من حَبّ قلبك واشهر اعلانه
للحب شرعـه وخالفتـي قوانينـه يمكن بجهلك يلـفّ الحـب باكفانـه

الطائر المهاجر

نص يحلق في سمااء عالم الابداع

تسجيل مرور فقط

دام نبضك

الله الله يالطائر المهآجر

حضور رااااااااااااقي كالعادهـ

صح لسانك

ولاهنت

[ماجد السعد]

شاعرنا ومشرفنا
الطائر المهاجر

رائعه رائعه هذه المعزوفه

صح كلك يامبدع

[نجم الإبداع]

الطائر المهاجر

صح السانك على هذا الجمال

هنا الجزاله وفن الصياغه

يسلم قلبك


تحياتي واحترامي لك

[ضاامية الود]

المشاركة الأصلية كتبت بواسطة الطائر المهاجر

دخلت لأحد المنتديات وسمعت "يانجمة الصبح" على الربابة ، فكان أن تجاوبت معها ، بهذه القصيدة :

يامبعده عن حبيبك كيف تسلينه = من عقب مانتي على لقياه شفقانه
وش غيّرك يوم بالهجران تجزينه= حبّه تلاشى أو انتي منه زعلانه
بعدك اعيش ابحزن ما ظن ترضينه= والعود يذوي وعين الهم سهرانه
ان كاني اخطيت عذري لا تردينه= ما كنت قاصد بحق الله وايمانه
وان كان باسباب واشي لو تحدّينه= عينه بعيني تشوفي كيف نكرانه
وان كان بالبال من بالقلب تغلينه= غيري فلا يخدعك بالحب بلسانه
محدٍ يحبك كثر قلبٍ تحرْقينه = ولاحدٍ غيابك سبب بلواه وجنانه
لك منزلٍ في الحشا لو كنتِ تدرينه= ما صار ماصار من هجره وحرمانه
الكون دونك ظلامٍ كيف تطفينه= في عين من حَبّ قلبك واشهر اعلانه
للحب شرعه وخالفتي قوانينه = يمكن بجهلك يلفّ الحب باكفانه
اخسر انا وانتِ ماض الحب وسنينه= وايّام حلوه قضيناها على اشجانه
قصر المحبّه ببدّك لاتهدْمينه = فاحلامنا ساس بنيانه واركانه
عودي لحبّك بربّك لاتخلّينه = يلعب به الياس تايه يجهل اوطانه

ااااااااااااااااالله واكبر عليك يا شاعرنا


الله يعين للى من الحب كاوينه =يشكي عناوين الحب وشلون حرمانه



الطائر المهاجر ياسلام عليك

صح لسانك وتسلم حروف قلمك

على الرائع والف شكر لك

على الابيات الجزله

تقبل مني خالص التقدير

[سناعيس]

صح لسانك أيها الطائر
وبما أن لك هداتك
ما ينخاف عليك
والله يازين شيلتها
ياهي توسع الصدر
لك تحياتي