النّجوم الي تعلّت / مابكت ركن اليماني

[ماجد الزيد]

مرحبا ياريح جدّي اقلط اغـلا مـن لفانـي=افهق ضلوعي ولا تسأل همومي وش بلاكن
حل قيد الجاذبيـة فالثـرى ماهـو مكانـي=ولا تقول الصبر زين اقول لك اعلم ولكـن!
من متى ريش الحرار ايطاوع احكام الثواني=ماسكن قلبي ولو ان اللسان اليـوم ساكـن
خذني الله لا يهينك عن متاهـات الاغانـي=ماتشوف الصبح الابلج من سواد الليل داكن
النجوم الي تعلت مابكـت ركـن اليمانـي=والحجيج تسبّح الله باغنية كل الاماكـن
افلج الله لايهينك ذا الزمن ، ماهـو زمانـي=واخبر الايام ضبن ماكـن بعالـي سماكـن
ماتساون يالليالي نبضتن في قلـب جانـي=يقطع عروقه لو انها تب تغنا فـي رداكـن
طير ابيات القصيدة فـي ثقيـلات المعانـي=يالشوارد عزكن راسي وقلبي هـو ثراكـن
من ثلاث دهور وانتن في خفوقي كالغوانـي=ولا دروا سود الوجيه الا السواد الي كساكن
ذنبكن طهر الوضو وذنبهم رجس اليدانـي=المذله في دماهـم والمعـزه فـي دماكـن
انتهن حيث ابتديت الوقت مع هجمة حصاني=وابتدن حيث انتهيت وتابعن بعدي عناكـن
فارسن من دون قومي عز قافي ماعصانـي=والقصايد في كنيني ساهراتـن ويتشاكـن
والوطن داري ولو هو مابعد قـدر كيانـي=تاجر بدمه رجال ، وطينه الطيـب شراكـن
ماحجب شمسي عجاج ولا كبى وقتي لساني=وانتن نجومي تورن كل مجنـون بعماكـن
استمدن نور قلبي وايقظـن كـل الموانـي=واسهرن حتى ينام البر محفـوف بذراكن
اصحن ايام الدياجر واغفن ايـام الامانـي=من عطا الدنيا ضياها اشهد انه قد عطاكـن
يا نجومي في سما ظلماي وانتن ترجمانـي=وش تقولن لافنى دهري ونا حيـن معاكـن
سافرن بين الثريا والمحيـط الـي حوانـي=ورافع الله من تبناكن ورافـع مـن بناكـن
يابناتي حين موتي لا تعظن فـي بنانـي !=عظن الدنيا ولن يبكي على موتي سواكِن !!
يا بناتي طوفن الدنيا مثل صـوت الاذانـي=مع بلابل ٍ فالمئآذن المنابر ماتباكـن
ويا بناني حينَ موتي اكتب آخر ما أتآني=لن ينآآل البرَّ دهرٌ فيه ِ اشعاري يتباكن

[منيع]

ياسلام عليك
بركان شعر لايخمد ابدا
وحضور لاينافسك عليه احد
تحياتي وتقديري

[عبدالعزيز البليهد]

الله عليك يابوحمد شموووووخ غير مستغرب من الماجد

قصيده باذخه وهكذا الشعر وإلا فلاااااااا

رائعه تستحق السماع والقرائه

صح لسانك وصح قلبك ويسلم صوتك ولاهنت

[عمر ال شيبي]

يا ذكر الله عليك

موسوعه لا هنت صح لسانك

[عبير الورد]

صح لسااااانك ملياااراااات
وسلم بوحك الراقي
يعطيك الف عافيه

[أم ريما]

صح لسانك

قصيده اكثر من رائعه

يعطيك الف عافيه

ولاهنت

[نفحات حساسة]

ماشاء الله

وصح السانك مدد..وكفو والله

وسلم صوتك..ودام لنا فكرك وأبداعك

ويعطيك الف عافيه

تحيتي..

[حي الضمير]

ياسلام يابوحمد ابدعت وامتعت وعوايدك يانجم
ومليار صح لسااانك يامسخر القيفان

[ماجد المهدي]

اشهد انك شاعر يا ابو حمد

ويا بناني حينَ موتي اكتب آخر ما أتآنـي= لن ينآآل البرَّ دهرٌ فيه ِ اشعـاري يتباكـن

ابيات قوية كالعادة وتغشوها الهيبة والحنكة والقى لا يعلا عليه

صح لسانك ولا هنت

تقبل مروري

ماجد المهدي

[الـزلـزال]

ماجد الزيد
نص مميز وجزل ومتقن
من شاعر عودنا على الأتقان والجزاله في كل نصوصه
مبدع دائمآ وممتع رعاك الله
كم يسعدني معانقة نصوصك والتأمل في حروفها
صح لسانك ملايين ملايين
ولك فائق تحياتي وتقديري