كل شخصي فخره بخلي عصام

[ماجد المهدي]

السلام عليكم ورحمة الله وبركاته
عودة بعد طول غياب والعذر منكم

|
\
/
الكل يفتخر بالأب والعم والنسب أما انا فكل فخري يحتويه أخوي أبو عبد الرحمن (( عصام ))

بسم ربي ابتدي نظم القصيدهـ = وانتهيها بسم ربي والسلامي
والصلاة على النبي أخير عبيدهـ = خير مَنْ وطئ الثرى بين الأنامي
ومن قديم الوقت وأشعاري ركيدهـ = حل فيها انقراض وانعدامي
وجف فيني الشعر وودّعني نضيدهـ = واخلفه جوّي وازرى به عسامي
للتقيت الربع قالوا وش جديدهـ = والتقي بي صمت يلزمني التزامي
لين هل المزن وعيوني سهيدهـ = في ثنايا غفوتي بوسط المنامي
فيّض الهاجوس والسحب العنيدهـ = سيّرت جوي عقب سير القتامي
وجمعت افكار احروفي الشريدهـ = وانسجم فكري باحروفي انسجامي
ايقضت عيني ورَعَدْها تستزيدهـ = كنها تقسم علي لا ما تنامي
ارتديت الشعر وانزعت البليدهـ = والبليده لبسها ما هوب غرامي
والتمست الحبر ادون ما تريدهـ = وما تريده صعب قُسمت انقسامي
بين قوة وبين رعشاتٍ شديدهـ = وبين نصر وبين خوف الانهزامي
لجل خصت من هو اوصافه مجيدهـ = مجدي وعزي أبو عابد عصامي
من هو أقواله لآفعاله أكيدهـ = من يقول القول لأفعاله حسامي
الطيب اللي همس جملاتي المفيدهـ = ما تفيده لو بها نفل وخزامي
يا عساني اقدر على مدحه واجيدهـ = وابلغ آفاق المعالي والمرامي
وبابتدي المقصد من دهورٍ بعيدهـ = من بداية نطق ثغري للكلامي
كان يمسك ايدي باحضان ايدهـ = قاصدٍ بي للثقافة والعلامي
منتفي حزن اليتيم اليا فقيدهـ = مجبر الخاطر كما جبر العضامي
غير الضيقة إلى عيشة سعيدهـ = واتزن حالي إلى حد التمامي
لا نشدته بالصعيبات الوليدهـ = حلها واحتلها بكل اهتمامي
جد جد وثم وجد ثمرة حصيدهـ = ومن سقى الزرع بعناية استقامي
مرشدي في الكون وطروقه رشيدهـ= هو رفيقي وعزوتي وتاجي وإمامي
الصبر مرساه لأفكاري العنيدهـ = ولا انتهيت يقول فكره بأبتسامي
منتهى الرقة وآراءه سديدهـ = تروي اللي ما ارتوى بدهره وضامي
مدرسة في الحُسن والقيم الحميدهـ= محسنٌ ذو شأن ورفيع المقامي
الصفا ويش هي معانيه العديدهـ = النقا والحب ((زد معها عصامي))
والوفا طبعه ويجري في وريدهـ = والصدق عنوان يحكيه بوئامي
معدنٍ نادر وثرواته فريدهـ = للكرم عاله وعلى سبْق الكرامي
طول باع وإطلاع ودرب سيدهـ = لا يمين ولا شمال ولا غمامي
داهيه ومحنكٍ والصيد صيدهـ = صيدة الغزلان له فيها وسامي
وله فراسه وخبرة سنينٍ مديدهـ = خبرةٍ تسواني بعمري وعوامي
ويش اسطر في مديحه ويش ازيدهـ = المزايا شامخه شموخ العظامي
كل شخًصٍ يفتخر بأبوه وسيدهـ = وكل شخصي فخره بخلي عصامي
وأشهد أن القلب مفتاحه وقيدهـ = فدوه له والروح تفديه الهيامي
والعهد ما عشت في الدنيا الزهيدهـ = بدعي له دوم بصلاتي وبصيامي
أسئل الله رب هالكون ومعيدهـ = يحفظه يرعاه من أهل الحرامي
وأسئل الله يعيشه عيشه رغيدهـ = دون هم ودون غم واصطدامي
وبسم ربي انتهي نظم القصيدهـ = مثلما بسمه بديت وبالسلامي
والصلاة على النبي أخير عبيدهـ = خير مَنْ وطئ الثرى بين الأنامي

تحياتي


ماجد المهدي

[نجم الإبداع]

الله الله

يستاهل ابو عابد

يالعذوبتها وطيب فكرتها ياماجد

مرحبا بك بعد طول الغياب

مصافحه غير

صح قلبك

ولاهنت

تقبل مروري

وودي

[داعي الشوق]

صح لساانك يا ماجد

و الحمدلله على السلامه

شاعر جزل و قصيدة جزله

و يستاهل المدح راعيه

و يا هلابك من جديد

و صح لسانك مدد

ولاهنت

لافض فوك ماجد ، ويعطيك العافيه

تحياتي وتقديري

[ماجد المهدي]

المشاركة الأصلية كتبت بواسطة نجم الإبداع

الله الله

يستاهل ابو عابد

يالعذوبتها وطيب فكرتها ياماجد

مرحبا بك بعد طول الغياب

مصافحه غير

صح قلبك

ولاهنت

تقبل مروري

وودي

اهلين بابو منشار

صح بدنك ولا هنت

ومرورك له ثمنه عندي

تحياتي

ماجد المهدي

[طوفـــان]

صح لسانك شاعرنا ماجد على هالقصيدة الجزلة والوافرة

وخالك يستاهل ،،،

تحياتي لك

[ماجد المهدي]

المشاركة الأصلية كتبت بواسطة داعي الشوق

صح لساانك يا ماجد

و الحمدلله على السلامه

شاعر جزل و قصيدة جزله

و يستاهل المدح راعيه

و يا هلابك من جديد

و صح لسانك مدد

ولاهنت

اهلا بداعي الشوق

والله يسلمك

وصح بدنك ولا هنت
تحياتي
ماجد المهدي

[وليدالبسطي]

صح لسانك وعتلا شانك

نص في قمة الروعه

والحمدلله على السلامة

لاهنت

[الطامي]

المهدي
صح السانك ملايين
مدح في من يستحقه لافض فوك اخي
رائعة جدا
لاهنت

[شوق]

ياسلام عليكـ ..
.
.
.

الفاضلـ / ماجد المهدي

الحمد لله على السلامه وحياكـ ..

وصح السانكـ لين ترضى ..

نص مرتفع لافض فوكـ ..

والله يديم المحبه بينكم ..

ويستاهل أخوكـ دام هذي صفاته ..

تقديري لكـ ولنبضكـ ..

,,,