حـبة بندوووووول

[سعيد مقبل الأكلبي]

يبدو لي انها فكاهية
ان كانت سمين فتستاهلونها
وان كانت غير ذلك فجمّلوها جمل الله حالكم

اذا رأيت سنون الليث ناشبةً=في جنب ثورٍ سمينٍ طاح مقتول
فاعلم بإن الحسيل اخطا على الأسدِ=ماغرّه ان الأسد في الغاب مسؤول
ضاعت بصيرتهُ من فرط قوتهِ=وصار في الغابةِ يصول ويجول
مايدري ان الأسد لو كان يبغيهِ=لحَطهُ تمّرةٌ في بطن معْمول
ان الملوك اذا زعلوا على احدٍ=يصبح على آلةٍ حدباء محْمول
ياراكب اللي تسر العين رؤيتهُ=جمسٌ جديدٌ عليه اللون مهْبول
كأنهُ رغوةٌ في الحوض ناصعةٌ=بيضاء من در بكرٍ مالها حول
وكأن انواره في خشم كبوته=مناخرٌ فاتحة في وجه مسطول
وكأن سائقهُ يمشي على بحرٍ=من تحته الموج والمرجان واللول
نعومة في القيادةِ مالها حدٌ=معها رفاهية في المرْكَب تْهول
اذا سرى وظلام الليل يكنفهُ=وشق بالنور جوٌ غير مأهول
تفر منه الظواري والجنون معاً=ويقترب كل مرجوٍ ومأمول
اذا أتى في طريقي قلت وا أسفاً=الى متى والظروف العمي والحول
وإن تذكّرت بعد الصمت قيمته=دوّرت لي في ثنايا الخشم هذلول
قد انتهى الصيف لارحنا ولاجينا=وموتري خردةٌ في الحوش منطول
اذا اتى راتبي بانت مساوؤه=تسمع لشكمانه حفلات وطبول
وإن ركبنا جميعاً في غمارتهِ=كأننا راكبينٍ وسط هندول
من يستطيع شراء الجمس وا لهفي=وفوقهُ الدين مثنيٌ ومدبول
كأن بيني وبين البنك توأمةً=اطلع من القسط وارجع له على طول
ياليت عندي ملايينٌ أُحركها=او بئرُ غازٍ ومعها بئرُ بترول
اشري جميع المواتر ما اتدينها=حتى يقولون هذا عنده اسطول
في المُدن من فوق بي أم وبانوراما=وفي البر من فوق فكسارٍ وبَترول
وطيارتي تحت رجلي دوم جاهزةً=اذا بغيت السفر محْمول مزمول
اروح في الارض وامشي في مناكبها=مابين لندن وواشنطن وسيئول
لكن عسى الله يرزقنا ويرزقكم=بجنةٍ مالها عرضٌ ولاطول
نظمتها كي اُسلّي خاطري فيها=قصيدةً كنّها حبة بندول
واعتذر عن بداية شطرها الاول=فصاحب البيت هذا غير مجهول
والفرق فرقٌ كبيرٌ بينه وبيني=كفرق الاحجام فيها لارج وسمول
هو جاء بالبيت مبنيٌ على عَمدٍ=وجئت بالبيتِ مبنيٌ ومشتول
للشعر عندي مساحاتٌ وحريّة=لا أحتمل رؤيته في القيد مذلول
ابني له في خيالي مسرحاً فاخر=والغير معقول يصبح شئ معقول
احب شعر الفكاهةِ اينما وجد=لإن للشعر هذا عندي ميول
اطرب له قبل ان يقول سامعه=ما هكذا الشعر يأتي منه محصول
والناس اجناس اذواقٌ وأمزجةٌ=والغير مقبول عند فلان مقبول

[عمربن عجرف الشمري]

صح الله ولاهنت يالامير


تقبل مروري



اخوك



عمربن عجرف الشمري

[مجدي صالح المبارك]

الشاعر القدير ( سعيد الأكلبي ) امتعك الله واضحك سنك كما امتعتنا وانتزعت البسمة والضحكة من بين ارواحنا , رائع وجميل في هذا الطرح صح لسانك وجاد بيانك , لك مني فائق التقدير ودمت بكل خير .

[عالي مستواها]

سعيد الأكلبي،،


صح لسانك ،،


وزان حالك ،،

ماقصره على هالجزله صياغه وحبك رائع،،

سلم منطوقك لا عدمناك ،،

يعطيك العافيه ،،

دمت بخير،،

[صعبة المنال]

للشعر عنـدي مساحـاتٌ وحريّـة
لا أحتمل رؤيته في القيـد مذلـول
ابني له في خيالي مسرحـاً فاخـر
والغير معقول يصبح شـئ معقـول
احب شعـر الفكاهـةِ اينمـا وجـد
لإن للشعـر هـذا عنـدي ميـول
اطرب له قبـل ان يقـول سامعـه
ما هكذا الشعر يأتي منـه محصـول
والنـاس اجنـاس اذواقٌ وأمزجـةٌ
والغير مقبول عنـد فـلان مقبـول


شاعرنا الفذ سعيد الاكلبى
رحم الله امرء عرف نفسه
صح لسااااااانك

صعووب

[الطائر المهاجر]

ههههههههههههههههههههههههههه
اضحك الله سنك ياسعيد
لكن عسـى الله يرزقنـا ويرزقكـم
بجنـةٍ مالهـا عـرضٌ ولاطــول
الظاهر ماقد سمعت وش قال شايب وشيقر يوم سمع الخطيب يقول
ان للفقير جنتان جنة في الدنيا وجنة في الآخره
والله العالم ان ماصاير لك طياره لا في الدنيا ولا في الآخره
عش فقيرا تمت فقيرا = فالعيش ما عاشه الفقراء

صح لسانك مليار
تحياتي

[زهرة اللوتس]

صح لسانك
سلمت وسلم فكرك
لاهنت وبيض الله وجهك
تحياتي

زهرة

[داعي الشوق]

صح لسآآنك يالشاعر سعيد الاكلبي

أمتعتنا بهذه المعاني

لي عودة للرد

صح لسانك

مع التقدير لك

،،،،،،،،،،،،،

[محمد عبدالله البدراني]

سعيد الاكلبي

سلمه الله


مليون صح السانك

وعلا شانك ياشيخ


الله عليك


اسعدك الله


لي عوده ياسعيد



تحيتي وتقديري

[سناعيس]

الشاعر سعيد الاكلبي
صح لسانك وبيض الله وجهك
هي كما قلت
فبالفعل فيها ابيات كوميديه وطريفه
وفيها ابيات عميقه وذات معاني تلامس الواقع
وعلى كل حال طرح رائع بقصيدة اروع
لاهنت


تحياتي