ما خلقني الاهي من صنوف العبيد

[الطائر المهاجر]

ما خلقني الاهي من صنوف العبيد= ولا خلقني ادور شرهةٍ عند سيد
ولا خلقني ابوس كتوف حتى اصير= ثوب يلبس ويفصخ بعد وقتٍ زهيد
ولا خلقني ادربي الراس مثل الطبول= كودي احظى بمكسب بالمدح والقصيد
ولا خلقني اساير وقت فيه الفساد=الحرامي غدا به شيخ رأيه سديد
الله اللي خلقني حر مانيب قين= ما حنيت الظهر الا لربٍ وحيد
رافع الراس ماني من يدور فتات=عزتي راس مالي غيرها ما اريد
قانع برزق ربي ما ادور سواه= لو اعاني بزماني صامدٍ كالحديد
في زمان التسلق بالكذب والنفاق= ياصل الطبل واللي جاهلٍ او بليد
لين شفنا الحصاني بالنعم متخمات = والذيابه جواعى ما لقت ما يفيد
وكل حر ضميره حي محدٍ يبيه= ولو يطبّل ويمدح زاد سعره اكيد
ولو تكلم بكلمة حق مامن قبول = وان سكت مات قهرٍ مالقى له عضيد
كل واحد لنفسه دام اناني حقير = لو سرق او نهب من اجل زود الرصيد
المبادي تلاشت في زمان الفلوس= لين شفنا انحدار وننتظر للمزيد
هذا سر التردي في حوال العرب = وكيف صاروا ضعافٍ ما يردوا ضديد
جهدهم ضد بعض بالقتل والسباب= يخدمون المعادي مابهم من رشيد
ياخذ الأرض والثروات ببلا قتال= ويتحكم بهم فيما اشتهاه و يريد
اي امه يسود بها الجهل والفساد = عمرها ما تقدم نحو عصر مجيد
وامةٍ ما تصنّع سلاحها والعتاد = وتشتري ما تريده من ردي الحديد
ما ترد المعادي لا غزا بلادها =وحوّل الشعب والحكّام عنده عبيد

[منيع]

كفو يادكتور قول وفعل
ابيات رائعة ومعبرة وعزة نفس من رجل كريم لايحابي ولايداهن
شكرا لك
تحياتي وتقديري

[الطائر المهاجر]

شكرا منيع على كريم المتابعه
ولا عليك زود
لاهنت
تحياتي

[داعي الشوق]

جهدهم ضد بعض بالقتل والسباب= يخدمون المعادي مابهم من رشيد
اي امه يسود بها الجهل والفساد = عمرها ما تقدم نحو عصر مجيد

صح لسااااااااااااااااانك ابوعبدالله

.. لله دررك يابطل

[الطائر المهاجر]

شكرا داعي على كريم المتابعه
لاهنت
تقبل اطيب التحيه

[الطامي]

كفو بو عبدالله
صح السانك ملايين
ولاهنت

[الطائر المهاجر]

شكرا الطامي على كريم المتابعه
لاهنت
تقبل اطيب التحيه

[نجم الإبداع]

سدقت وصح لسانك يبو عبدالله

[الطائر المهاجر]

شكرا نجم الابداع
على كريم المتابعه
لاهنت
تحياتي

[صعبة المنال]

اي امــه يـسـود بـهـا الجـهـل والفـسـادعمـرهـا مــا تـقـدم نـحـو عـصـر مجـيـد
وامــةٍ مــا تـصـنّـع سـلاحـهـا والـعـتـادوتشتـري مـا تـريـده مــن ردي الحـديـد
مــــا تــــرد الـمـعــادي لا غــــزا بــلادهـــاوحـوّل الشعـب والحـكّـام عـنـده عبـيـد

ابداع .. اوجزت يا ابو عبدالله
صح فكرك ونبضك