قصة سفر ؟؟؟؟؟؟؟؟؟؟؟؟ والمري

[الطامي]

قصة سفر تحكي نفسها تشرفنا بها بالسلام على عثمان العبدالله التميمي
ويستاهل من مثله الزياره لقد قام بالواجب واحببت ان ارويها من الى كما هي تابعوها :-

نوينا السفر يابوك قرب لنا النيسان =سفاري وسيره يعجب اللي يسوقونه
وضوينا على ربع لهم بالضماير شان = على جال عد ماكثراللي يرودونه
وبعد ذا بصباح الفجر قمنا على الاذان= وصوت النجر يطرب نشامي يدنونه
ومرينا الحساء بالدرب والبال به عثمان = نصينا الرياض ودار قرم يطرونه
بعد ماقربنا ارسل يوكد لنا العنوان = بحي المصيف اخلاف بنده تحلونه
لقيناه واقف يحترينا على البيبان = يرحب ويسهل والتراحيب موزونه
سلمنا وقلطنا ودرابيدينه الفنجان = من ادلال صفر جعل الانذال يفدونه
ودارت سوالفنا معى طيبين الشان = وعقبها غدا ومن كل خير يجيبونه
ومن عقب ذا دارت مباخر بها دخان = من العود الازرق ماهل الكار ينسونه
سلامي عليه اعداد ماهل من ودان = وعدد مالمع براق مزن يشوفونه
تميمي واساه طيبٍ والاصل به بان = عريب الجدود ونعم ياللي تعرفونه
ومشينا بعدها وكل طيرغدا له شان = وتواديع قرم يعجب اللي يزورونه
مرينا على الاسواق وقت العشي يافلان = وقضينا الغرض والخط شفناه يمشونه
بعد بنشر التاير بدلناه بالطرفان = سبير جديد وذاخرينه بمخزونه
ومشينا ودعسنا له البنزين بالمليان = وصلاةالعشا بخريص قالو يمرونه
وسرينا وجر الصوت يعجبك باللحان = ممشانا الميه فوق الثمانين طبلونه
وخل الحسا مجنب يسارك ومشيه زان = تنحر قطر وبنزين سلوى يبعونه
بعد منتصف ليل السبت لارقد كوبان = ضوينا كما السرحان لاطابت افنونه
وهاذي تفاصيل السفر كنها بالعيان = وكنك خويٍ لي ولاهي بمدفونه

16/2/2008

[الطائر المهاجر]

بعد بنشـر التايـر بدلنـاه بالطرفـان
تراه التاير الأيمن خلف
انا طالعته وشفته منسحل
قلت الله يفكه منه

صح لسانك
عاداتك الطيب
وما قمنا إلا بأقل من الواجب
لاهنت يالغالي
تحياتي الطيبة

[الطامي]

شكرا الطائر
انت تصيب دائما
الا باذي اخطأت
هو الأيمن الأمامي
والأسبير فعلا منسحل لاكن وصلنا ولله الحمد والمنه
لاهنت على المرور

[العيناء العامريه]

لا عدمناكم يارب

صح لسانك يا المري

وانت و ابو عبدالله ماشاء الله عليكم .... تستاهلون كل خير

ربنا يديم الخير و الوفق بيناتكم.....

و الحمد لله على سلامتك

[الطامي]

العيناء
شكرا لك على المرور والمتابعه
وسلمك الله من كل شر ومكروه

[ســُلاف]

اخذتنا معاك في هالرحلة
ابو عبدالله يستاهل اللي يعنى له ويستاهل هالابيات
وانت تستاهل الطيب يامنصور
الوذين قصيدة تنم عن وفا والنعم فيكم كلكم
صح لسانك

[الطامي]

سلاف
الطيبه انتي اللي تمرين هنا
لاهنت وشكرا لك
وماعليكي زورد اختي

[الأموره]

صــح لسانك ملايين

اخوي منصور ،،

قصيده حلوه ،

الف شكر لك ،،

دمت برعاية الخالق

[الطامي]

الأموره
صح بدنك ولاهنتي على المرور والمتابعه

[ماجد المهدي]

هههههههههههههههه

صح لسانك وربي يسعدكم

وبنشرت الكفر لطائر يا المري هههههههههههههه

قصيدة جزله وقافية جزله ومعاني جزله من جزل

تحياتي

ماجد المهدي